Person

Eus Wikipedia
Mont da : merdeiñ, klask

Ar person eo ar beleg katolik a zo lakaet e penn ur barrez gant an eskob a zo a-us dezhañ. Dindanañ emañ ar c'hure, a zo beleg ivez, hag a-wechoù e vez diagoned ha n'int ket beleien anezho. E brezhoneg ne reer ket an diforc'h a veze graet e galleg etre recteur (ur beleg e-unan-penn e karg eus ur barrez bihan) ha curé a dalveze kement ha person-kanton. Er parrezioù bras-mañ e oa meur a gure, en o zouez ur vikel vras.

Kavet e vez person (pe parson) e kerneveureg hag e kembraeg ivez. Ar saozneg a ra curate eus ar c'hure met (ret diwall) vicar eus ar beleg e karg eus ar barrez.

A-hend-all ar relijion gristen a implij person gant ar ster ledan a orin (al latin persona) : tri ferson an Dreinded.

Anv-tiegezh[kemmañ]

Person a vez kavet ivez e-giz anv-familh. Lod a gav fentus eta lavarout an itron Person eus gwreg an aotrou Person. Personig a gaver ivez evel anv-familh.

Tud[kemmañ]

  • Person Ars, anv roet d'ur beleg gall, anvet da sant.

Lennegezh[kemmañ]

Pennad kar[kemmañ]