Mont d’an endalc’had

Louaneg

Eus Wikipedia
Louaneg
Bourk Louaneg gwelet eus Perroz
Bourk Louaneg gwelet eus Perroz
Ardamezioù
Anv gallek (ofisiel) Louannec
Bro istorel Banniel Treger Treger
Melestradurezh
Departamant Aodoù-an-Arvor
Arondisamant Lannuon
Kanton Perroz-Gireg
Kod kumun 22134
Kod post 22700
Maer
Amzer gefridi
Gervais Égault
2014-2026
Etrekumuniezh Lannuon-Treger Kumuniezh
Bro velestradurel Bro Treger ha Goueloù
Lec'hienn web (fr)Ti-kêr
Poblañsouriezh
Poblañs 3 086 ann. (2020)[1]
Stankter 222 ann./km²
Douaroniezh
Daveennoù
lec'hiañ
48° 47′ 41″ Norzh
3° 24′ 34″ Kornôg
/ 48.7947222222, -3.40944444444
Uhelderioù kreiz-kêr : 90 m
bihanañ 0 m — brasañ 108 m
Gorread 13,91 km²
Lec'hiañ ar gêr
Louaneg

Louaneg a zo ur gumun eus Breizh e departamant Aodoù-an-Arvor, stok ouzh Perroz-Gireg, e Treger. E-kichen ar mor emañ, e-tal bae Perroz. Plaen eo an dachenn dre-vras.

Douaroniezh[kemmañ | kemmañ ar vammenn]

Anv[kemmañ | kemmañ ar vammenn]

  • Bernard Tanguy ː Loguanoc, 1160; Lohanec, Lohannec, 1330; Loanec, c. 1330; Louhannec, 1399; Louanec, fin XIVvet
  • Erwan Vallerie ː Loguanoc, XIIIvet; Lohanec, Lohenec, Lohannec, Lohane, Lohaneuc, Louanec, Loanec, 1330; Louennec, Louvanec, Louuanec, 1371; Louvannec, Lovanec, 1371; Louanec, 1395; Louannec, 1516; Louanec, 1592, 1630; Lohanech, 1636, 1709;

Gerdarzh Marteze diwar un anv den Louan; met chom a ra diasur.

Ardamezioù[kemmañ | kemmañ ar vammenn]

Rannet ː ouzh 1 sourinet etre aour ha gul[2], e vanal ed en argant balirant ; ouzh 2 en glazur e gebrenn en aour heuliet ouzh kab gant ur skravig en sabel hag ouzh beg gant teir bezantenn en argant war o gin ; e gab en argant karget gant pemp brizhenn erminig.
  • Sturienn ː A-raok bepred

Istor[kemmañ | kemmañ ar vammenn]

Louaneg a zo ur gumun labourerien-douar.

Kozh eo ar bourk. Kroget he deus ar vuhez eno e maread amzer nevez ar maen. Kavet zo bet restajoù ul lec'h d'ober holen, roudoù eus ar C'halianed. Er bloavezhioù 500 e oa bet savet ur c'hreñvlec'h gant aotrou Koadgwezheneg war an dosenn. En XIIvet kantved e oa bet savet an iliz kentañ gant Sant Erwan, person eno eus 1292 betek e varv e 1303. Dindan aotrouniezh Barac'h abaoe an Xvet kantved e tremen dindan daouarn an tiegezh Tournemine hag hini Philippe, gant ar Gozhkêr eus Plounevez-Moedeg hag evit echuiñ gant ar Peltour eus Rozambaou e 1688. Gant an Dispac'h e teu Louaneg da vezañ ur gumun e 1790. En amzer a-vremañ emañ ar gumun war ziorren, ur gumun hag a brofit eus an touristerezh e Perroz hag eus kêr Lannuon evit al labour. Adalek 1885 en doa ar skrivagner brudet Ernest Renan un eil ti eno, betek e varv en 1892.

XXvet kantved[kemmañ | kemmañ ar vammenn]

Brezel-bed kentañ[kemmañ | kemmañ ar vammenn]

Eil brezel-bed[kemmañ | kemmañ ar vammenn]

  • Mervel a reas unnek den ag ar gumun abalamour d'ar brezel[5]; lazhet e voe tri rezistant er gumun en un emgann ouzh an Alamaned d'an 9 a viz Even 1944[6].

Brezelioù didrevadennañ[kemmañ | kemmañ ar vammenn]

Brezel Indez-Sina[kemmañ | kemmañ ar vammenn]

Monumantoù ha traoù heverk[kemmañ | kemmañ ar vammenn]

  • Taol-vaen Barac'h.

E Louaneg ez eus un iliz kozh, tour-tan Nantouar hag ar bourk kozh.

