Morlu Impalaeriezh Japan
.jpg)
| Rann eus | Armed Forces of the Empire of Japan  |
|---|---|
| Deiziad krouiñ | 1869 |
| Anv er yezh a orin | 大日本帝国海軍 |
| Stad | Impalaeriezh Japan |
| Perc'henn war | Hiro Naval Arsenal, I-168, Bucholz Army Airfield, Wotje Airport |
| Heuliet gant | Nerzh-mor emzifenn Japan |
| Deiziad divodañ | 1945 |
| Banniel (deskrivadur) | banniel Morlu Impalaeriezh Japan |
| Istor | istor Morlu Impalaeriezh Japan |
| Item operated | flodad Morlu Impalaeriezh Japan |
| Roll elfennoù | listenn bigi Morlu Impalaeriezh Japan |
Morlu Impalaeriezh Japan (IJN; Kyūjitai: 大日本帝國海軍 Shinjitai: 大日本帝国海軍; Dai-Nippon Teikoku Kaigun pe 日本海軍 Nippon Kaigun) "Morlu an Impalaeriezh Japanaat Meur") a oa anv morlu ofisiel Impalaeriezh Japan adal ar bloavezh 1868 betek 1945. Divodet e oa bet goude trec'h Japan gant ar Gevredidi e-pad an Eil Brezel-bed. E-penn ar morlu e oa ar Gunreibu (Burev penn Morlu Impalaeriel Japan) hag ar Kaigunshō (Ministrerezh Morlu Japan) didan urzhioù Impalaer Japan evel penn-meur al lu troadegiezh hag ar morlu. Ur wech roet lamm d'ar Morlu impalaeriel e voe savet ar Kaijō Jieitai (Nerzh-mor emzifenn Japan ), d'ar 1 añ a viz Gouhere 1954.
Ar Morlu japanat a oa an trede hini er bed e 1920, a-dreñv ar Royal Navy hag an United States Navy (USN). Harpet e oa gant an Dai-Nippon Teikoku Kaigun Kōkū-tai, Servij nij Morlu Impalaeriel Japan evit ar c'hirri-nij hag oberiadurioù bombeziñ ar flodad. Bez e voe an enebour pennañ da Gevredidi ar C'hornôg e-pad Brezel ar Meurvor Habask.
Orinoù Morlu Impaleriel Japan a zo da glask da gentañ en eskemmoù a oa etre broioù Azia, da gentañ e-kerzh ar Grennamzer ha goude-se en e-barr er XVIvet ha XVIIvet kantved pa oa ur mare eskemmoù puilh gant ar galloudoù europat e-kerzh Mare an dizoloadennoù bras en Azia. Goude daou gantved sioul pad ma oa serret ar vro dre politikerezh ar shōgun er Marevezh Edo, morlu Japan a oa aet goustadik war wanaat betek ma vije rediet ar vro d'en em zigeriñ hag un-dro dre nerzh gant an Oberiantiz stadunanat eus 1854. Dre-se a oa bet kudennoù lies o kregiñe Japan a oa bet un diaz d'an Adsav Meiji. Memes mare ma oa an impalaer o tistreiñ evel den pennañ ar vro, e oa deuet war-wel ur marevezh modernizadur hag ul lamm greantel. War dachenn ar Morlu e oa bet berzhioù lies, alies a-enep nerzhioù enebour kalz galloudusoc'h evel e-kerzh ar Brezel etre Sina ha Japan pe e-kerzh ar Brezel etre Japan ha Rusia. Kement-mañ a oa echuet pa voe peurzistrujet e-kerzh an Eil Brezel-bed.
Orin
[kemmañ | kemmañ ar vammenn]Istor Japan war-vor a zo unan hir. Liammoù kozh a oa dija etre ar vro ha peurest kevandir Azia. Fiñvadegoù unvezioù milourel etre Korea ha Japan a oa lies, kroget e oant gant penn kentañ ar marevezh Kofun en IIIde kantved goude Jezuz-Krist. Goude taol c'hwitet an Aloubadegoù Vongol e Japan gant Kubilai Khan e 1274 ha 1281, ar vorlaerien wakō a oa kroget gant preizhañ kreñv arvorioù Sina.
Eil Brezel-bed
[kemmañ | kemmañ ar vammenn]| Morlu Impalaeriezh Japan vs US Navy e-keñver saverezh bigi (1937–1945, e Tonennoù fiñvet) | ||
| MIJ | USN | |
| 1937 | 45,000 | 75,000 |
| 1938 | 40,000 | 80,000 |
| 1939 | 35,000 | 70,000 |
| 1940 | 50,000 | 50,000 |
| 1941 | 180,000 | 130,000 |
| 1942–45 | 550,000 | 3,200,000 |
日本と日本文化のポータル — Porched Japan ha sevenadur Japan • Adkavit ar pennadoù a denn da Japan ha d'he sevenadur — 日本とその文化についてのページを見つける  Impalaeriezh Japan – An holl rummadoù ha pajennoù a-zivout Impalaeriezh Japan
|