Madelyn Ann
| Madelyn Ann | |
| |
Madelyn Ann e Brest e miz Here 2021.
| |
| Anv | Madeline Anne |
|---|---|
| Ganet | 21 a viz Meurzh 1988 Manche |
| Micher(ioù) | Kanerez-sonaozerez |
| Doare(où) | Pop rock, Sonerezh Breizh, Sonerezh a-vremañ |
| Benveg(où) | kan, sonerezh elektronek, gitar |
| Bloavezhioù oberiant | Abaoe 2019 |
| Label(ioù) | Aztec Musique, PIAS |
| Awen | Kate Bush, Fever Ray, Aurora, Byörk, Eivor, Cocteau Twins |
| Lec'hienn ofisiel | madelynann.com |
| Endro | Robin Foster |
kemmañ  |
|
Madelyn Ann a zo ur ganerez ha saverez pozioù eus Breizh. Kanañ a rae e saozneg er strolladoù folk ha keltiek a-raok kemer he lañs hec'h-unan. Kanañ a ra e brezhoneg kanaouennoù skrivet ganti war tonioù a-vremañ, pop rock. Tro-dro dezhi ez eus ur strollad sonerien, anezho Olivier Le Hir, Gaëtan Fagot ha Brendan Costaire.
Buhez
[kemmañ | kemmañ ar vammenn]Desavet eo bet Madelyn e Normandi, er Manche. Eus Karaez e oa he zad-kozh hag he zad a laboure en arsanailh Cherbourg[1]. Ur vachelouriezh lennegel he deus bet gant dibaboù sonerezh ha c'hoariva[2]. Goude-se he deus kroget da ganañ gant strolladoù a bep seurt : rock, folk, kan martoloded, jazz... Graet he deus studioù uhel e Breizh : dourc'hounezerezh e Gwenrann, un aotregezh merañ produioù-mor en Oriant hag ur master ekonomiezh ar mor ha terkañ an arvor e Roazhon[3].
Desket he deus brezhoneg gant Stumdi e-pad 9 miz e 2017 e Brest. Deuet eo da Gameled da chom ha kanañ a rae en ur strollad folk keltiek. En un davarn ma oa kustum da bakañ banneoù gant ar soner Robin Foster he doa kanet dirazañ ar ganaouenn Ar galon digor goude Annie Ebrel[2]. Robin Foster en doa kavet brav he doare da ganañ hag en doa kinniget dezhi labourat gantañ evit krouiñ kanaouennoù pop-rock skrivet e brezhoneg[4].
Kroget e oant gant unan eus kanaouennoù Kate Bush, Running Up That Hill, troet e brezhoneg, da gentañ evit gwelout hag-eñ e sone mat : Gant ma c'helljen eo an hini gentañ enrollet war un albom EP[5]. Kanaouennoù nevez a zo bet skrivet war-lerc'h (Ma-unan - Ar Faou, Nebaon). Kanet he deus ur ganaouenn er bladenn PenInsular II e 2018 ha goude gant Robin Foster war leurennoù evel evit ar Festival du Bout du Monde e Kraozon e 2019[6],[7].
-
Madelyn Ann e Karaez e 2019
Kroget he deus da labourat gant ar c'hitarourien Gaetan Fagot hag Olivier Le Hir e-pad ar c'henfinañ e 2020 da sevel kanaouennoù. Ar strollad a zo krouet gant an tabouliner Brendan Costaire. Enrollañ a reont ur bladenn 4 zitl, War-vor, deuet er maez gant he c'hevredad produiñ War-Vor Produktion[8], ha videoioù skignet war Internet[9]. He raktres a oa bet dibabet evit Prizioù ar brezhoneg ha roet e voe dezhi an eil priz er rummad krouidigezh e brezhoneg gant France 3 Bretagne hag Ofis publik ar brezhoneg e miz Meurzh 2021[10]. Tapet he deus ar priz "A-vicher" er genstrivadeg An Taol-Lañs e 2021, skoazellet gant ar gevredigezh Mignoned ar brezhoneg evit sevel klipoù video[11]. A-drugarez d’an Taol-lañs he doa gallet ivez kanañ er festival Deus ‘ta e Brest e fin ar bloaz[12]. Da-heul e oa bet aozet un droiad betek ar festivalioù bras e-pad hañvezh 2022 : Euskal Herria Zuzenean e bro Euskadi[13], Gouelioù-Meur Kerne e Kemper a-raok Jane Birkin[14], Emvod ar Gelted en Oriant[15],[16].
D'ar 24 a viz Meurzh 2023 e oa bet embannet ar bladenn studio Nevez-Amzer (gant Aztec Musique, dasparzhet gant al label PIAS)[17] ha skignet eo bet div ganaouenn e single hag o c'hlipoù (Chom ennon ha Roz a gomz eus karantez)[18]. Temoù ar pozioù a lak war wel efedoù an den war an endro (Bevezhiñ, Kant mil den) met ivez ar spi a vefe cheñchamantoù brav evel en testennoù barzhek Nevez-amzer, Tad pe Dour[19]. Gounezet he deus ar bladenn ar Priz muzikal Produet e Breizh ha gant-se e c'hall Madelyn Ann seniñ evit nozvezh digoradur ar festival etrekeltiek an Oriant[20].
