Yann Sohier

den
Reizh pe jener	paotr
Bro ar geodedouriezh	Bro-C'hall
Anv-bihan	Yann, Jean
Anv-familh	Sohier
Deiziad ganedigezh	10 Gwe 1901
Lec'h ganedigezh	Loudieg
Deiziad ar marv	21 Meu 1935
Lec'h ar marv	Plourivoù
Bugel	Mona Ozouf
Yezhoù komzet pe skrivet	galleg
Micher	kelenner
Luskad	Unvaniez ar Seiz Breur

Yann Sohier (Jean Lucien Léon Marie Sohier e marilh ar boblañs) a zo bet ganet d'an 10 a viz Gwengolo 1901 e Loudieg (Breizh) ha marvet d'an 21 a viz Meurzh 1935 e Plourivoù (Bro-Oueloù, Breizh), a oa ur skolaer, stourmer yezhel, ha brogarour breizhat.

Mab e oa d'un archer aet da dailhanter, ha savet e voe e Breizh-Uhel. Degemeret e voe e skol vistri Sant-Brieg er bloaz 1919 hag eno e chomas betek 1921 d'ar poent ma reas e goñje e Gwengamp. Evitañ da vezañ a Vreizh-Uhel e reas e vennozh deskiñ brezhoneg evit bezañ gouest da gelenn ar yezh d'e skolidi.

Ezel e voe eus kentañ strollad « Breiz Atao » etre 1923 ha 1932 dreist-holl. E-barzh meur a bennad e savas neuze a-enep d'an arme ha d'ar faskouriezh.

Eureudiñ a reas e 1929 e Landreger gant Anne Françoise Corentine Le Den, ur vrezhonegerez eus Lanniliz a-du gant e vennozhioù. Goude un nebeud mizioù e skol Prad (Treger) e voent kaset da hini Plourivoù.

E miz Eost 1932, da-geñver pevarc'hantvet deiz-ha-bloaz unvaniezh Bro-C'hall ha Breizh e lammas war garr ar prezidant Herriot o c'harmiñ « Bevet Breizh dieub! ». E bennoberenn a voe krouiñ ar gelaouenn Ar Falz e 1932 evit lakaat ar skolaerien vreton a-du gant ar brezhoneg. Bras e voe e levezon war izili an deskadurezh a oa bet chomet a-enep d'ar rannyezh. Sevel ha reas al levr-skol "Me a lenno" met skrivet e voe e brezhoneg gant Fañch Elies.

Dimeziñ ha bugale

Dimezet e oa Yann Sohier, ha skolaerez e wreg, genidik eus Lanniliz. Ur verc'h o deus bet, Mona hec'h anv, anavezetoc'h evel Mona Ozouf.

Skridoù

Ouzhpenn e bennadoù er gelaouenn Ar Falz en deus bet embannet un dornad barzhonegoù.

Levrlennadur

Mona Ozouf, Composition française. Skrivet gant merc'h Yann Sohier diwar-benn labour he zad hag he yaouankiz e Breizh.

Oberennoù

Me a lenno, Rennes, imprimerie centrale de Rennes, 1941, 48 tresadenn gant R.-Y. Creston hag ur poltred eus Yann Sohier. Hervez tud zo e vije bet savet al levr gant Abeozen.

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.