Raymond Delaporte

Raymond Delaporte

den

Reizh pe jener	paotr
Bro ar geodedouriezh	Frañs
Anv-bihan	Raymond
Anv-familh	Delaporte
Deiziad ganedigezh	13 Gwe 1907
Lec'h ganedigezh	Kastell-Nevez-ar-Faou
Deiziad ar marv	7 Du 1990
Lec'h ar marv	Penn-ar-Bed
Tad	Raymond Delaporte
Breur pe c'hoar	Yves Delaporte
Yezhoù komzet pe skrivet	galleg, brezhoneg
Micher	politiker
Implijer	University College Cork, National University of Ireland, Cork
Karg	rener, rener
Bet war ar studi e	Université catholique de l'Ouest
Strollad politikel	Strollad Broadel Breizh (1931-1944)
Diellaouet gant	Kreizenn an Enklaskoù Breizhek ha Keltiek
Ezel eus	Strollad Broadel Breizh (1931-1944), Jabadao

 

 From Wikidata

"Le devoir de l'Heure" testenn gant Raymond Delaporte e kazetenn ar strollad L'Heure Bretonne d'an 12 a viz Kerzu 1943)

Raymond Delaporte (Kastell-Nevez-ar-Faou, 13 a viz Gwengolo 1907 - 7 a viz Du 1990) a oa ur broadelour breizhat katolik hag ur geriadurour. Remont ar Porzh e oa e anv brezhonek.

Buhez

Genidik e oa Raymond Delaporte eus Kastell-Nevez ar Faou. Daou vreur en doa, Herve Delaporte hag Yves Delaporte, anavezet o-daou ivez en emsav broadel breizhek. Mont a reas da skol-veur Angers d'ober e studi war ar Gwir. Da ugent vloaz e lakaas e anv e Strollad Emrenerien Vreiz. E 1932 e savas Breuriez ar Brezoneg er Skoliou, asambles gant tud evel Yeun ar Gow, evit kas ar brezhoneg war-raok er skolioù kristen. E miz Meurzh 1938 e voe anvet da rener ar strollad Bleun Brug. Dilezel a reas renerezh ar Bleun-Brug e miz Kerzu 1940, pa voe galvet da gemer penn Strollad Broadel Breizh e-lec'h Olier Mordrel.

Strollad Broadel Breizh

Labourat a reas da frammañ gwelloc'h Strollad Broadel Breiz, betek 1944. Tec'hout a reas Raymond Delaporte e fin ar brezel da vont da Iwerzhon, hag e vreur Yves Delaporte da Vro-Skos. Kondaonet e voe e miz Mae 1947 da 20 vloaz galeoù met didamallet e voe diwezhatoc'h, pa reas engalv enep ar varnadenn-se.

Iwerzhon

Chom a reas e vuhez-pad en Iwerzhon : eno e kelennas en ur skol brevez da gentañ hag e skol-veur Korkig da c'houde. D'ar mare-se e troas e saozneg levr-skol Per Denez, Brezhoneg buan hag aes, ha sevel a reas ur geriadur brezhoneg-saozneg kentañ. Ur wech war e leve e tistroas da Vreizh hag e labouras war ur geriadur brezhoneg-saozneg bras, gant skouerioù. Mervel a reas er C'hastell-Nevez d'ar 7 a viz Du 1990.

An istorour

Un istorour e oa ivez Raymond Delaporte. Labouret en devoa war istor Kastell-Nevez-ar-Faou evel e dad.
Setu tresadennoù gant an tad bet embannet e 1909 er Bulletin de la Société préhistorique de France.

• 
  Kamp-kreñv Lesneven.
• 
  Ar C'hastel Rosabaouen.

Skritell propaganda gant an SBB.

Oberennoù

Levrioù

• Elementary Breton-English Dictionary, Cork University Pesss, 1979 ; advoullet e 1986 ha 1992.
• Elementary English-Breton Dictionary, Mouladurioù Hor Yezh, 1990.
• Elementary Breton-English and English-Breton Dictionary, Mouladurioù Hor Yezh, 1995 ; an div levrenn unanet en ul levr.
• Geriadur brezhoneg-saozneg gant skouerioù, 3 levrenn embannet : A-B, CH-C'H-D, E-F-G, Mouladurioù Hor Yezh, 1986, 1989, 1993 ; sinet « Remon ar Porzh ».

Kelaouennoù

• L'Heure Bretonne Even 1940 - Even 19440.
• War du ar pal, Dastumadenn studiadennoù diwar-benn Breiz, Revue d'études bretonne, miz C'hwevrer 1938 ha miz Eost 1939.

Troidigezhioù

• Brezhoneg... buan hag aes – A beginner's course in Breton, adapted from the French of Per Denez, Cork University Press, 1añ a viz Genver 1977 (ISBN 978-0-902561-11-3)

Levrlennadur

• Remont Delaporte, Reun ar C'halan : div blanedenn, 214 pajenn, Al Lanv, Gouhere 2019 (ISBN 978-2-916745-33-6)