Santez-Lusenn

Santez-Lusenn
Kastell Chassay, an ti-kêr.
Anv gallaouek	Saentt-Lucz
Anv gallek (ofisiel)	Sainte-Luce-sur-Loire
Bro istorel	Bro-Naoned
Melestradurezh
Departamant	Liger-Atlantel
Arondisamant	Naoned
Kanton	Kerc'hfaou
Kod kumun	44172
Kod post	44980
Maer Amzer gefridi	Anthony Descloziers 2020-2026
Etrekumuniezh	Naoned Meurgêr
Bro velestradurel	Tolpad-kêrioù Naoned
Lec'hienn web	www.sainte-luce-loire.com
Poblañsouriezh
Poblañs	15 417 ann. (2020)
Stankter	1 346 ann./km²
Douaroniezh
Daveennoù lec'hiañ	47° 15′ 01″ Norzh 1° 29′ 08″ Kornôg
Uhelderioù	kreiz-kêr : 9 m bihanañ 2 m — brasañ 36 m
Gorread	11,45 km²
Santez-Lusenn

Santez-Lusenn zo ur gumun e Breizh e kanton Kerc'hfaou, e Liger-Atlantel, e gevred ar vro.

Douaroniezh

War ribl norzh al Liger emañ, 6 km er Reter da Naoned. Emañ Enez Clémentine, el Liger, e kumun Santez-Lusenn. Meurvorel eo an hin.

Anv

Erwan Vallerie ː Sancta Lucia, XV^vet kantved.

Ardamezioù

« En glazur e alc'hwez en aour hag ur c'hleze en argant e grogenn ha dornell en aour, lammellet o-daou, e vevenn en erminigoù »

Istor

Dispac'h Gall

• Krouet e voe kumun Santez-Lusenn e 1790 diwar ar barrez katolik. Lakaet e voe e Kanton Tarvieg hag e Bann Naoned. E 1800 e voe lakaet en Arondisamant Naoned. E 1801 e teuas Kerc'hfaou da vout pennlec'h Kanton Tarvieg, adanvet Kanton Kerc'hfaou.

XX^vet kantved

Brezel-bed kentañ

• Mervel a reas 52 waz ag ar gumun abalamour d'ar brezel hervez monumant ar re varv, da lavaret eo 4,67 % eus he foblañs e 1911.

Eil brezel-bed

• Mervel a reas pemp den ag ar gumun hervez monumant ar re varv.

Trevadennoù

Brezel Aljeria

• Mervel a reas daou vilour eus ar gumun hervez monumant ar re varv.

Brezhoneg

• Abaoe miz Gwengolo 2015 ez eus kentelioù sizhuniek eno gant ar gevredigezh Kentelioù an Noz - Santez-Lusenn.

Monumantoù ha traoù heverk

• Monumant ar re varv en iliz katolik.
• An iliz katolik.
• Kastell Chassay
• Kastell ar Perrier
• Maner Bellevue
• Maner Le Grand Plessis
• Kastell al Linot.
• Monumant ar re varv, luc’hskeudenn<ref>(fr)Memorial Genweb.

Poblañs

Emdroadur ar boblañs abaoe 1962

Niver a annezidi

Melestradurezh

Roll maered Santez-Lusenn
Mare		Anv	Strollad	Karg
2020	→ bremañ	Anthony Descloziers	Strollad Sokialour Gall
2014	2020	Jean-Guy Alix	UMP, ha goude tu-dehoù liesseurt
2007	2014	Bernard Aunette	PS	Kuzulier departamant eus 2004 da 2015 (kanton Kerc'hfaou)
1983	2007	Pierre Brasselet	Tu-dehoù liesseurt, distrollad	Kuzulier departamant eus 1985 da 2004 (kanton Kerc'hfaou)
1959	1983	Félix Tessier	Tu-dehoù liesseurt	legumajer
1958	1959	Pierre Renoux		Eilmaer kentañ, sammet an etrekarg gantañ
1945	1958	Louis Gaudin
1931	1945	François Richard
1900	1931	Eudes de Fremond de La Merveillère
N'eo ket anavezet c'hoazh an holl fedoù.

Tud

• Judes Badereau de la Saminière, selaouer ouzh Kambr ar C'hontoù Breizh e 1724
• Charles-Hilarion Proust de la Gironnière, mestr ouzh Kambr ar C'hontoù Breizh e 1766
• Ar skrivagner gallek Yoann Barbereau (bet ganet e 1978) zo genidik eus ar gumun.

Ardamezeg ar familhoù

	Aoustin Aotrounez la Potevinière En glazur e c'hleze en argant peuliet, heuliet gant teir steredenn en aour, unan ouzh kab, div ouzh lezhioù hag ur greskenn ivez en aour ouzh beg.
	Badereau Aotrounez La Saminière En gul e zaou gleze lammellet, begoù ouzh kab, heuliet ouzh kab hag ouzh lezioù gant teir steredenn hag ouzh beg gant ur greskenn, an holl en argant.
	Boislève Aotrounez Les Roches, La Nobilière En argant e deir rozenn en gul, e gab en glazur karget gant teir lammell en aour.
	de Lescoët Aotrounez La Gabillaudière En sabel e sparfell en argant, krabanet, stagellek ha grizilhonek en aour, heuliet gant teir c'hregilhenn en argant.
	Proust Aotrounez la Gironnière En glazur, e fenn erer diframmet en aour

Gevelliñ

•  Alamagn : Herzogenaurach, Bavaria (1988).

Liammoù diavaez

• (fr) Lec'hienn ar gumun

Lervlennadur

• Pol Potier de Courcy : Nobiliaire et armorial de Bretagne, 1862.
• Erwan Vallerie : Diazezoù studi istorel an anvioù-parrez. Corpus. An Here. 1995