Y Fenni

Eus Wikipedia
Sauter à la navigation Sauter à la recherche
Kastell Abergavenny
Abergavenny Castle - geograph.org.uk - 23974.jpg
Kreiz kêr Y Fenni
Abergavenny bridge-geograph.org.uk-2157811.jpg

Y Fenni (pe Abergavenny e saozneg) zo ur gêr vihan eus Sir Fynwy, e gevred Kembre. Emañ 25 km er c'hornôg da Drefynwy ha tost da 10 km er mervent d'an harzoù etre Kembre ha Bro-Saoz. Lesanvet e vez "Porth i Gymru" pe "Gateway to Wales" (dor Kembre).

Poblet e oa Y Fenni gant 10 078 a dud e 2011, ha 9,7% anezho a oa kembraegerien.

Evel m'en diskouez an anv saoznek emañ ar gêr e kember div stêr, ar Gafenni hag ar Wysg. Tro-dro d'Y Fenni ez eus torgennoù a dap tost da 600 m uhelder hag a zo uhelennoù diwezhañ aradennad ar Bannau Brycheiniog, er reter.

En amzer an Impalaeriezh Roman e oa Y Fenni ur greizenn a bouez dija, er vro annezet gant pobl ar Silures. Diwezhatoc'h, er Grennamzer, e teuas da vezañ ur gêr a bouez evit ar c'henwerzh, war harzoù Kembre. Gwelet a reer c'hoazh dismantroù ur c'hastell savet da vare donedigezh an Normaned.

En Y Fenni e voe aozet Eisteddfod Vroadel Kembre e 1838 hag e 1913. E-skeud Eisteddfod 1838 e voe aozet ur C'hendalc'h Etrekeltiek, gant tud deuet eus Breizh evel Kervarker, kalz a-raok ma voe roet lañs da vat d'ar C'hendalc'hioù Keltiek.

Anv[kemmañ | kemmañ ar vammenn]

Pen y gaer (Penn ar c'hreñvlech
Abergavenny. Carte Marikavel.org.jpg

A. Gobannium

- Rivet & Smith, p. 369

  • I.A. 4846 (Iter XII) : GOBANNIO
  • Ravenna 10625 : BANNIO

Talvoudegezh : *gobann : Welsh gof = smith; Irish goba, gobann (brehoneg : gov). Diwar staliadurioù houarn war dro ar stêr

B. Abergavenny, Abergefenni, Y Fenni

- Eilert Ekwall, p. 1

  • Abergavenni, 1175, Annales Cambriae
  • Abergenenni, 1191 Giraldi Cambresis Opera
  • Bergaven', 1291 Taxatio ecclesiastica

- "Aber is Welsh for 'confluence, mouth of a river' and refers to the confluence of the Gavenny with the Usk"