Ivin
Eus Wikipedia
-
Gant ar ger "ivin" e tegouezher amañ. Evit sterioù all ar ger, gwelit ivin (disheñvelout).
Un ivin zo e penn pep biz d'an den, anezhañ un danvez heñvel ouzh skilfoù loened zo.
Tud zo a zebr o ivinoù, e-lec'h krennañ anezho.
Aozadur an ivinoù [kemmañ]
- Ar mable : diazez an ivin, emañ a brodu ar c'heratin hag a grouo an ivin. Ma'z eo gloazet e c'hoarvez e vefe digendalc'husterioù en ivin.
- An eponychium pe kutikul : ar c'hroc'hen a c'holo ar mable.
- Ar paronychium : ar c'hroc'hen a zo war vord an ivin
- An hyponychium : kavet dindan penn an ivin.
- An ivin e-unan : al lodenn kalet ha treuzwelus, graet gant keratin
- Arc'h an ivin : kavet dindan an ivin
- Al loarell (pe "strinkenn ar Werc'hez") : an dachenn sklaer rombek lec'hiet e diazez pep ivin.
Ivinoù troc'het [kemmañ]
Ivinoù an dorn a kemer etre 3 ha 6 miz evit en em stummañ penn-da-benn, 12 da 18 miz evit an ivinoù treid.
An ivin en deus ur c'haletder 2,2 war skeul Mohs!
Kleñvedoù zo a laosk merkoù war an ivinoù ; un doare eo e medisinerezh da adkavout istor kleñvedel ur pasiant...
Troioù lavar [kemmañ]
- Astenn unan benak war e bevar ivin: diskar anezhañ d'an douar
- Bezañ gwad dindan ivinoù unan bennak: bezañ taer
- Dont ar gwad dindan ivinoù ub: sevel droug ennañ
- Kaout ivinoù kaouenn: ivinoù lemm
- Krennañ e ivinoù da ub: terriñ e fulor da ub
- Bezañ hir e ivinoù: bezañ laer
- Un ivin kignen
- Ivinoù an amzer: an amzer o tremen hag a laosk roufennoù war dremmen an dud
- Un ivinad amann: nebeudik a amann
