Pontrev

Pontrev
Kumun eus Breizh
Ar rinier e Pontrev, ha bagoù bale, gwelet eus al lez dehoù. E kumun Pleuzal emañ al lez all.
Anv gallek (ofisiel)	Pontrieux
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Gwengamp
Kanton	Pontrev (betek 2015) Bear (abaoe 2015)
Kod kumun	22250
Kod post	22260
Maer Amzer gefridi	Samuel Le Gaouyat 2014-2020
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Gwengamp
Lec'hienn web	Ti-kêr
Poblañsouriezh
Poblañs	1 028 ann. (2017)
Stankter	1 008 ann./km²
Douaroniezh
Daveennoù lec'hiañ	48° 41′ 57″ Norzh 3° 09′ 29″ Kornôg 48° 41′ 57″ Norzh 3° 09′ 29″ Kornôg
Uhelderioù	kreiz-kêr : 9 m bihanañ 7 m — brasañ 77 m
Gorread	1,02 km²
Pontrev

Pontrev (distaget: [põn'trẽˑ], [põn'trɛw], [põ'trẽf]...) a zo ur gumun eus Breizh e departamant Aodoù-an-Arvor, war ribloù an Trev, un 20 km bennak eus an aod, a deu al lanv betek enni. Penn kanton e oa betek 2015.

Douaroniezh

Pontrev a zo bet savet war dreuz ar stêr Trev (Treñv)

Kumunioù amezek : Kemper-Gwezhenneg; Sant-Kleve; Ploueg-Pontrev; Pleuzal Ur porzh bihan eo, ma vez diskarget traezh-mor ha kregin d'ober temz. Ur pennad zo e vez gwelet bagoù o c'hoañviñ war an Trev.^{(Amsklaer ha diresis. Abaoe pegoulz?)}

Kanton

Kanton Pontrev zo bet enteuzet e kanton Bear e 2015.

Anv

Savet eo an anv diwar ar ger pont hag anv ar stêr Trev.

Ardamezioù

"en gul, e groaz koñchek en aour"

Istor

Henamzer

Kêr Bontrev a zo bet savet war lodennoù Kemper-Gwezhenneg ha Sant-Kleve (Itron Varia ar Feunteunioù), war zu reter an Trev, ha Pleuzal (Sant-Erwan), war zu kornog an Trev.

XVIIIvet kantved

• 19 Eost 1773 : dour-beuz hag a gas un neubeut tiez hag ar pont
• 3 Ebrel 1777 : tan-gwall hag a gas ul lodenn vras eus ar straed Galleries
• 25 Genver 1778 : dour-beuz
• 20 Gouere 1778 : dour-beuz

Dispac'h gall

• Emgann Pontrev e 1792.

XX^vet kantved

Brezel-bed kentañ

• 62 waz a gollas o buhez abalamour d'ar brezel hervez monumant ar re varv, d.le. 3,46 % ag ar boblañs hervez an niveradeg bet graet e 1911 .

Eil Brezel-bed

• Kemeret e voe 20 000 Lur en ti-post, gant daou ezel eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg .
• Mervel a reas 28 den eus ar gumun abalamour d'ar brezel .

Trevadennoù

• Brezel Aljeria: tri soudard a varvas.

Monumantoù ha traoù heverk

• Iliz Itron Varia ar Feunteunioù
• Feunteun
• An ti Eiffel, un ti kozh dirak an iliz.
• Monumant ar Re Varv

• 

  26 Ebrel 2008

Emdroadur ar boblañs abaoe 1962

Niver a annezidi

Relijion gatolik

E pardon ar Feunteunioù, e miz Gouhere, e vez lidet Itron Varia ar Feunteunioù. Heñvel eo ton kantik Itron Varia ar Feunteunioù ouzh hini Itron Varia ar Gozh Iliz, e Planiel.

Tud brudet

Tud bet ganet eno

• Jacques Le Brigant, d'an 18 a viz Gouere 1720.
• Pierre-Marie Le Provost de Launay, maer.
• Yves Le Trocquer, ijinour ha politikour, ministr ha maer Pontrev, d'ar 4 a viz Here 1877.
• Loeiz ar Floc'h, beleg breizhat, barzh, prederour hag embanner, anavezet dindan e anv-pluenn Maodez Glanndour, ganet d'ar 7 a viz Meurzh 1909, marvet  e 1986 e  Louaneg.

Brezhoneg

Rimadelloù

Me 'm eus ur mignon e Pontrev

Daou 're, daou 're

Ma zad a oa rouzmouzer

Ma mamm a oa rouzmouzerez

Ha me a zo rouzmouzer.

Domini Patris,

Sant Malo, Lomikêl ha Lokemo

Me 'm eus kerent e Pontrev,

N'onn ket pe int marv pe int bev.

Krennlavar

Merc'hed Pontrev

Daou benn moal hag unan dev.^{(Kemmadur souezhus)}

Kantik

• Kantik Itron Varia ar Feunteunioù.

Levrioù talvoudus

• J.B. Ogée : Dictionnaire de Bretagne; 1780.
• A. Marteville & P. Varin : warlec'hien ha reizherien Ogée; 1843.
• Yves Thomas : Pontrieux, petite cité du Trégor-Goëlo. Embannadurioù la Plomée. Gwengamp. 2002 (16x24. 611 p.)

Liammoù diavaez

• (br) Pontrev war Lec'hienn Geobreizh
• (fr) [Kumun Pontrev]