Love (albom The Beatles)

Love (albom The Beatles)
Albom gant The Beatles
Golo
Bro	Rouantelezh-Unanet
Embannadur	20 a viz Du 2006
Enrolladur	1963-1969
Pad	78:38
Produer	George Martin, Giles Martin
Label	Apple Records

Love, embannet d'an 20 a viz Du 2006 zo un albom ennañ kanaouennoù ar strollad saoz The Beatles advesket hag adlabouret gant George Martin hag e vab Giles Martin evit an arvest gant Cirque du Soleil. Hervez Giles Martin eo un doare nevez da glevet sonerezh ar Beatles hag ur mod da advevañ buhez sonerezh ar Beatles dindan nebeut amzer. Savet e oa bet an arvest diwar ur soñj deuet da George Harrison a-raok e varv, ha kaset e oa bet da-benn gant aotre Paul McCartney, Ringo Starr, ha re Olivia Harrison ha Yoko Ono ivez dre ma reont war-dro aferioù George Harrison ha John Lennon, a oa marvet pa oa bet savet an arvest. An albom diwezhañ produet gant George Martin a-raok e varv an hini eo.

Listenn ar c'hanaouennoù

Holl ganaouennoù savet gant Lennon/McCartney, war-bouez ar re ma'z eus merket un anv all.

1. "Because" – 2:44
2. "Get Back" – 2:05
3. "Glass Onion" – 1:20
4. "Eleanor Rigby" (gant "Julia") – 3:05
5. "I Am the Walrus" – 4:28
6. "I Want to Hold Your Hand" – 1:22
7. "Drive My Car/The Word/What You're Doing" – 1:54
8. "Gnik Nus" – 0:55
9. "Something" (gant "Blue Jay Way") (George Harrison) – 3:29
10. "Being for the Benefit of Mr. Kite!/I Want You (She's So Heavy)/Helter Skelter" – 3:22
11. "Help!" – 2:18
12. "Blackbird/Yesterday" – 2:31
13. "Strawberry Fields Forever" – 4:31
14. "Within You Without You/Tomorrow Never Knows" (Harrison/Lennon–McCartney) – 3:07
15. "Lucy in the Sky with Diamonds" – 4:10
16. "Octopus's Garden" (Richard Starkey) – 3:18
17. "Lady Madonna" – 2:56
18. "Here Comes the Sun" (gant "The Inner Light") (Harrison) – 4:18
19. "Come Together/Dear Prudence" (gant "Cry Baby Cry") – 4:45
20. "Revolution" – 2:14
21. "Back in the U.S.S.R." – 1:53
22. "While My Guitar Gently Weeps" (Harrison) – 3:46
23. "A Day in the Life" – 5:08
24. "Hey Jude" – 3:58
25. "Sgt. Pepper's Lonely Hearts Club Band (Reprise)" – 1:22
26. "All You Need Is Love" – 3:39

Ouzhpennadurioù

E-barzh Love e klever elfennoù eus 130 enrolladennoù The Beatles, gwerzhet pe savet evit un demo. N'eus listenn ofisiel ebet eus an elfennoù-se, met lod a zo bet diskuliet gant ar c'hazetennoù peotramant int splann da glevet.

• "Because" – En un atersadenn gant Entertainment Weekly e oa bet diskuliet e oa er bistenn-zigeriñ trouzioù laboused implijet e stumm World Wildlife Fund ar ganaouenn "Across the Universe", kement ha "Free as a Bird".
• "Get Back" – Implijet eo bet ton digeriñ "A Hard Day's Night", solo toumperezh "The End", taboulinoù diwar "Sgt. Pepper's Lonely Hearts Club Band (Reprise)", ha pignadenn laz-seniñ "A Day in the Life".
• "I Want to Hold Your Hand" – Embannet e oa bet gant George ha Giles Martin e oa bet implijet elfennoù eus an div sonadeg en Hollywood Bowl er meskañ 5.1 surround sound.
• "Drive My Car/The Word/What You're Doing" – Er medley emañ solo gitar "Taxman" hag al lodenn korn "Savoy Truffle".
• "Gnik Nus" – Erbpistenn e klever mouezhioù "Sun King" sonet en tu-kontrol asambles gant un tambura.
• "Being for the Benefit of Mr. Kite!/I Want You (She's So Heavy)/Helter Skelter" – Er bistenn e klever "Being for the Benefit of Mr. Kite!" a-bezh, gitaroù "I Want You (She's So Heavy)", ha mouezhioù daleet-kenañ "Helter Skelter".
• "Strawberry Fields Forever" – Savet eo ar stum diwar un demo akoustik. a-raok lakaat lodennoù eus enrolladenn 1 a0 rganaouenn.
• "Within You Without You/Tomorrow Never Knows" – Er ganaouenn e klever mouezhioù ha dilruba diwar "Within You Without You" gant gitar-boud ha toumperezh "Tomorrow Never Knows".
• "Lucy in the Sky with Diamonds" – Er ganaouenn e klever toumperezh "Being for the Benefit of Mr. Kite!", clavioline "Baby, You're a Rich Man", kernioù, gitaroù, gitar-boud ha toumperezh "Sgt. Pepper's Lonely Hearts Club Band", hag efedoù-son "Tomorrow Never Knows".
• "Octopus's Garden" – Er ganaouenn e klever kerdin "Good Night", efedoù-son ha mouezhioù "Yellow Submarine", hag elfennoù eus "Lovely Rita", "Helter Skelter" a-raok echuiñ gant riff gitar "Sun King".
• "Lady Madonna" – Klevet a reer taboulinoù "Why Don't We Do It in the Road?", piano "Ob-La-Di, Ob-La-Da", riff gitar "Hey Bulldog", solo orglez Billy Preston "I Want You (She's So Heavy)" ha solo Eric Clapton diwar "While My Guitar Gently Weeps".
• "Here Comes the Sun" (gant "The Inner Light") – Er ganaouenn ez eus tabla diwar "Within You Without You",mouezhioù-dreñv "Oh! Darling" ha linenn-boud "I Want You (She's So Heavy)".
• "Come Together/Dear Prudence" (gant "Cry Baby Cry") – "Come Together" a-bezh a glever, o treiñ er fin da "Dear Prudence". En dibenn e klever ur meskaj gant mouezhioù "Cry Baby Cry", kerdin "Eleanor Rigby", hag un elfenn diwar "A Day in the Life".
• "While My Guitar Gently Weeps" – Ur pennad digant ar BBC a embann e oa bet choazet gant George Martin ur stumm-abred eus ar ganaouenn ha skrivet a-ratozh ul lodenn laz-seniñ gantañ, e sonaozañ diwezhañ evit ar Beatles e-giz m'en doa embannet e-unan e notennoù ar bladenn. Kavet a reer an demo implijet en Anthology 3.
• "All You Need Is Love" – Dicheñch e chom ar ganaouenn. Echuet eo ar bistenn gant sonaozañ "Good Night" ha kenavo diwezhañ trede pladenn Nedeleg The Beatles.