Ploueskad

Koc'hu Ploueskad, XVI^vet kantved.

Anv gallek (ofisiel)

Plouescat

Melestradurezh

Ploueskad (betek 2015)
Kastell-Paol (abaoe 2015)

Kod kumun

29185

Kod post

29430

Maer
Amzer gefridi

Eric le Bour
2020-2026

http://www.mairie-plouescat.fr/

Poblañsouriezh

Poblañs

3 522 ann. (2020)^[1]

Stankter

238 ann./km²

Douaroniezh

Daveennoù
lec'hiañ

48° 39′ 28″ Norzh
4° 10′ 24″ Kornôg / 48.657778, -4.173334

Uhelderioù

bihanañ 0 m — brasañ 56 m

Gorread

14,79 km²

Ploueskad

Ploueskad (distaget [plu.ˈɛs.kat]) a zo ur gumun eus Breizh en arvor Bro-Leon, e departamant Penn-ar-Bed. E kanton Kastell-Paol emañ bremañ, goude bezañ bet penn kanton betek 2015.

Douaroniezh[kemmañ | kemmañ ar vammenn]

Brezhoneg[kemmañ | kemmañ ar vammenn]

Ar Brezoneg er Skol[kemmañ | kemmañ ar vammenn]

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[2].

Deskadurezh[kemmañ | kemmañ ar vammenn]

Ur skol divyezhek a zo eno abaoe 1999.
E distro-skol 2022 e oa 37 skoliad enskrivet er c'hlasoù divyezhek (13,2 % eus skolidi ar gumun evit a sell ouzh ar c'hentañ derez)^[3].

Istor[kemmañ | kemmañ ar vammenn]

Dispac'h Gall[kemmañ | kemmañ ar vammenn]

Tud eus ar gumun a gemeras perzh en Emgann Kergidu d'ar 24 a viz Meurzh 1793 e-kichen Plougouloum; un dell-gastiz a 6 000 lur a voe paeet gant ar gumun edan 24 euriad^[4].

XX^vet kantved[kemmañ | kemmañ ar vammenn]

Brezel-bed kentañ[kemmañ | kemmañ ar vammenn]

Mervel a reas 119 gwaz eus ar gumun abalamour d'ar brezel, eleze 4,17% ag ar boblañs hervez an niveradeg bet graet e 1911^[5].

Eil brezel-bed[kemmañ | kemmañ ar vammenn]

Mervel a reas 70 den ag ar gumun abalamour d'ar brezel^[6].
D'ar 1añ a viz C'hwevrer 1941 e kouezhas un nijerez Beaufort I marilhet L9866 ha kodet MW-J eus 217 Squadron ar Royal Air Force (aerlu ar Rouantelezh-Unanet) e Ploueskad; lazhet e voe he fevar nijour, ne voe ket kavet o c'horfoù; d'an 10 a viz Ebrel 1941 e kouezhas un nijerez Spitfire I marilhet P9307 ha kodet LY-? eus ar 1st Photographic Reconnaissance Unit Squadron eus ar Royal Air Force e Ploueskad; lazhet e voe he levier, ne voe ket kavet e gorf; d'ar 5 a viz Gouere 1944 e kouezhas un nijerez Spitfire Vb marilhet EP756 ha kodet AZ-? eus ar 234th Squadron eus ar Royal Air Force er mor nepell eus Ploueskad; ne voe ket kavet korf he levier^[7].

Brezelioù didrevadennañ[kemmañ | kemmañ ar vammenn]

Brezel Indez-Sina[kemmañ | kemmañ ar vammenn]

Mervel a reas c’hwec’h milour eus ar gumun^[8].

Brezel Aljeria[kemmañ | kemmañ ar vammenn]

Mervel a reas tri milour eus ar gumun^[9].

Monumantoù ha traoù heverk[kemmañ | kemmañ ar vammenn]

Monumant ar re varv er vered; e 1922 e voe savet, luc’hskeudenn^[10].

Bae ar C'hernig.
An iliz katolik.
Maen-hir Kamm Loui.
Termoù Gorre Bloue.

Bezioù ar C'hommonwealth e bered ar gumun[kemmañ | kemmañ ar vammenn]


Bro	Niver a vartoloded
Kanada	1 (Merdeadurezh kenwerzh-Brezel-bed Kentañ)
Kanada	59 (Morlu-Eil Brezel-bed), 25 anezhe chomet dianav
Hollad	60

60 a dud eus ar C'hommonwealth a zo douaret e bered ar gumun. Unan anezhe, ur martolod eus ar verdeadurezh kenwerzh, a varvas e miz Even 1918, e-pad ar Brezel-bed Kentañ. An holl re all a varvas e-pad an Eil Brezel-bed, d'an 29 a viz Ebrel 1944, pa voe kaset o bag, an destroyer HMCS Athabaskan d'ar strad gant an tarzher alaman Elbing T-24 e-pad an Eil Brezel Bed^[11]^,^[12]^,^[13].