Breur

Diwar Wikipedia, an holloueziadur digor

Breur un den ( breudeur el liester) eo ar bugel all, gourel e reizh, ganet eus ar memes mamm hag ar memes tad peurvuiañ.

Kemm a lakaer etre meur a seurt breudeur:

• al lezvreur, heñvelster gant hantervreur, a zo diwar ar memes tad pe ar memes mamm;
• ar breur-laezh, eo an hini en deus evet laezh ar memes magerez, hervez ur c'hiz a wechall, ul liamm a zo bet a bouez, etre tud a renkadoù disheñvel peurvuiañ (mab un noblañs ha merc'h ar vagerez da skwer),
• ar breur-kompez, enebet ouzh lezvreur ha breur-laezh, eo an hini en deus ar memes tad hag ar memes mamm.

Taolenn 1 Ar breur henañ 2 Breudeur brudet 3 Breudeur el lennegezh 4 Sterioù all 5 Lavaroù ha krennlavaroù 6 Gerioù kar dre ar ster 7 Yezhadur ha kemmadur

[kemmañ] Ar breur henañ

Er gevredigezh kozh e veze roet madoù an ozhac'h d'ar breur henañ, ha gwall nebeud a dra d'e vreudeur ha c'hoarezed.

[kemmañ] Breudeur brudet

• Ar vreudeur Grimm, skrivagnerien alaman
• Ar vreudeur Pélissier, marc'hhouarnerien brudet etre daou vrezel bed
• Ar vreudeur Morvan, kanerien kan-ha-diskan
• The Everly Brothers, kanerien amerikan
• Ar vreudeur Kaczyński, e penn Republik Polonia e 2007.

[kemmañ] Breudeur el lennegezh

• Abel ha Kain, Jakob hag Esau, er Bibl.
• Herakles hag Ifikles
• Ar vreudeur Karamazov, ur romant gant Dostoievski
• Ar breur Arturo, a zo ul lean e-barzh Sizhun ar breur Arturo, danevell Youenn Drezen.

[kemmañ] Sterioù all

Ur breur a c'hall bezañ ivez

• un ezel eus ur vreuriezh kristen. Implijet e vez evel un titl asamblez gant ar anv-badez peurvuiañ : Breur Arturo.

• un ezel gourel eus un aozadur harpañ (sindikad, breuriezh, frañmasonerezh)

• ur mignon, ur frai, e yezh ar Vro Vigoudenn, evel e kanaouenn Youenn Gwernig Tap da sac'h 'ta, breur kozh, breur kozh....

[kemmañ] Lavaroù ha krennlavaroù

• Ma breudeur ha ma c’hoarezed kristen Sellit ouzh ma c’hof ha grit pinijenn . Ar werzenn gentañ eo ar bomm a deue gant ar person pa rae e sarmon en e gador e brezhoneg; an eil zo savet evit ar glotenn hag abalamour d'ober goap ouzh ar veleien troet d'ober chervad.
• Ar brezhoneg hag ar feiz Zo breur ha c'hoar e Breizh. Lugan katolik ar Bleun Brug.
• Karantez c'hoar Breur na oar.

[kemmañ] Gerioù kar dre ar ster

• breureg, pe breur-kaer, a zo breur ar gwaz pe ar wreg
• kenvreur, peurvuiañ an den a ra ar memes micher
• breuriezh ha kenvreuriezh
• c'hoar

[kemmañ] Yezhadur ha kemmadur

Er yezh unvan e reer kemmadur an anv-tud lies war-lerc'h ar ger-mell, evel e Mollereh er Vredér Lafolie‎. N'eo ket ar boaz er brezhoneg komzet e pep korn avat.