Emgann Okinawa

Emgann Okinawa
	;
Maread	1añ a viz Ebrel ; 23 a viz Mezheven 1945
Lec'h	Okinawa, Japan
Disoc'h	trec'h ar Amerikaned
Emgannerien
Stadoù-Unanet	Japan
Pennoù-brezel
Simon Bolivar Buckner †; Joseph Stilwell	Mitsuru Ushijima †; Isamu Chō †; Minoru Ōta †; Seiichi Itō †; Hiromichi Yahara (prizoniet)
Niver a emgannerien
183,000 (Gwagenn argad kentañ)	80,000 soudard; 40,000 a vilisianed
Kolloù
12,500 lazhet; 38,000 gloazet; 33,096 gloazet er-maez an emgann; 38 lestr goueledet; 763 c'harr-nij distrujet	110,000 lazhet; 7,455 prizoniad; 16 lestr goueledet; 7,800 karr-nij distrujet

Emgann Okinawa anavezet ivez dindan an anv Oberenn brezel Iceberg. Etre ar 1añ a viz Ebrel hag an 23 a viz Mezheven 1945 e oa c'hoarvezet emgann Okinawa, 82 devezh stourm taer etre soudarded Lu Impalaeriezh Japan harpet gant siviled hag an Amerikaned harpet gant lod soudarded ar Rouantelezh-Unanet.

Okinawa a zo lec'hiet en enezeier Ryukyu. Bet eo bet an dilestradeg brashañ e-kerzh Brezel ar Meurvor Habask hag an Eil Brezel-bed.

Pal ar Gevredidi a oa tapout Okinawa, rak ne oa nemet da 550 km eus ar vamm-vro Japan, evit sevel eno ur bazenn kirri-nij bombezerien. Gant ar bazenn-se e vije aeshaet a galz aloubadeg ar Vamm-vro Japan anavezet dindan an anv Oberenn brezel Downfall.

Pevar divizion troadegiezh lu Amerika an 10vet Arme (ar re 7, 27, 77, ha 96) gant sikour daou divizion an USMC (ar re 1añ hag ar 6vet) o deus bet kemeret perzh e Emgann Okinawa. An aloubadeg a oa harpet gant Bigi brezel, bigi dezougen ha kirri-nij brezel.

E-tal da gement-mañ ne oa nemet 32vet arme Lu Impalaeriezh Japan gant un nerzh a 67,000 pe 77,000 soudarded reoliek hervez mammennoù 'zo. 9,000 soudarded Morlu Impalaeriezh Japan e-kostez bazenn ar morlu e Oroku, nebeut kantadoù anezho bet stummet d'ar stourm doare troadegiezh. Tro 39,000 siviled a roas harp 24,000 dre emgannañ ha 15,000 dre labourioù difenn. 1500 liseidi a emezelas er "Strollad stourm youlek Houarn ha Gwad", ha 600 Kelenner ha studierez ar skol Himeyuri a savas ur strollad klañvdiourezed.

Tetsu no ame ("glav houarn") pe tetsu no bōfū ("glav kreñv houarn") e-kostez ar Japaniz, typhoon of steel ("korventenn houarn") e-kostez ar Gevredidi, setu lezanvioù Emgann Okinawa unan d'eus ar re gwadushañ e Brezel ar Meurvor Habask. Al lezanvioù-se a zo deuet dre feulster sod an emgann gouzañvet gant an holl a oa war al lerc'h.

Soudarded japaniz oc'h erruout en Okinawa
Studierezed japanat o laret kenavo d'ar gamikazed o tibradañ diouzh Okinawa
Tresadenn eus difennoù ar Japaned gant lu ar Stadoù-Unanet.
Ur c'hanol doare 89 150mm kuzhet en ur vougev
Kartenn eus aerborzhioù Okinawa, e 1945

Argadenn Banzai e-pad Emgann Okinawa[kemmañ | kemmañ ar vammenn]

Meur a argadenn Banzai a vezo e-pad Emgann Okinawa ha dre an holl doareoù.

Lu Impalaeriezh Japan a implijas e-leizh ar strategiezh Argadenn Banzai e-pad Emgann Okinawa. Abaoe Emgann plegmor Leyte e oa bet kroget an implij kirri-nij doare Kamikaze, amañ e vezo ar wech kentañ ma vefe un implij anat er strategiezh emgann japanat.

Bugale soudard en Okinawa;

Etre dilestradeg an Amerikaned d'ar 1añ a viz ebrel hag ar 25 a viz Mae e vezo sevenet 7 gwagenn meur doare Argadenn Banzai gant 1,500 karr-nij Kamikaze.

Disoc'h Emgann Okinawa[kemmañ | kemmañ ar vammenn]

110 000 Japanad a oa marv. Un hanter anezho hepken a oa soudarded e Lu Impalaeriezh Japan. A-hervez e vije 4 000 soudard hag a vije en em lazhet.

Ar siviled o vevañ en Okinawa a vez soñjet e vijent bet e-tro 300 000 anezho. Hervez enklaskoù al lu amerikan e vije bet aet 142 058 da anaon.

Ur sell war an dachenn emgann hiziv-An-Deiz[kemmañ | kemmañ ar vammenn]

Koun-lec'h d'an 32vet rejimant Lu Impalaeriezh Japan
Dont-tre lec'h pennañ ha diwezhañ Lu Impalaeriezh Japan
Koun- lec'h mougev Chibichiri lec'h ma emlazhas ul lod bras a siviled ha soudarded a-raok bezañ prizoniet gant an Amerikaned.
Un aod lec'h ma tilestras an Amerikaned.
Urasoe ur menez 500 metrad uhelder, lec'h pennañ difenn Lu Impalaeriezh Japan