Eskob

Eus Wikipedia
Mont da : merdeiñ, klask
Traffic cone.png Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Un eskob (el liester: eskobed, eskeb, eskibien) a zo un den uhel en urzh an Ilizoù kristen, en Iliz katolik roman, en Iliz Katolik Ortodoks, en Iliz Anglikan hag e lod eus an Ilizoù protestant, hag a zo e penn un eskopti.

Eskobiñ[kemmañ]

Ul lid a vez aozet gant un eskob (pe meur a eskob) all evit reiñ dezhañ ar garg. Lavarout a reer eo bet eskobet.

Gerdarzh[kemmañ]

Eus ar gregaj e teu ar ger eskob = episkopos (επισκοπος) a c'hell bezañ troet gant evezhier. Eus ar ger eskob e teu "eskobel" "eskobiezh" "eskopti" ha kement zo.

Eskibien en Testamant Nevez[kemmañ]

Pemp gwech e vez kavet ar ger eskob en Testamant Nevez:


Daoust ha n'eo ket bet krouet ar garg-se gant Jezuz-Krist, e seblant bezañ ur stad reizh e penn kentañ diorroadur ar gristeniezh. Diaes eo ober un diforc'h gant hini ar presbyter (πρεσβυτερος), met an diagon a weler e Lizher da Dimoteos a seblant dindan beli an eskob.


E Oberoù an Ebestel e reer eus an eskob ur mesaer evit e dropell, ur skeudenn voutin implijet en amzer hiziv c'hoazh. El Lizher da Dimoteos e reer "pried ur wreg nemetken" eus outañ, met n'eo ket sklaer ma 'z eus kaoz eus nac'hañ dezho an eildimeziñ pe eus al liespriedelezh. Met, n'eus roud ebet eus eskibien a vije difennet outo dimeziñ ha genel krouadurioù d'ar c'houlz-se.

An Eskibien diwar skridoù an Ebestel[kemmañ]

Diwar obererezh an Tadoù abostol e voe aozet an Iliz kristen nevez en un doare efedusoc'h ken ma yelo roll an eskibien da vezañ pouezusoc'h en IIvet kantved.

Gwelet eo e skridoù Ignatius Antioch. En e Lizher d'ar Magnesianed e tispleg :

"Lakait an holl da zoujañ ouzh an diagoned koulz hag e tleont doujañ ouzh an eskob hag eñ skeudenn an Tad ha doujañ ouzh ar veleged ivez, ken e toujer ouzh ar re-se evel kuzul Doue ha Strollad an Ebestel".

Wiktionary-logo-br.png
Sellit ouzh ar ger Eskob er
wikeriadur, ar geriadur frank.