The Beatles (pladenn)

The Beatles (pladenn)
Albom gant The Beatles
Golo
Bro	Rouantelezh-Unanet
Embannadur	22 a viz Du 1968
Enrolladur	30 a viz Mae betek 14 a viz Here 1968 Studioioù Abbey Road & Trident, Londrez
Pad	93:33
Produer	George Martin
Label	Apple Records
Albomoù The Beatles
Magical Mystery Tour (1967)	Yellow Submarine (1969)

Navet albom ar Beatles eo The Beatles, lesanvet alies an Albom gwenn, embannet d'ar 22 a viz Du 1968 er Rouantelezh-Unanet. Albom-doubl nemetañ ar strollad an hini eo, embannet gant ur golo gwenn ha glann, engravet anv ar strollad warnañ hepken. Graet eo bet a-ratozh da lakaat kemm etre goloioù liesliv an albomoù bet embannet ar bloaz a-raok, dreist-holl Sgt. Pepper's Lonely Hearts Club Band. Anavezet eo The Beatles evel un aridennad kanaouennoù pep hini feal d'ur jañr (folk, British blues, ska, music-hall pe avant-garde, da skouer), met hep liamm kreñv etrezo.

30 kanaouenn zo en albom, 19 anezho krouet en India e-pad ur staj prederiegezh. Dre ma ne oa nemet gitaroù akoustik ganto e chom ar c'hanaouennoù tost ouzh ar benveg-se, ha leun a ganaouennoù zo bet enrollet solo pe gant darn eus ar strollad hepken. Nebeutoc'h a efedoù studio zo bet implijet en albom-mañ.

Tenn eo bet aergelc'h ar prantadoù-enrollañ, dre c'hoantoù disheñvel izili ar strollad, bezañs Yoko Ono, mignonez nevez John Lennon, tra ma veze berzet bezañs mignonezed ar Beatles en o labour betek-henn. Ken tenn e oa deuet an traoù da vezañ ma aet an ijinour son Geoff Emerick e-kerzh un enrolladenn ha vakañsoù-trumm a oa bet kemeret gant George Martin ha Ringo Starr zoken.

Listenn ar c'hanaouennoù

Holl ganaouennoù savet gant Lennon/McCartney, war-bouez ar re ma'z eo merket anv unan all.

Tu kentañ Back in the U.S.S.R. – 2:43 Dear Prudence – 3:56 Glass Onion – 2:18 Ob-La-Di, Ob-La-Da – 3:08 Wild Honey Pie – 0:52 The Continuing Story of Bungalow Bill – 3:14 While My Guitar Gently Weeps – 4:45 – George Harrison Happiness Is a Warm Gun – 2:47

Eil tu Martha My Dear – 2:28 I'm So Tired – 2:03 Blackbird – 2:18 Piggies – 2:04 – George Harrison Rocky Raccoon – 3:33 Don't Pass Me By – 3:51 – Richard Starkey Why Don't We Do It in the Road? – 1:41 I Will – 1:46 Julia – 2:57

Trede tu Birthday – 2:42 Yer Blues – 4:01 Mother Nature's Son – 2:48 Everybody's Got Something to Hide Except Me and My Monkey – 2:24 Sexy Sadie – 3:15 Helter Skelter – 4:30 Long, Long, Long – 3:08 – George Harrison

Pevare tu Revolution 1 – 4:15 Honey Pie – 2:41 Savoy Truffle – 2:54 – George Harrison Cry Baby Cry – 3:02 Revolution 9 – 8:15 Good Night – 3:14

Fichenn-broduiñ

The Beatles

• John Lennon : gitar tredan, gitar akoustik, orglez Hammond, mellotron, harmonika, efedoù son, taboulinoù, kan
• Paul McCartney : gitar boud, gitar akoustik, piano akoustik ha tredan, orglez Hammond, fleüt, kan
• George Harrison : gitar tredan, gitar akoustik, gitar-boud, orglez Hammond, efedoù son, kan
• Ringo Starr : toumperezh, timbaloù, benveg-tosiñ, piano, kan war Don't Pass Me By ha Good Night

Sonerien pedet

• Yoko Ono ;– mouezh ha daouarn war The Continuing Story of Bungalow Bill, mouezh war Birthday, mouezh, efedoù warRevolution 9
• Mal Evans ;– mouezh ha daouarn war Dear Prudence, daouarn war Birthday,trompilh war Helter Skelter
• Eric Clapton ;– gitar war While My Guitar Gently Weeps
• Jack Fallon ;– violoñs war "Don't Pass Me By"
• Pattie Harrison ;– mouezh war Birthday
• Jackie Lomax ;– mouezh ha daouarn war Dear Prudence
• John McCartney ;– mouezh ha daouarn war Dear Prudence
• Maureen Starkey ;– mouezh war The Continuing Story of Bungalow Bill

Produiñ

• George Martin ;– produer ; sonaozañ ha koñduiñ kerdin, kouevr, treujenn-gao ha laz-seniñ; piano war Rocky Raccoon
• Chris Thomas ;– produer; Mellotron war The Continuing Story of Bungalow Bill, klavier war Piggies; piano war Long, Long, Long, sonaozañ piano tredan, orglez ha saksofon war Savoy Truffle
• Ken Scott ;– ijinour son ha meskañ
• Geoff Emerick ;– ijinour son ; mouezh war Revolution 9
• Barry Sheffield ;– ijinour son (Trident Studio)