Revolver (albom)

Ur pennad Revolver zo ivez.

Revolver (albom)
Albom gant The Beatles
Golo
Bro	Rouantelezh-Unanet
Embannadur	5 a viz Eost 1966
Enrolladur	Studioioù Abbey Road
Pad	35:01
Produer	George Martin
Label	Parlophone
Albomoù The Beatles
Rubber Soul (1965)	Sgt. Pepper's Lonely Hearts Club Band (1967)

Seizhvet albom ar Beatles eo Revolver, embannet d'ar 5 a viz Eost 1966 er Rouantelezh-Unanet. An albom diwezhañ savet a-raok paouez gant an troiadoù an hini eo ha merkañ a ra ur bazenn ouzhpenn en implij teknikoù ar studio a lakaio ar c'hanaouennoù embannet dibosupl da ganañ war-eeun gant pevar soner hepken. Mont a ra pelloc'h e koñseptoù degaset gant Rubber Soul ha gwelet eo evel unan eus albomoù gwellañ ha nevezusañ er sonerezh pop.

E Breizh-Veur e tremen Revolver seizh sizhun e penn ar rolloù, ha merket eo gant burutelladennoù damantus, goude ma'z eo nec'het lod eus ar gazetennerien gant kudennoù an amzer bet kaoz anezho er c'hanaouennoù. Sikouret gant an adembannadur e CD eo gwelet gant lod evel gwellañ albom ar strollad.

Listenn ar c'hanaouennoù

Holl ganaouennoù savet gant Lennon/McCartney, war-bouez ar re ma'z eo merket anv unan all.

Tu kentañ Taxman – 2:36 – George Harrison Eleanor Rigby – 2:11 I'm Only Sleeping – 2:58 Love You Too – 3:00 – George Harrison Here, There and Everywhere – 2:29 Yellow Submarine – 2:40 She Said She Said – 2:39

Eil tu Good Day Sunshine – 2:08 And Your Bird Can Sing – 2:02 For No One – 2:03 Doctor Robert – 2:14 I Want To Tell You – 2:30 – George Harrison Go To Get You Into My Life – 2:31 Tomorrow Never Knows – 3:00

Fichenn-broduiñ

The Beatles

• John Lennon : gitar tredan, gitar akoustik, orglez Hammond, Mellotron, efedoù son, taboulinoù, kan
• Paul McCartney : gitar boud, gitar akoustik, piano, orglez Hammond, klavier, efedoù son , kan
• George Harrison : gitar tredan, gitar akoustik, gitar-boud, sitar, tamboura, efedoù son, kan
• Ringo Starr : toumperezh, timbaloù, benveg-tosiñ, kan war Yellow Submarine

Sonerien ouzhpenn

• George Martin : produiñ, meskañ, piano, orglez Hammond
• Anil Bhagwat – tabla war "Love You To"
• Alan Civil – Kor gall war "For No One"
• Geoff Emerick – ijinour aodio ha meskañ
• Mal Evans – taboulin boud ha mouezh war "Yellow Submarine"
• Neil Aspinall – mouezh war "Yellow Submarine"
• Brian Jones – efedoù son, ocarina ha mouezh war "Yellow Submarine"
• Pattie Boyd – mouezh war "Yellow Submarine"
• Marianne Faithfull – mouezh war "Yellow Submarine"
• Alf Bicknell – efedoù son ha mouezh war "Yellow Submarine"
• Tony Gilbert, Sidney Sax, John Sharpe, Jurgen Hess – violoñsoù; Stephen Shingles, John Underwood – altoioù; Derek Simpson, Norman Jones – gouerrebedoù: eizhad kerdin war "Eleanor Rigby", sonaozet ha koñduet gant George Martin (gant Paul McCartney)
• Eddie Thornton, Ian Hamer, Les Condon – trompilh; Peter Coe, Alan Branscombe – saksofon tenor: lodenn kor "Got to Get You into My Life" sonazoet ha koñduet gant George Martin (gant Paul McCartney)