Begel

Eus Wikipedia
Begel paotr...
... ha begel plac'h
Begel dispak

Ar begel, anvet ivez bouton-kof (pe umbilicus hervez al latin) zo ur gleizenn graet e kof ar vugale nevez-c'hanet pa vez troc'het kordenn ar begel. An holl vronneged o deus plakenta o deus ur begel. Ma vez gwelet splann gant ar bronneged a zo tud, war ar re all, a zo loened, ne vez nemet ul linenn disvlev.

Gant an dud ez eo pe evel un toullig, don a-walc'h a-wechoù, pe evel ur bos bihan. Peurvuiañ e vez disheñvel-mat stumm ha ment ha donder, ha dreist-holl neuz. Dre ma'z int kleizennoù n'int ket perzhioù a ouenn pe a wad. Servij a c'hallont da zisheñvelout gevelled mar karer, pa n'haller ket ober en un doare all. N'eus kemm ebet etre ar begelioù abalamour ma vije unan hini ur paotr hag egile hini ur plac'h a-hend-all. Brav pe vravoc'h int hervez an doare ma'z int bet troc'het dreist-holl.

Giz[kemmañ | kemmañ ar vammenn]

Diouzh ar c'hiz eo ar begel er bloavezhioù 2000 evel biskoazh. Deuet ez eus ur c'hiz d'ar merc'hed yaouank, ha lod eus ar re gozh da-heul, da zispakañ o begel. E skolioù zo ez eo bet ret difenn outo a en em wiskañ diouzh se, dre ma troe evezh ar baotred diwar an deskiñ.

Tra ma plij d'un darn vras eus ar merc'hed yaouank dispakañ o begel, e plij d'ul lod bihan kuzhat anezhañ.

Da-heul giz an diwiskañ eo deuet hini an toullañ.

Skeudennoù[kemmañ | kemmañ ar vammenn]

Pennadoù kar[kemmañ | kemmañ ar vammenn]