Pleuzal

Pleuzal
Ar c'hastell.
Anv gallek (ofisiel)	Ploëzal
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Gwengamp
Kanton	Pontrev(betek 2015) Bear(abaoe 2015)
Kod kumun	22204
Kod post	22260
Maer Amzer gefridi	Guy Connan (UMP) 2014-2026
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Gwengamp
Lec'hienn Web	http://www.ploezal.fr/
Poblañsouriezh
Poblañs	1 227 ann. (2022)
Stankter	47 ann./km²
Douaroniezh
Daveennoù lec'hiañ	48° 43′ 02″ Norzh 3° 12′ 06″ Kornôg
Uhelderioù	kreiz-kêr : 78 m bihanañ 2 m — brasañ 94 m
Gorread	26,24 km²
Pleuzal

Pleuzal a zo ur gumun eus Breizh e Treger, e kanton Bear e departamant Aodoù-an-Arvor.

Douaroniezh

• 
• 
• 

• War lez kleiz aber an Trev emañ Pleuzal. Lez kleiz aber an Trev a zo bet enrollet d'ar 25 a viz C'hwevrer 1964.
• Kumunioù amezek : Hengoad; Planiel; Plourivoù; Kemper-Gwezenneg; Pontrev; Sant-Kleve; Ploueg-Pontrev; Peurid-ar-Roc'h.

Anv

• Pol Potier de Courcy (1846) : Plouëzal (dindan ardamezioù Bahaly)
• Erwan Vallerie (1995) : Ploisal, 1284; Ploysal, Ploisaul, 1294; Ployhal, Ploysal, 1330; Ploesal, 1440, 1516, 1592; Plouzal, 1630; Ploüezal, 1731
• Bernard Tanguy : Ploisal, Ploisaul, 1294; Ploysal, Ploihal; 1330; Ploesal, 1461.

Talvoudegezh : diwar *Sal = kastell; pe diwar Saul, anv den diouzh ar Bibl. B. Tanguy n'en eus ket taolet pled hag emañ Pleuzal war un hent roman eus Runan da Bleuvihan, (dre ar Manac'hti, etre Hengoad ha Planiel), ar pezh e zisplegfe ar wrizienn latin *sal = lojeiz war un hent roman (aet da saozneg Hall, hag e Breizh en anvioù lec'hioù evel Ar Sal, Kersalioù)

Istor

Kent 1790

J.B Ogée (1780) : Ploezal : ouzh 1 lev 1/2 su-gevred Landreger, e eskopti; 28 lev 1/3 diouzh Roazhon, hag 1 lev 1/2 diouzh Pontrev, e eil-dileuriadurezh. Diouzh beli Lannuon amañ ar barrez, 3200 anezad (communiants) enni, en ur gontañ ar re Pontrev, e drev. ---------

• 1394 : kastell ar Roc'h-Ugu a zo tapet gant konestabl a Glison.
• 29 Mae 1451 : Aotrou Ar Roc'h-Ugu ha Koad-Meur a zo savet bannielour (*) gant dug a Vreizh Pêr II.
• 9 Here 1746 : sakret eo chapel Sant-Tudi (hirie diskaret)

XX^vet kantved

Brezel-bed kentañ

• Mervel a reas 119 gwaz abalamour d'ar brezel hervez monumant ar re varv, da lavaret eo 5,16 % ag ar boblañs hervez an niveradeg bet graet e 1911; lazhet e voe unan anezhe d’an 20 a viz Eost 1914 e Paliseul e Belgia, un dragon eus ar 24vet Rujumant Dragoned.

Brezel diabarzh Rusia

• Mervel a reas ur martolod eus ar gumun en Arc'hangelsk d'an 21 a viz Mae 1919.

Eil Brezel-bed

• 2 Mae 1944 : harzet eo 16 den eus Pleuzal gant an Alamanted.
• 10 Mae 1944 : ur strouezheg a zo savet e koad Kerprigent.
• Kemeret e voe 2 500 Lur en ti-post, gant izili eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg.
• 7 Gouere 1944 : taget eo ar strouezheg gant an Alamanted. Meur a zen a zo lazhet. Tamolodiñ a ra ar re all etrezek Landeberon. Ur monumant a zo bet savet e 1945, e Ti-Nu, lec'h ar strouezheg.
• Mervel a reas seitek den eus ar gumun abalamour d'ar brezel.

