Boskazoù

Boskazoù
An ti-kêr.
Anv gallek (ofisiel)	Boqueho
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Sant-Brieg
Kanton	Kastellaodren (betek 2015) Pleuloc'h (abaoe 2015)
Kod kumun	22011
Kod post	22170
Maer Amzer gefridi	Béatrice Tanguy 2014-2020
Etrekumuniezh	Leñv Arvor Kumuniezh
Bro velestradurel	Bro Gwengamp
Poblañsouriezh
Poblañs	1 054 ann. (2020)
Stankter	39 ann./km²
Douaroniezh
Daveennoù lec'hiañ	48° 29′ 02″ Norzh 2° 57′ 36″ Kornôg
Uhelderioù	kreiz-kêr : 140 m bihanañ 119 m — brasañ 284 m
Gorread	27,12 km²
Boskazoù

Boskazoù (distagadur: [bos'kaˑw] pe [bos'kaˑ]) a zo ur gumun eus Bro-Dreger e kanton Kastellaodren, e departamant Aodoù-an-Arvor, e norzh Breizh.

Douaroniezh

Boskazoù a zo ur gumun digompez-tre a 2 700 hektar enni. Lec'h uhelañ ar gumun eo ar Marc'hallac'h, 284 m. Bevennet eo diouzh tu ar c'hornôg gant ar C'hoad Meur, er reter hag en norzh gant al Leñv. Lec'hiet eo da 28 km eus Sant-Brieg, 25 km eus Gwengamp, 10 km eus Kastellaodren ha da 9 km eus Kintin.

Anv

• Erwan Vallerie ː Botgadou, 1198; Botchatou, 1207; Bocahou, 1220; Bocazou, c. 1330; Botgazou, 1420; Bocahou, 1427; Bothcazou, 1461; Botcazou, 1505; Boquehau, Botcazo, 1630; Bocoho, 1731; Bocoho, 1779

Ardamezioù

Ne vefe ket.

Arouez

Ur bod skav eo arouez pe logo kumun Boskazoù, diwar unan eus an orin roet da anv ar gumun: bod + skav.

Istor

XX^vet kantved

Brezel-bed kentañ

• 83 gwaz a gollas o buhez abalamour d'ar brezel hervez monumant ar re varv, da lavaret eo 5,99 % ag ar boblañs hervez an niveradeg bet graet e 1911.

Eil Brezel-bed

• Kemeret e voe 4 300 Lur en ti-post, gant izili eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg.
• Mervel a reas c'hwec'h den eus ar gumun abalamour d'ar brezel.

Trevadennoù

• Brezel Indez-Sina: ur soudard a varvas er ger e 1955.
• Brezel Aljeria: ur soudard a varvas e 1957.

Monumantoù ha traoù heverk

Ar gumun he deus pevar lec'h enskrivet pe kontet evel monumant istorel.

• Kroaz sant Erwan
• Kroaz Botmilio (bod) ha Milio
• Chapel Itron Varia a Druez a zo bet adkempennet gant tud a youl-vat renet gant kevredigezh « Mignoned chapel Itron Varia a Druez ». Lec'hiet eo 2 gilometr eus bourk Boskazoù, e-kichen ar Marc'hallac'h.
• Daou beulvan Kergo
• Iliz sant Tudwal ha sant Erwan, savet gant an aotrou Liscoët, er bourg.
• Chapel sant Blaez, savet gant ar familh Liscoët.
• « Ti bihan hent ar Rest ». Servijet en deus evel repu ha presbital d'an aotrou Le Sage.
• An ti-kêr a zo bet e-pad pell ur presbital.
• Monumant ar re varv.

Emdroadur ar boblañs abaoe 1962

Niver a annezidi

Tud

Ardamezeg ar familhoù

	du Bahuno, aotrounez al Liscoët	En sabel e vleiz tremenant en argant, leinet gant ur greskenn ivez en argant

Darempredoù etrebroadel

Keveleriñ

Bro	Kêr	Abaoe
Roumania	Bǎcani	1994

Liammoù diavaez

• (br) Boskazoù war lec'hienn Geobreizh
• (fr) Pajenn Boskazoù war lec'hienn an Touristañ e Bro Kastellaodren

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995