Klotenn diabarzh

Eus Wikipedia
Sauter à la navigation Sauter à la recherche

Ar glotenn-diabarzh, pe enklotenn, eo an doare da skrivañ meur a soniad o kenglotañ etrezo en ur frazenn, pe en ur werzenn. Implijet e vez er varzhoniezh dreist-holl, met savet ez eus bet buhezskridoù tev-mat da vare ar Grenn-Amzer e Breizh hag e Kembre. Ur sistem skrivañ ha gwerzaouiñ dibar an hini eo a gaver er yezhoù predenek hepken.

Reizhiad ar c'hlotennoù-diabarzh e krennvrezhoneg[kemmañ | kemmañ ar vammenn]

Implijet-stank e veze da vare ar c'hrennvrezhoneg, da lavarout etre an XIIvet hag ar XVIIvet kantved, gant an dud a Iliz peurliesañ, a oa an dud desket war ar yezh.

Lenn a c'heller hiziv an deiz meur a oberenn brudet-mat skrivet e klotennoù-diabarzh evel :

Setu amañ gwerzennoù skouer tennet eus "An dialog etre Arzur Roe d'an Bretounet ha Guinglaff" :

An tut a ilis diguyset
An douar fallaff a roy guellaff [ed]

Ar pezh a dalvez en hor brezhoneg a-vremañ :

An dud a iliz dic'hizet
An douar fall a roy gwell [ed]

Displegadur mont en-dro ar reizhiad

Ouzhpenn da lakaat ar silabennoù-dibenn eus pep gwerzenn da glotañ etrezo neuze, evel ma reer en holl yezhoù, e vez lakaet ar silabenn eil-diwezhañ da glotañ gant an hini greizel : [is] en destenn, ha [añ] ivez en eil gwerzenn.

Skridoù a-vremañ savet e klotennoù-diabarzh[kemmañ | kemmañ ar vammenn]

Lañs a zo bet roet en-dro d'ar gwerzaouiñ e klotennoù-diabarzh gant ar skrivagner Roparz Hemon e deroù en ugentved kantved hag a-hed e vuhez barzhoniel da c'houde. Meur a varzhoneg enklotennet en deus savet. War e lerc'h, an den all en deus savet meur a varzhoneg enklotennet eo Alan Botrel. Un torkad leun a varzhonegoù enklotennet en deus skrivet anvet "Govel an dremmwelioù", da skouer. Gwech ha gwech all e vez embannet ur varzhoneg evel-se e-barzh kelaouenn Al Liamm ivez, met ret eo anzav n'eo ket ken puilh an oberennoù enklotennet el lennegezh vrezhonek kempred evel m'emañ en hini kembraek.

Lennadurezh[kemmañ | kemmañ ar vammenn]