Strollad Broadel Breizh (1931-1944)
| Deiziad krouiñ | 1931  |
|---|---|
| Prezidant | Frañsez Debauvais |
| Stad | Frañs |
| Ideologiezh politikel | broadelouriezh Breizh |
| Sez sokial | Roazhon |
| Deiziad divodañ | 1944 |
Strollad Broadel Breizh, Parti national breton / PNB e galleg, a oa ur strollad politikel broadelour breizhat bet krouet e 1931 hag a badas betek 1944. L'Heure Bretonne e oa kazetenn ar strollad. Roet eo bet lamm d'ar strollad goude Dieubidigezh Bro-C'hall e fin an Eil Brezel-bed, en abeg d'ar c'henlabourerezh gant an Trede Reich.
Pouez Strollad Broadel Breizh
[kemmañ | kemmañ ar vammenn]Pouez politikel Strollad Broadel Breizh hag e wriziennadur er gevredigezh vrezhon a laka an tabut da sevel. Evit lod tud ne oa mann pe dost e bouez, padal e oa e oa ur pouez dreistordinal dezhañ evit lod all.
Un nebeud sifroù
[kemmañ | kemmañ ar vammenn]- Olier Chevillote, hag a voe e-penn ar strollad gant Olier Mordrel ha Marsel Guieysse etre Gouere 1938 ha Gouere 1939, a voe war ar renk evit an dilennadegoù :
- perzh a gemeras e dilennadegoù lec'hel evel hini kanton Lokournan e miz Kerzu 1931, ma tapas tremen 20% eus ar mouezhioù ;
- e 1936 e voa war ar renk evit dilennadegoù an dilennidi e Montroulez, 3de e voe[1].
- L'Heure Bretonne, kazetenn bruderezh ar strollad, a voe embannet betek 25 000 skouerenn anezhi bep sizhun. Ret eo kemer e kont e oa unan eus ar c'hazetennoù nemeto aotreet gant an Alamaned e-pad mare dalc'hidigezh Breizh gant an Alamanted.
Doare luganioù
[kemmañ | kemmañ ar vammenn]Traktoù[2]
[kemmañ | kemmañ ar vammenn]- Ni Allemands,
- Ni Anglais,
- Ni Français,
- Bretons !
- Rien de plus!
- "Breiz d'ar Vreiziz"
Livadurioù
[kemmañ | kemmañ ar vammenn]
Ingal e oa livet mogerioù Roazhon ha kêrioù bras Breizh gant izili an SBD.
Un nebeud fedoù
[kemmañ | kemmañ ar vammenn]
- Kevar e oa kevrenn ekonomikel Strollad Broadel Breizh, Yann-Vari Kerwerc'hez en he fenn. Kevar en doa ur burev e Pariz, lec'hiet 63 straed Vaugirard. Aozet e oa prezegennoù evel hini ar sal La Mutualité e Pariz.
- A-raok an Eil Brezel-bed e oa dija liammoù etre Strollad Broadel Breizh hag an Alamanted. Ma vefe bet dister pouez ar strollad ne vefe ket bet merzet, na kemeret e kont e steuñv an Europa nevez.
Izili anavezet eus Strollad Broadel Breizh
[kemmañ | kemmañ ar vammenn]Bagadoù Stourm
[kemmañ | kemmañ ar vammenn]Ar Bagadoù Stourm a oa strollad emzifenn Strollad Broadel Breizh, Yann Goulet er penn anezhañ. Lod anezho evel Ange Péresse a guitaas anezhañ en ur heuliañ Célestin Lainé ha Marsel Guieysse war-du ar strollad stourm Bezen Perrot, ur strollad tud armet hag emezelet e servij an Trede Reich. Lod all avat a yeas war-du ar Rezistañs (strollad Liberté eus Sant-Nazer).
Embannadurioù Strollad Broadel Breizh
[kemmañ | kemmañ ar vammenn]
L'Heure Bretonne e oa kazetenn Strollad Broadel Breizh, adal miz Even 1940 betek miz Even 1944, da lavaret eo da vare dalc'hidigezh Breizh gant an Alamanted.
- Le nationalisme breton, aperçu doctrinal, 1932
- An Hevoud Kelc'h lizher Strollad Broadel Breizh
- Ar studier Brezon kelc'h lizher Kengevrad ar studierien broadelour Brezon, aozadur ar studierien d'ar Strollad Broadelour Breiz (1941)
Levrlennadur
[kemmañ | kemmañ ar vammenn]- Georges Cadiou, L'hermine et la croix gammée : Le mouvement breton et la collaboration, Embannadur Apogée nevesaet 5 a viz Gwengolo 2006 (ISBN 2-914353-06-5)
- Henri Freville, Archives Secrètes de Bretagne 1940-1944, embannadur Ouest France, dastumadenn Histoire, 8 a viz Ebrel 2008 (ISBN 2737344530)
- Philippe Aziz, Histoire secrète de la gestapo française en Bretagne, 2 levrenn, Geneva, Embannadur Famot, 1975.
- Kristian Hamon, Les nationalistes Bretons sous l’occupation, Fouenant, Yoran Embanner, 2004, (ISBN 2-9521446-1-3)
- Alain Déniel, Le mouvement breton 1919-1945, François Maspéro, 1976.
Notennoù ha daveennoù
[kemmañ | kemmañ ar vammenn]- ↑ (fr) Lionel Henry, Dictionnaire biographique du mouvement breton, Yorann embanner, miz Du 2013, ISBN 978-2-916579-59-7, p. 80
- ↑ Traktoù bet embannet e penn-kentañ an Eil Brezel-bed