Bro-Dreger

Eus Wikipedia
Mont da : merdeiñ, klask
Bro-Wened Bro-Wened Bro-Gernev Bro-Leon Bro-Dreger Bro-Sant-Brieg Bro-Sant-Maloù Bro-Naoned Bro-Zol Bro-Roazhon Meurvor Atlantel
Kartenn Bro-Dreger

Treger pe Bro-Dreger (e galleg : Trégor pe Trégor(r)ois pe Tréguier) a zo unan eus 9 bro diazez Breizh, hag a glot dre vras gant an 9 eskopti a oa bet e Breizh betek an Dispac'h gall, met un dek parrez bennak eus Bro-Dreger a oa stag ouzh eskopti Dol. Dont a rafe an anv eus Tri+*kor = Tri bagad. An eskob staliet e Sant-Brieg bremañ a zo eskob Sant-Brieg ha Landreger diouzh e ditl ofisiel. Kêr-benn a-gozh Bro-Dreger eo Landreger, sez diazezer an eskopti.

Douaroniezh[kemmañ]

E Gwalarn Breizh emañ hag hiziv ec'h endalc'h e diriad lodenn Gornôg departamant Aodoù-an-Arvor hag ur bastellig-vro e biz departamant Penn-ar-Bed ("Treger Izel"). Teir dourredenn a yae d'ober an harzoù anezhi,

Bro Dreger bremañ[kemmañ]

127 kumun a-vremañ a ya d'ober Bro-Dreger istorel.
Hervez niveradeg 2007 e oa 202 580 annezad[1] hag ur gorread a 2 251 km². Lannuon, Montroulez (glann dehou) ha Gwengamp eo ar c'hêrioù pennañ.

Istor eskopti Treger[kemmañ]

Diazezer an eskopti a zo bet, hervez an hengoun, sant Tudwal (Tugdual dre fazi), anvet ivez Pabu (Tad). P'eo unan eus ar seiz sant diazezer Breizh e oa Landreger war hent ar birc'hinrided a rae Tro Breizh. Bevañ a rae sant Tudwal er VIvet kantved hag eus Kembre e oa deuet. Roet e vije bet, gant e eontr Riwal, roue Domnonea, pe gant e genderv Derrog, un tamm douar evit ma vije savet un abati, hini Landreger. Daoust ma vije bet dilennet sant Tudwal da eskob e 532, ne gaver ket roud eus an eskopti a-raok an Xvet kantved. Er XIIIvet kantved e tap sant Erwan, barner-Iliz ha person, ganet er Vinic'hi, e-kichen Landreger, ur vrud a santelezh ken buan m'eo santelaet daou-ugent vloaz goude e varv e 1303.

Rannyezh[kemmañ]

Pajenn: Brezhoneg Treger

Liammoù diavaez[kemmañ]

Notennoù ha daveennoù[kemmañ]

  1. http://www.geobreizh.com/breizh/bre/sifrou-broiou.asp Sifroù Geobreizh (br)]


Nav bro gozh Breizh Banniel Breizh
Bro-ZolBro-GwenedBro-GerneBro-LeonBro-NaonedBro-RoazhonBro-Sant-BriegBro-Sant-MaloùBro-Dreger
Flag of Brittany.svg Porched Breizh – Adkavit pennadoù ha rummadoù Wikipedia a denn da Vreizh.