Genoù (korf)

Genoù serr ur plac'h

Genoù digor un aligatorig : o varailhat emañ.

Troc'hdres ar genoù (e brezhoneg)

Brastres eus genoù un den.

Ar genoù (pe genou) eo anv an toull e penn an dud hag al loened hag a servij dezho da zebriñ ha da evañ, hag ivez d'ober trouz, (d'ober yezhoù a vez laret ivez), da varailhat , da gomz evit an dud.

Genaouioù ([ge'nojo]) eo liester an anv-kadarn-mañ.

Er-maez

En-dro d'ar genoù emañ an diweuz, pe muzelloù.

E-barzh

Er genoù emañ

• an dent
• an teod
• an hugenn
• gwagrennoù an halv

Kleñvedoù

E-touez kleñvedoù ar genoù

• an herpes
• krign-bev ar genoù, tapet diwar vutunat

Troiennoù

• Bezañ lous e c'henoù : distagañ komzoù gros,
• Chom e c'henoù (digor) war nav eur : bezañ souezhet ken e chomer gant ar genoù digor,
• C'hoarzhin leizh e c'henoù : forzh pegement,
• Mont e-barzh genoù al louarn : en em lakat en ur blegenn dañjerus,
• Ober genoù : huchal,
• Pilat e c'henoù : komz dibaouez.

Gerioù all

Gerioù all zo da ober kaoz eus ar genoù hep ober an anv-se anezhañ:

• riboul ar patatez
• ar rann: diserriñ ar rann a zo neuze kement ha komz
• toull ar gevier