Feunteun

Ur feunteun zo un eienenn kempennet gant an dud peurliesañ, a-benn gallout dastum an dour a zeu e-maez an douar. Mein benerezh a vez tro-dro peurvuiañ evit reiñ hent d’an dour, hag ur poull a vez ivez alies. Er feunteunioù nevesoc’h e vez graet gant dafar all ivez.

Brudet e veze ar feunteunioù gwechall evit o dour, a oa ken prizius d’an dud, evit evañ, doura o loened, en em walc’hiñ, gwalc’hiñ o dilhad…

E Breizh-Izel[kemmañ | kemmañ ar vammenn]

Lod eus ar feunteunioù e Breizh a veze kontet da vezañ « sakr », abalamour da berzhioù o dour : pareañ a raent a bep seurt kleñvedoù a-hervez. Ha diwar se e oa kredennoù ha boazioù stag ouzh pep feunteun. War ar maez e vez anv ur sant war ar feunteun alies, hag ur chapel e-kichen.

Er c'hêrioù[kemmañ | kemmañ ar vammenn]

Savet ez eus bet feunteuniù disheñvel er c'hêrioù bras evit bravaat al leurgêrioù. Darn zo graet evit degas un tamm freskijenn d'an dud ouzhpenn: e kêrioù zo e c'haller mont da gerzhout e poull ar feunteun. Feunteunioù zo a zo evel c'hoarielloù gant livioù ha stummoù a bep seurt, pa ne glaskont teurel dour uhelañ ma c'hallont.

En Italia[kemmañ | kemmañ ar vammenn]

Levrlennadur[kemmañ | kemmañ ar vammenn]

Albert Poulain ha Bernard Rio, Fontaines de Bretagne, Yoran Embanner
Mikael Madeg, Feunteunioù brudet e Bro-Leon, Emgleo Breiz (hag un droidigezh e galleg, met berroc’hik : Découvrir les fontaines du Léon, e ti Emgleo Breiz ivez)

Feunteunioù[kemmañ | kemmañ ar vammenn]

E Breizh[kemmañ | kemmañ ar vammenn]

Feunteunioù kozh Breizh Izel[kemmañ | kemmañ ar vammenn]

Feunteun Sant Jakez e Tremeven e Goueloù
Feunteun Sant Gouenou e Gouenoù, e Leon
Feunteun e Lokorn, e Kerne-Izel
Feunteun Sant Urloù e Langedig
Feunteun en Enizenac'h
Feunteun Sant Gweltaz e Lokentaz, e Bro-Gwened
Ur feunteun gozh (ha dianv) e Langiwa, Ploneour-Lanwern

Mammen ar ster Yeodi, e Penn-Yeodi, Louergad

Feunteunioù kêrioù Breizh[kemmañ | kemmañ ar vammenn]

Feunteun e Konk-Kerne
Ar feunteun Lerat e-kreiz Gwerzhav, e Bro-Naoned
Delwenn savet d'ar stêr Liger e feunteun al Leurgêr Real e Naoned
Feunteun al Leurgêr Real e kreiz-kêr Naoned abaoe sklêrijennet en 2007
Feunteun plasenn ar Frankiz e Brest
Ar blomenn e Gwengamp

E broioù all[kemmañ | kemmañ ar vammenn]

Aostria: Feunteun e Wattens.
Arabia Saoudat: feunteun ar Roue Fahd, e Jeddah, eo an uhelañ er bed gant dour taolet betek 312 metrad uhelder.
Bro-C'hall:Poull Apollon e park kastell Versailhez
India: Flora Fountain, pe Feunteun Flora, e Mumbai. Feunteun savet e 1864 gant ar Saozon d'an doueez roman Flora.
Italia : Feunteun Trevi
e Roma.
Feunteun e kêr Melaka, e Malaysia.
Spagn: Feunteun al leoned, e palez an Alhambra, e Granada
SUA:Feunteun Buckingham, e Chicago
Suis: Feunteun e Geneva
Feunteun en Alpoù Suis. E kornioù zo e kaver c'hoazh feunteunioù ha dour mat da evañ.