Kiribati

Banniel Kiribati

Pelec'h emañ Kiribati enr Meurvor Habask

Kartenn eus Kiribati

Kiribati (distaget [ˈkiɾibas] e kiribateg), ent-hir Republik Kiribati (Ribaberika Kiribati e kiribateg, Republic of Kiribati e saozneg), zo ur riez enezek eus ar Meurvor Habask gant 32 atoll hag un enezenn gouralek ouzh hec'h ober ; 811 km² eo gorread douaroù ar Stad, strewet war 3 500 000 km² avat. Da 108 145 a dud e save ar boblañs e miz Gouere 2017. Tarawa Teinainano, en atoll Tarawa, eo ar gêr-benn.

An inizi

Tri strollad inizi a zo, a gornôg da reter :

• an Inizi Gilbert (Tungaru e kiribateg, Gilbert Islands e saozneg), anezho 16 atoll: Abaiang, Abemama, Aranuka, Arorae, Beru, Butaritari, Kuria, Makin, Maiana, Marakei, Nikunau, Nonouti, Onotoa, Tabiteuea, Tamana ha Tarawa, en homañ ziwezhañ emañ ar gêr-benn, Tarawa Teinainano.
• an Inizi Pinikiti (Phoenix Islands), didud war-bouez Enez Kanton,
• Inizi al Linenn : pemp anezho (Malden, Starbuck, Enez Caroline, Vostok hag Enez Flint) zo didud ; eno ez eus bet graet arnodoù nukleel gant Breizh-Veur ha SUA er bloavezhioù 1950.

Inizi all :

• Banaba, ha n'eo ket un atoll met ur makatea, poblet rouez.

Istor

Emgann Tarawa a c'hoarvezas e miz Du 1943, etre soudarded SUA ha re Japan.

Lennegezh

• J. Maarten Troost : La vie sexuelle des cannibales: À la dérive dans le Pacifique Sud , Folio, 2013 (ISBN 978-2-07045-198-2)

Broioù ha Stadoù Okeania

 Aostralazia : Aostralia • Enez Christmas • Inizi Cocos (Keeling) • Enez Norfolk

 Melanezia : Fidji • Kaledonia-Nevez • Papoua Ginea-Nevez • Papoua ar C'hornaoueg • Inizi Salomon • Vanuatu

 Mikronezia : Guam • Hawaii • Kiribati • Inizi Mariana an Norzh • Inizi Marshall • Atoll Midway • Stadoù Kevreet Mikronezia • Nauru • Palau • Wake

 Polinezia : Inizi Cook • Niue • Enez Pask • Pitcairn • Polinezia C'hall • Samoa • Samoa Amerikan • Tokelau • Tonga • Tuvalu • Wallis ha Futuna • Zeland-Nevez