Blev-gaol

Eus Wikipedia
Mont da : merdeiñ, klask
Al livadur Orin ar bed, gant Gustave Courbet, a ziskouez blev-gaol ur vaouez, a reas trouz bras en e amzer.
E gaol David, kizellet gant Michelangelo , e weler blev ivez.


Ar blev-gaol eo ar blev a zo e gaol an dud, a-wechoù e krec'h o garbedenn. marblev tanav a vez e gaol ar vugale, neuze e reer blev-gaol eus blev tevoc'h ha hiroc'h pa deu oad ar gaezouregezh, gant kresk niver an androgenoù war groc'hen ar reizh.

Kresk ar blev-gaol[kemmañ]

Blev-gaol ur plac'h
Blev-gaol ur paotr

A-raok oad ar gaezouregezh eo marblev tanav a vez war reizh ar baotred hag ar merc'hed. Sed a zo al "live kentañ hervez Tanner".

Pa grog ar gaezouregezh, ha dre ma kresk niver an androgenoù, e teu blev tevoc'h ha hiroc'h war groc'hen ar reizh, hag en em astenn a ra gorread ar c'hroc'hen blevek gant ar bloavezhioù.

Blev ar merc'hed[kemmañ]

Gant ar merc'hed e teu ar blev-gaol war-dro ar muzelloù bras (live 2 hervez Tanner hag en em astennont betek ar voudenn (live 3) e-pad an 2 vloaz goude.. War-lerc'h tri bloaz (amzer d'ar merc'hed da gaout o amzerioù kentañ peurvuiañ), e teu stankoc'h ar blev er gaol betek stummañ un tric'horn. En 2 vloaz goude, e teu blev ivez e traoñ ar c'hlunioù hag a-wechoù war ar c'hof, war-du ar begel.

Blev ar baotred[kemmañ]

Gant ar baotred e teu ar blev-gaol kentañ war ar sac'h, a-strew, pe e krec'h sichenn ar c'halc'h (live 2). Dindan bloaz e teu stank ar blev en-dro da sichenn ar c'halc'h, (live 3), ha dindan 3 pe 4 bloaz e vez leun ar c'haol gant ar blev (live 4).

Dindan 5 bloaz en em astennont war-du traoén ar c'hlunioù hag e savont war ar c'hof betek ar begel (live 5). Takadoù zo war ar c'hoc'hen ha ne vezont ket ken kizidik ouzh an androgenoù, ma teu blev warno diwezhatoc'h. Peurvuiañ e teu ar gizidigezh ouzh an androgenoù, hag ar blev da-heul, en divgazel, war ar vuzell-grec'h, dirak an divskouarn, en-dro d'ar begoù-bronn, e-kreiz ar bruched, dindan ar goñj war ar gouzoug, war ar bruched penn-da-benn, e traoñ an dremm (barv), war an izili hag an divskoaz, war ar c'hein, war ar c'hlunioù.

Gwelet eo ar blev kentañ evel un darn eus donedigezh ar gaezouregezh, ha koulskoude eo distag a-grenn diouzh donedigezh ar gonadoù a gas d'an oad a oberiantiz reizhel ha d'ar speriañ stujus.

Gallout a ra ar blev-gaol kreskiñ gant an androgenoù hepmui, goude ma ned aje ket ar vielloù pe ar c'helloù en-dro a-zoare (gwelout ar pennad kaezouregezh)

Etre paotred ha merc'hed ez eus un tamm kemm evit a sell ar bezañ gouest da respont d'an androgenoù. Splann eo pegen disheñvel eo ar paotred hag ar merc'hed mann nemet en doare ma'z eo goloet o c'horf gant blev. Petra zo kaoz, nemet pegement a androgenoù a vez enno pa vezont deuet d'o ment.

Disheñvel hervez an dud[kemmañ]

Blev-gaol ur vaouez.

Disheñvel eo ar blev-gaol a zen da zen. Darn o devez blev tev ha stank, ha re all blev flour ha tanav.

Gallout a ra blev ar c'haol hag an divgazel bezañ disheñvel-mat o liv diouzh hini blev ar penn. Peurvuiañ e vezont teñvaloc'h, met sklaeroc'h e vezont a-wechoù gant darn.

Kalz a wazed o devez blev-gaol a-liv gant o barv (a-raok na deufe gwenn gant an oad), hag a c'hall bezañ disheñvel e liv diouzh blev ar penn. Gant an darn vrasañ eus ar merc'hed e vez ur stumm tric'hornek d'o blev-gaol, ha goloet gante o moudenn.

Gant gwazed a-leizh ez a ar blev war rouesaat war-grec'h betek ober un erv blev etrezek ar begel.

Evel dindan an divgazel eo stag ar blev-gaol ouzh gwagr sebasek.

Evel war blev ar penn e c'hall laou dont war blev ar c'haol: laou faraon, pe laou krapitous a vez graet eus ar ouenn-se.

Karg ar blev-gaol[kemmañ]

Sevenadur[kemmañ]

Hervez ar broioù[kemmañ]

Francisco Goya, La Maja desnuda



Kemm, touzañ, lemel[kemmañ]

Doareoù, tabou[kemmañ]

Lemel ar blev-gaol[kemmañ]

Pa vez lamet ar blev-gaol

Disvleviñ ar c'haol a vez graet abalamour da ziskouez ar c'horf muiañ ma c'haller, hep diskouez blevenn ebet, hag abalamour da wiskañ dilhad a c'holo ar c'horf nebeutañ ma c'haller.


Penaos lemel[kemmañ]

Gant koar e vez c'hoariet, pezh zo naturel, pe gant produioù kimiek arvarus.

Alioù[kemmañ]


Liamm diavaez[kemmañ]