  • Iliz katolik Sant Erwan, adsavet etre 1896 ha 1898.
  • Maner Barac'h (XVvet-XVIIvet); bet enrollet an 22 Meurzh 1930.
  • Maner ar Gosker (XVvet -XVIIIvet); ul lodenn bet enrollet ar 5 Here 1964.
  • Maner Kermabon, aet da feurm.
  • Maner Kernu, aet da feurm.
  • Traezhenn Nantouar.
  • Monumant ar re varv er vered e-tal an iliz katolik, luc’hskeudennoù[9],[10].
  • Plakennoù ar re varv (1914-1918, 1939-1945 ha Brezel Indez-Sina) en iliz katolik, luc’hskeudenn[11].
  • Monumant ar Rezistanted marvet e 1944, luc’hskeudennoù[12].

Emdroadur ar boblañs abaoe 1962[kemmañ | kemmañ ar vammenn]

Niver a annezidi

Melestradurezh[kemmañ | kemmañ ar vammenn]

Tud[kemmañ | kemmañ ar vammenn]

Ardamezeg ar familhoù[kemmañ | kemmañ ar vammenn]

de Barac'h,

aotrounez al lec'h se e Louaneg

  • En argant e varc'h distern ha skoelf en sabel (siell 1306).
  • Neuz all : en gul e deir sourin en aour.
de Barac'h,

aotrounez al lec'h ha Portzven

  • Dougen a ra ur groaz dentek ouzh kab, heuliet ouzh kab gant daou beul dentek hag ouzh beg gant teir c'housourin dindan ar groaz (siell 1381); livioù disanvet.

[PPC]

Brezhoneg[kemmañ | kemmañ ar vammenn]

  • Betek penn kentañ ar bloavezhioù 2010 e oa ur strollad c'hoariva e brezhoneg gant al Louanigoù ; ganto vefe bet c'hoariet sketchoù Maria Prat.
  • Ur skol Diwan a zo e Louaneg abaoe 2006.
  • E distro-skol 2023 e oa 32 skoliad enskrivet er skol Diwan (14,5 % eus skolidi ar gumun evit ar pezh a sell ouzh ar c'hentañ derez)[13].
  • E 2013 eo bet krouet ur gevredigezh kentelioù evit an dud deuet, Skol al louarn.
  • Testenioù annezidi Louaneg da geñver a brezhoneg a zo da lenn (e galleg) war (fr)lec'hienn Jean-Paul Simon.

Sport[kemmañ | kemmañ ar vammenn]

Er bloaz 2002 e oa bet kendeuzet skipailh mell-droad Louaneg gant hini Perroz, ha savet Unvaniezh Sportel Perroz-Louaneg. Ur c'hleub Marc'h-houarn Treuz Bro (MTB) zo ivez, ur skol vag dre lien, ur c'hleub badminton, mell-dorn, tennis, jiminas, yoga ha karate.

Liammoù diavaez[kemmañ | kemmañ ar vammenn]


Commons
Commons
Muioc'h a restroù diwar-benn

a vo kavet e Wikimedia Commons.

Levrlennadur[kemmañ | kemmañ ar vammenn]

  • (fr)Hervé Abalain : Les noms de lieux bretons. Les Universels Gisserot. 2000
  • (fr)Pierre Barbier : Le Trégor historique et monumental. Les Presses bretonnes. Saint-Brieuc. 1960
  • (fr)René Couffon : Recherches sur les églises primitives. Société d'Emulation des Côtes-du-Nord. Bulletins & Mémoires. Tome LXXV. 1945-1946
  • (fr)Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil Général des Côtes d'Armor. Saint-Brieuc. 1990
  • (fr)Michel Froger & Michel Pressensé : Armorial des communes des Côtes-d'Armor & Ille-et-Vilaine. 2008
  • (fr)Jean-Yves Le Moing : Noms de lieux de Bretagne. Christine Bonneton Editeur. 2007
  • (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
  • (br)Erwan Vallerie : Diazezoù studi istorel an anvioù-parrez. Corpus. An Here. 1995

Notennoù ha daveoù[kemmañ | kemmañ ar vammenn]

  1. Roadennoù ofisiel e lec'hienn an EBSSA
  2. Hervez Froger ha Presensé ː en argant ha gul.
  3. (fr)Memorial Genweb
  4. (fr)Fichenn hiniennel - Memorial Genweb
  5. (fr)Memorial Genweb
  6. (fr)Memorial Genweb
  7. (fr)Memorial Genweb
  8. (en)The Inscriptions of Early Medieval Brittany, Celtic Studies Publications, 2000.
  9. (fr)Memorial Genweb
  10. (fr)Memorial Genweb
  11. (fr)Memorial Genweb
  12. (fr)Memorial Genweb
  13. (br)Distro-skol ar c’helenn divyezhek