Abostol
Eus Wikipedia
Ar ger abostol (liester : ebestel) a zeu eus ar gresianeg ἀπόστολος apostolos da lavaret eo kannad, kevatal da visioner.
E barzh Aviel Mazhev (III, 13-19) e kaver roll an ebestel a zivizas mont da-heul Jezuz-Krist ha bezañ testoù eus e gelennadurezh goude e varv.
An daouzek abostol [kemmañ]
- Andrev, breur Pêr
- Bertelame
- Fulup
- Jakez, mab Zebede, anvet Jakez an Henañ,
- Jakez, mab Alfe, anvet Jakez ar Yaouer, kenderv da Jezuz
- Mazhe, ar publikan
- Natanael, roet e anv gant Yann an Avielour ha kontet da vezañ Bertelame
- Pêr a oa anvet Simon da gentañ. Lesanvet e oa bet "Kefaz" gant Jezuz.
- Simon ar C'hananead pe Simon ar Zelot
- Tomaz an Diskredik, anvet ivez Didim (Gevell)
- Yann, mab Zebede
- Yud, anvet ivez Tadde
- Judaz Iskariot.
Hervez Mazhe e roas Jezuz-Krist an anv aramaeg Boanerges (Mibien ar C'hurun) da Jakez vab Zebede ha d'e vreur Yann.
Gant Kustentin Iañ, an impalaer roman e voe urzhiet e vije kaset archedoù an daouzek abostol da Gergustentin. Lakaet e voent e-kreiz Iliz an Ebestel-Santel e-lec'h ma c'houlennas Kustentin bezañ beziet e 337.
Troioù-lavar [kemmañ]
- An daouzek abostol a vez graet eus taolioù ar c'hreisteiz.
- Hemañ zo un abostol a dalv kement ha "hemañ zo ur c'hwil".
- Abaoe amzer an ebestel a lavarer pa gomzer eus un amzer hir.
- Traoù kozh-ebestel zo traoù kozh-kozh.
