Sant-Sebastian-an-Enk

Sant-Sebastian-an-Enk
Monumant ar re varv hag iliz Sant Sebastian.
Bro istorel	Bro-Naoned
Melestradurezh
Departamant	Liger-Atlantel
Arondisamant	Naoned
Kanton	Sant-Sebastian-an-Enk (pennlec'h)
Kod kumun	44190
Kod post	44230
Maer Amzer gefridi	Laurent Turquois 2020-2026
Etrekumuniezh	Naoned Meurgêr
Lec'hienn Web	Ti-kêr
Poblañsouriezh
Poblañs	28 373 ann. (2020)
Stankter	2 435 ann./km²
Douaroniezh
Daveennoù lec'hiañ	47° 12′ 29″ Norzh 1° 30′ 05″ Kornôg
Uhelderioù	kreiz-kêr : 24 m bihanañ 2 m — brasañ 33 m
Gorread	11,65 km²
Sant-Sebastian-an-Enk

Sant-Sebastian-an-Enk (Saint-Sébastien-sur-Loire e galleg) zo ur gumun eus Breizh, e departamant al Liger-Atlantel, er gevred da gêr Naoned. 24 726 den zo o chom enni ha dre-se eo 5vet kumun an departamant.

Douaroniezh

Al Liger e Sant-Sebastian.

• Ar Goulen hag al Liger a gember e Sant-Sebastian.
• Emañ teir enezenn en norzh d'ar gêr: Enez Forget, Enez Pinette hag Enez Héron.

Kumunioù amezek

		Naoned, Liger	(Santez-Lusenn), Liger
	Naoned	N	Goueled-Goulen
		K    Sant-Sebastian-an-Enk    R
		S
		Gwerzhav

Anv

• Erwan Vallerie (1995) ː Engnia, 1287

Ardamezioù

« En gul e wifrell gommek en argant karget gant teir brizhenn erminig en sabel lakaet en o flom, heuliet ouzh kab gant ul leon en aour hag ouzh beg gant ur vreunenn louzaouenn-an-hañv ivez en argant he delioù ivez en aour »

Istor

• Aigne (Enk) e oa an anv ar barrez er penn-kentañ, en XIII^vet kantved (etre 1179 ha 1286).

Er barrez e oa div rann: rann (bremañ e Naoned) herberc’hti Sant Jakez, gant ur chapel, ha rann iliz Sant Sebastian. Etre ar XIV^vet kantved hag an XVIII^vet kantved (1792) e oa an iliz Sant Sebastian ul lec’h pirc’hirinañh a-enep ar vosenn.

Dispac'h Gall

• Krouet e voe kumun Sant-Sebastian-an-Enk e 1790 diwar ar barrez katolik. Lakaet e voe e penn Kanton Sant-Sebastian hag e Bann Naoned. E 1800 e voe lakaet en Arondisamant Naoned. Lakaet e voe e Kanton Naoned-4 e 1801.

XX^vet kantved

Brezel-bed kentañ

• Mervel a reas 100 gwaz ag ar gumun abalamour d'ar brezel, da lavaret eo 3,64 % eus he foblañs e 1911.

Eil brezel-bed

• D'an 21 a viz Even 1940 e voe kaset d'an diaz ur c'harr-nij Potez 63-11 eus an aerlu gall (Armée de l'Air) gant ar "Flak" alaman e Sant-Sebastian-an-Enk; mervel a reas an tri nijour a oa en e vourzh.
• Mervel a reas 50 den ag ar gumun hervez monumant ar re varv; lod anezhe a voe tud nann-soudard, lazhet e voent gant bombezadegoù ar Re Gevredet.

Trevadennoù

Brezel Indez-Sina

• Mervel a reas pevar milour eus ar gumun hervez monumant ar re varv.

Brezel Aljeria

• Mervel a reas pevar milour eus ar gumun hervez monumant ar re varv.

Melestradurezh

• Lakaet e voe ar gumun e Kanton Naoned-10 e 1973.

XXI^vet kantved

• Gant an dekred eus ar 25 a viz C'hwevrer 2014 e voe krouet Kanton Sant-Sebastian-an-Enk en-dro, gant Sant-Sebastian-an-Enk en e benn.

Brezhoneg

• Kentelioù brezhoneg a vez kinniget d'an dud deuet abaoe 2001 gant ar gevredigezh Kentelioù an Noz.

Monumantoù ha traoù heverk

• 
  Maner La Grande Jaunaie.
• 
  Iliz katolik Sant Sebastian.
• 
  Nev an Iliz.
• 
  Ti-gar kozh ar rouedad hentoù-houarn Petit Anjou.
• 
  An ti-kêr.

• Monumant ar re varv e-tal an iliz katolik, luc’hskeudenn ha kartenn-bost. Dioueliet e voe d’an 26 a viz Here 1924.

Poblañs

Emdroadur ar boblañs abaoe 1962

Niver a annezidi

Tud

• Angré Bourgues de la Jaunays, selaouer ouzh Kambr ar C'hontoù Breizh e 1619
• Familh Lyrot de la Patouillère : en XVIII^vet kantved e oa penn an tiegezh Lyrot an aotrou e Sant-Sebastian (e La Patouillère, La Métairie hag e lec'hioù all. Daou ezel eus ar familh zo dibar : François (1732-1793), jeneral en arme Vendée e 1793 ; Philippe-Hervé^{(Daveoù a vank)}, mab François, ofiser war vor, e gopr ar Republik.
• Pierre Cambronne: jeneral gall, ganet e Naoned d’ar 26 a viz Kerzu 1770 hag aet d’an anaon e Naoned d’ar 29 a viz Genver 1842. E Sant-Sebastian a oa tiez d'ar familh Cambronne ha da Bêr Cambronne (La Treille ; La Tullaye, bremañ d'ar c'huzul-kêr ; La Baugerie, bremañ skolaj teknikel).

Ganedigezhioù

• 1809 : Élisa Mercoeur, barzhez.

Ardamezeg ar familhoù

	Bourgues Aotrounez La Jaunays En gul e c'hastell a dri dour en aour heuliet gant ur vlourdilizenn ivez en aour ouzh beg; e vevenn en glazur karget gant pemp c'hrogenn en argant, 3 ouzh kab, 2 ouzh lezioù, ar re-mañ liammet gant ur chadenn ivez en arc'hant, gant ur steredenn en aour etre ar vlourdilizenn hag ar chadenn
	Imbert Aotrounez La Patouillière ha La Gibrais En sabel e ziv gebrenn en argant
	de Kermenguy Aotrounez La Patoullière ha Chesne-Cottereau En aour e gelennenn c'heotet diwriziet ha dizeliennet.

Gevelliñ

Bro	Kêr	Abaoe
Kembre	Porthcawl	1999

Pennadoù kar

• Sebastian