Théophile Jeusset

Eus Wikipedia
Mont da : merdeiñ, klask
Theophile jeusset en Ouest-Eclair 12 a viz Eost 1932

Théophile Jeusset, skrivet Teofil Jeused e brezhoneg, (Roazhon, 1910 - Naoned, 1968) a oa un emsaver hag ur skrivagner breizhat.

E 1932, goude taol kentañ ar strollad Gwenn ha Du e Roazhon, e voe bac'het ur pennadig evel pemp emsaver all. Goude tremen dre ar PAB (Parti autonomiste breton), e savas ar gelaouennig Breiz da Zont hag ar strolladig Parti nationaliste intégral breton, awenet gant ar faskouriezh.

Mennozhioù politikel[kemmañ | kemmañ ar vammenn]

Broadelour Breton penn-kil-ha-troad, Théophile Jeusset a oa ivez ur gouennelour hag un enep-yuzev:

« C'est en fonction de leur résistance particulière à la conquête du territoire français par les idées dissolvantes qui émanent plus ou moins des Juifs : maçonnisme, laïcisme, etc., que les Bretons ont été décimés au cours de la dernière guerre mondiale, plus de 200 000. Il est facile d'invoquer pour cette hécatombe des raisons militaires, mais rien ne fera contre ce fait que le répartiteur réel des troupes pendant toute la guerre fut le Juif Abrahami, né … dans le ghetto de Constantinople.»[1]

Goude ar brezel[kemmañ | kemmañ ar vammenn]

E-barzh Al Liamm (adalek an niverenn 8) en doa embannet meur a bennad diwar-benn anvioù kumunioù eus Breizh-Uhel, brezhonekaet gantañ, marteze gant skoazell e vignon Kerverzhiou (1908-1951). Sinet e veze e bennadoù gant e anv pe gant Melar Josig, Teofil Jeused.

E 1965 e embann ur skrid buhez gant al lesanv Jean-Yves Keraudren : À contre-courant. El levr e tispleg e vuhez hep dougen keuñv eus e vennozhioù.

Oberennoù[kemmañ | kemmañ ar vammenn]

  • A Contre-courant, 1965 . Envorennoù (gant al lesanv Jean-Yves Keraudren).
  • Hor bara pemdeziek, Al Liamm (niverennoù 123, 124, 125, 126, 127)
  • Notennoù da dresañ danevell-buhez Roparzh Ervezel savour abati Fontevraod, Al Liamm (niverennoù 102), 1964.

Notennoù ha daveennoù[kemmañ | kemmañ ar vammenn]

  1. Théophile Jeusset, Breiz da Zont, Gouhere 1931, tennet eus Hamon, Kristian, Les nationalistes bretons sous l'occupation, An Here, 2001, p.13.