Listenn departamantoù gall Italia

Ar 14 departamant krouet gant an impalaeriezh c'hall e 1811. War ar gartenn e weler er memes liv ivez 3 departamant Mont-Blanc (departamant), Léman e Simplon (departamant).

An departamantoù gall en Italia dindan Napoleon, e 1811

Goude an Dispac'h Gall e 1789 ha krouidigezh an departamantoù er Rouantelezh C'hall e 1790 ez eas armeoù ar Republik C'hall da aloubiñ broioù all ; departamantoù nevez a voe krouet ganto en Izelvroioù, ha war-lerc'h gant Napoleon Bonaparte e Spagn, en Alamagn, en Italia, e Suis hag e Gres.

Goude krouidigezh departamantoù

• an Alpes-Maritimes e 1792 diwar-goust kontelezh Nisa,
• ar Mont-Blanc e 1798 gant douaroù dugelezh Savoia, diwar-goust Rouantelezh Sardigna,

e voe krouet 14 departamant gall all etre 1802 ha 1809, dre ma veze staget douaroù nevez eus Italia ouzh an Impalaeriezh c'hall kentañ. Setu int:

• 1802 : Doire, Marengo, Pô, Sésia ha Stura, pa voe staget ar Piemont,
• 1805 : an Apennins, Montenotte, ha Gênes pa voe staget Liguria,
• 1808 : Arno, Méditerranée, Ombrone ha Taro pa voe staget Toskana,
• 1809 : Tibre (deuet da vout Rome e 1810) ha Trasimène pa voe staget Stadoù ar Pab.

Al listenn

Anv	Pennlec'h	Padelezh	Bro
Apennins	Chiavari	1805-1814	Italia
Arno	Firenze	1808-1814	Italia
Doire	Ivrea	1802-1814	Italia
Gênes	Genova	1805-1814	Italia
Marengo	Alessandria	1802-1814	Italia
Méditerranée	Livorno	1808-1814	Italia
Montenotte	Savona	1805-1814	Italia
Ombrone	Siena	1808-1814	Italia
Pô	Torino	1802-1814	Italia
Rome	Roma	1809-1814	Italia
Sésia	Vercelli	1802-1814	Italia
Stura	Cuneo	1802-1814	Italia
Tanaro	Asti	1802-1805	Italia
Taro	Parma	1808-1814	Italia
Trasimène	Spoleto	1809-1814	Italia

Departamantoù Rouantelezh Italia

Diwar stagañ an div republik sispadan ha transpadan e voe savet ur Republik Sizalpin, anvet Republik Italia war-lerc'h, ha Rouantelezh Italia diwezhatoc'h. Distabil e oa an harzoù, ha meur a gemm a voe, met e 1812, p'edo en he brasañ, e oa 24 departamant enni:

• Adda, pennlec'h : Sondrio
• Adige, pennlec'h : Verona
• Adriatique (Adriatica), pennlec'h : Venezia
• Agogna, pennlec'h : Novara
• Haut-Adige (Alto Adige), pennlec'h : Trento
• Haut-Pô (Alto Po), pennlec'h : Cremona
• Bacchiglione, pennlec'h : Vicenza
• Bas-Pô (Basso Po), pennlec'h : Ferrara
• Brenta, pennlec'h : Padova
• Crostolo, pennlec'h : Reggio Emilia
• Istria, pennlec'h : Trieste
• Lario, pennlec'h : Como
• Mella, pennlec'h : Brescia
• Métaure (Metauro), pennlec'h : Ancona
• Mincio, pennlec'h : Mantova
• Musone, pennlec'h : Macerata
• Olona, pennlec'h : Milano
• Panaro, pennlec'h : Modena
• Passariano, pennlec'h : Udine
• Piave, pennlec'h : Belluno
• Reno, pennlec'h : Bologna
• Rubicon (Rubicone), pennlec'h : Forlì
• Serio, pennlec'h : Bergamo
• Tagliamento, pennlec'h : Treviso
• Tronto, pennlec'h : Fermo

Ul listenn all

Ret eo menegiñ ouzhpenn douaroù italian a oa bet aloubet, roet dezho anvioù departamantoù gant ar C'hallaoued, hag a oa chomet gall daou anezho (re Gorsika), hag ar re a oa distro da Italia goude faezhidigezh Napoleon e 1814, hag a voe roet gant Rouantelezh Italia da Vro-C'hall e 1860 . Er rumm kentañ:

• Ar Golo, Bastia ar pennlec'h,
• Al Liamone, Ajaccio ar pennlec'h

En eil rumm:

• An Alpes-Maritimes brezhonekaet dindan an anv Alpoù-an-Arvor
• Ar Mont-Blanc, a zeuy da vout Savoie ha Haute-Savoie, Chambéry ar pennlec'h anezhañ
• Departamant al Léman, gant Geneva da bennlec'h.

Pennadoù kar

• Departamant gall
• Listenn departamantoù gall an Izelvroioù
• Listenn departamantoù gall Belgia
• Listenn departamantoù gall Katalonia
• Listenn departamantoù gall Alamagn
• Listenn an departamantoù gall e broioù all Europa