-
Sonadeg gant Robin Foster e Karaez e miz Du 2019 -
Sonadeg e Gouel Broadel ar Brezhoneg e miz Gouere 2021 -
Sonadeg e Brest e miz Here 2022
Pladennoù
[kemmañ | kemmañ ar vammenn]Albom studio
[kemmañ | kemmañ ar vammenn] 2023 : Nevez-Amzer (Aztec Musique/PIAS)
|
EP
[kemmañ | kemmañ ar vammenn] 2021 : War-Vor (embroduiñ War-Vor Produktion)
|
2024 : Akoustik (Aztec Musique)
|
Kenlabour gant Robin Foster
[kemmañ | kemmañ ar vammenn]- 2016 : The Hardest Party (titl : Running Up That Hill - Gant Ma C'helljen)[5]
- 2017 : Empyrean (EP, titl : Everlast - Nebaon)
- 2018 : PenInsular II - The Bridge (titl : Ma Unan)[21]
- 2020 : PenInsular 2.5 (titloù : St Pôl, Ma-Unan)[22]
Videoioù
[kemmañ | kemmañ ar vammenn]- 2021 : War Vor (klip)
- 2022 : Nevez-Amzer
- 2023 : Chom Ennon (klip)[11]
- 2023 : Roz (klip)
Prizioù
[kemmañ | kemmañ ar vammenn]- 2021 : Prizioù Dazont ar brezhoneg (France 3 Bretagne hag Ofis publik ar brezhoneg)[10]
- 2021 : An Taol-Lañs (Gouel ar Brezhoneg)
- 2023 : Priz muzikal Produet e Breizh evit Nevez-Amzer[23]
Liammoù diavaez
[kemmañ | kemmañ ar vammenn]
Daveoù
[kemmañ | kemmañ ar vammenn]- ↑ Musique. Madelyn Ann, nouvelle voix bretonne, Ouest-France, 21/07/2022
- ↑ 2,0 ha2,1 Un emgav gant : Madelyn Ann, Ya !, 10 a viz Gwengolo 2021, niverenn 848, P.12
- ↑ Régis Delanoë, « Madelyn Ann : Grande Bretonne », Bretons, n°199, miz Gouere 2023, p.31
- ↑ La chanteuse finistérienne Madelyn Ann et sa pop en langue bretonne, France bleu Breizh Izel, 27/10/2020
- ↑ 5,0 ha5,1 "Kate Bush Cover" war Facebook
- ↑ Welcome ! Bienvenue au Bout Du Monde Robin Foster !, Ouest-France, 03/08/2019
- ↑ Festival du Bout du Monde 2019 : Dimanche, radionaoned.bzh
- ↑ Qui veut aider le Parc naturel d’Armorique à choisir parmi ses projets innovants de 2022 ?, Ouest-France, 11 a viz Gwengolo 2022
- ↑ La découverte de la semaine : Madelyn Ann, bretagne-actuelle.com, 15/04/2021
- ↑ 10,0 ha10,1 Prizioù 2021 France 3 Breizh, france3-regions.francetvinfo.fr
- ↑ 11,0 ha11,1 Mignoned ar Brezhoneg : An Taol-Lañs 2021, kengo.bzh
- ↑ Spered ar vro. Plac’h digabestr, Le Télégramme, 24 a viz Even 2021
- ↑ (fr) Pays basque : « EHZ, c’est l’été qui revient ! On y est ! », Sud Ouest, 02/07/2022
- ↑ Madelyn Ann, la belle voix de l’Armorique, au Festival de Cornouaille, Ouest-France, 24/07/2022
- ↑ (fr) Olivier Favier, La pop singulière de Madelyn Ann ou la modernité bretonnante, RFI, 25/07/2022
- ↑ (fr) Festival Interceltique de Lorient : ringarde, la musique bretonne ? Pourquoi les jeunes en sont fans, Le Parisien, 11/08/2022
- ↑ Loïc Tissot, « Le regard du label Aztec sur la scène bretonne », Ouest-France, 04/04/2023
- ↑ MADELYN ANN: leur single & clip "Chom Ennon", aztecmusique.com
- ↑ La chanteuse de Camaret-sur-Mer Madelyn Ann sort "Nevez Amzer" son premier album, France bleu Breizh Izel, 21 a viz C'hwevrer 2023
- ↑ « Le prix musical Produit en Bretagne décerné à Madelyn Ann et’Ndiaz », Ouest-France, 15/05/2023
- ↑ Robin Foster. Pen Insular II (The Bridge) ***, Le Telegramme, 3 a viz C'hwevrer 2019
- ↑ Robin Foster sort un deuxième EP, Le Telegramme, miz Even 2020
- ↑ 2 ALBUMS PRIMÉS AU PRIX MUSICAL PRODUIT EN BRETAGNE 2023, 09/05/2023