Herve Seubil gKernaudour

Eus Wikipedia
Mont da : merdeiñ, klask
Herve Seubil gKernaudour
Herve Seubil gKernaudour
Anv ofisiel Hervé Sebille Kernaudour
Obererezh Barzh, troour, yezhour
Ganedigezh 1957
e Treger Breizh Breizh
Yezh skrivañ Brezhoneg
Enorioù Brezhoneger ar bloaz 2014
Oberennoù pennañ
Prientiñ Dictionnaire du breton du Trégor-Goëlo et de Haute-Cornouaille Frañsez Vallée;
Ar Roue Arzhur ha Marc'heion an Daol-Grenn;
Keridwal

Herve Seubil gKernaudour, ganet d'an 12 a viz Gouere 1957, zo ur barzh, ur yezhoniour, ur saver pennadoù gwask hag un troour brezhonek. Arbennigour war ar c'hoari brezhonek rakvodern ha war rannyezh Treger eo. Un dentour eo eus e vicher. Hervé Sebille Kernaudour eo e anv ofisiel.

Buhez[kemmañ | kemmañ ar vammenn]

Eus ur familh gozh e Bear eo perzh Herve Seubil gKernaudour, rak gourniz d'ar barzh Erwan Seubil gKernaudour (1911-1940)[1] eo. E familh dezhañ a zo kar-he-yezh ken unan eus e c'hoarezed, Yanna, he deus kinniget abadennoù brezhonek war Radio Pays de Trégor asambles gantañ. Kaozeadennoù brezhonek a ra war ar skingomzoù ha ar skinweloù ingal. Pa oa krennard e taremprede aliezik a-walc'h Anjela Duval ha Marsel Klerg. Levezonet eo bet gant Skol an Emsav pa oa oc'h ober studioù e Roazhon. Pa oa bugel en doa bevet e Berlin ken en doa desket an alamaneg eno. Goude se en doa tremenet e yaouankiz e Châtillon (Hauts-de-Seine), e rannvro Bariz.

Graet en deus studioù dentouriezh e Skol-veur Paris Descartes, ha studiet en deus meur a dra all ivez : denoniezh, istor, yezhoù (heniwerzhoneg, krenniwerzhoneg, krenngembraeg), kurwanouriezh, henegipteg, saozneg, sañskriteg, yideg, hebraeg, ketchouaeg, finneg, poloneg ha hungareg). Tapet en deus un aotreegezh war ar brezhoneg hag unan all war an hebraeg hag ar yideg, un DEA war an istor hag unan all war an hebraeg. Diskibl eo bet da Édouard Bachellery, Léon Fleuriot ha Pierre-Yves Lambert, en École pratique des hautes études. Gant Gwenole ar Menn eo bet heñchet war-zu ar c'hoariva brezhonek kozh.
Deur ouzh ur pemzegad yezhoù eo : brezhoneg, alamaneg, galleg, saozneg, kembraeg, kerneveureg, iwerzhoneg, islandeg, hungareg, hebraeg, arameeg, yideg, nahuatleg, latin, henc’hresianeg.

Sekretour ar gevredigezh Ofis ar Brezhoneg eo bet e-pad un nebeud bloavezhioù.

Skrivagner liesdanvez[kemmañ | kemmañ ar vammenn]

Savet en deus un toullad barzhonegoù brezhonek gant klotennoù diabarzh evit ar gelaouenn Al Liamm. Skrivañ a ra e brezhoneg war meur a danvez (gerdarzhadurezh, rannyezh Treger, c'hoariva rakvodern) er c'helaouennoù evel Hor Yezh hag Al Liamm ha roet en deus boued da vMoutig. Levrioù yaouankiz en deus troet diwar ar galleg, an alamaneg hag unan all diwar ar saozneg amerikan. Prientet en deus evit an embann dornskrid geriadur rannyezhoù Treger ha Kerne-Uhel savet gant François Vallée.

Herve Seubil gKernaudour e 2007.

Prizioù[kemmañ | kemmañ ar vammenn]

Oberennoù[kemmañ | kemmañ ar vammenn]

Pennadoù gwask[kemmañ | kemmañ ar vammenn]

  • Degasadennoù da studi istor ar c'hoariva brezhonek pobl e Goueloù e diwezh an XVIIIvet kantved", Britannia monastica / Klask, À travers les îles celtiques = A dreuz an inizi keltiek = Per insulas scotticas, Rennes, 2008, pp. 413-433.
  • Tregerieg gourlu = Br. talbod, La. angelica, Hor Yezh, n° 256, Kerzu 2008
  • A-zivout ar ger tregeriek pentoufañ, Hor Yezh, n° 262, Mezheven 2010
  • A-zivout ar ger tregeriek pi(g)elloù, Hor Yezh, n° 265, Meurzh 2011

Embannerezh[kemmañ | kemmañ ar vammenn]

  • Dictionnaire du breton du Trégor-Goëlo et de Haute-Cornouaille, Kuzul ar Brezhoneg, Lannuon, 2014. Aozadenner evit an embann.
  • Keridwal, barzhaz, Embannadurioù Al Liamm, 2017.

Troidigezhioù brezhonek[kemmañ | kemmañ ar vammenn]

  • Breudeur Grimm, Marvailhoù Grimm, skeudennoù gant Pawel Pawlak. An Here, 1997. Troet diwar an alamaneg.
  • Geneviève Huriet, Nijadenn ar re Dro-Heol, Keit Vimp Bev, 1997. Troet diwar ar galleg. ISBN2-86824-025-9
  • Molly Perham, Ar roue Arzhur ha marc'heion an Daol-grenn, An Here, 1998. Troet diwar ar saozneg amerikan.
  • Yves Tanguy, René Le Bihan & R. Mabin, An Here, 2001
  • Div zanevell gant Anatol ar Braz hag Émile Souvestre, diwar ar galleg, e Mojennoù ar marv e Breizh-Izel hag e Breizh-Uhel, An Alarc’h, 2013.

Daveennoù[kemmañ | kemmañ ar vammenn]

  1. Erwan Seubil gKernaudour (anv barzh : Evnig Kernaour) en deus diazezet Kelc'h keltiek Bear er bloavezhioù 1930.


Liammoù diavez[kemmañ | kemmañ ar vammenn]