-----------------------------

• 3 Here 1965 : digoret eo Kastell ar Roc'h-Ugu, goude bet kempennet gant an Departamant.

Monumantoù ha traoù heverk

• Tosenn Ribourden (Oad an arem).
• Tosennoù Pont ar Vouden, ar Wern, Ti an Aod Don (Krennamzer uhel).

• 
  Tresadenn La Messelière.
• 
• 
• 
• 

• Kastell ar Roc'h-Ugu.
• Maner Kerello (XVI^vet).
• Kroaz al Lezlec'h (penn kentañ XVI^vet).
• Kroaz Keriel (fin XVI^vet).
• Maner Kermarker (fin XVI^vet - penn kentañ XVII^vet), enrollet 29 Kerzu 1927. Hirie aet da di-feurm.
• Maner Feunteun-Gaer (penn-kentañ XVII^vet).
• Kastell Kericuff (penn-kentañ XVII^vet).
• Maner ar Wern (XVII^vet) en e boull.
• Chapel Sant Ke (XVII^vet).
• Chapel Sant Yann (XVII^vet). En stad dister e 1990.
• Ti Prad-Lann (XVII^vet).
• Chapel Sant-Pêr ha Sant-Paol (1734), en stad dister e 1990.
• Kroaz Kernevez (XVIII^vet).

• 
  An iliz katolik.

• Iliz katolik Sant Pêr.

• 
  Ar monumant.

• Monumant ar re varv e-tal an iliz katolik, luc’hskeudennoù ha kartenn-bost.
• Monumant ar Rezistanted FTPF, luc’hskeudenn.

Emdroadur ar boblañs abaoe 1962

Niver a annezidi

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.

Deskadurezh

• Stourm zo bet evit digeriñ un hentad divyezhek er gumun met ur skol divyezhek kentañ (skol bublik) zo bet digoret e 2009.
• E distro-skol 2024 e oa 30 skoliad enskrivet er c'hlasoù divyezhek (39% eus skolidi ar gumun evit a sell ouzh ar c'hentañ derez).

Tud

• Yann Kadeg, oberour an Trajedien sacr, embannet er XVII^vet kantved, a oa ur beleg genidik eus Pleuzal.
• Ifig-Mari Gallou, Pleuzal , 11.Gouere 1853 / In Du 1930. Maer Pleuzal, 1900-1919, kannad, 1921-1928;
• Ifig-Mari-Aleksandr Herve, Pleuzal, 14 Gouere 1883 / 24 Mae 1941. Maer Pleuzal, 1925; prezidant Kuzul arondisamant Gwengamp; kannad, 1936-1942. Touiñ a reas ouzh Marichal Petain.
• Ifig Herri, Pleuzal, 31 Meurzh 1899 / 8 Meurzh 1970. Maer Pleuzal. Bet dilennet an 21 Here 1945 hag an 2 Mezheven 1946 ouzh bodadenn-guzuliañ, ha goude, e Kerzu 1946, ezel ouzh Kuzul ar Republik

Ardamezeg ar familhoù

	d'Acigné, baroned ar Roc'h-Ugu	En erminoù e dreustell zivouedet en gul karget gant teir flourdilizenn en aour. Sturienn : Neque terrent monstra
	de Bahaly, aotrounez Kerlivod Olier, soudard, en eus heuliet Richarz Breizh e Bro-C'hall er bloaz 1419 (PPC)	En gul e groaz goñchek en aour

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 1846/1862/2011/2014
• (fr)Régis de Saint-Jouan : Dictionnaire des communes du département des Côtes d'Armor. Éléments d'histoire et d'archéologie. Conseil Général des Côtes d'Armor 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992
• (br)Erwan Vallerie : Diazezoù studi istorel an anvioù-parrez. Corpus. An Here. 1995

Liammoù diavaez

• (fr)Pajenn Pleuzal war lec'hienn Pontrev Kumuniezh
• (br)Pleuzal war lec'hienn Geobreizh