Portugal

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Torre de Belém, pe Tour Belem, e Lisbon.

República Portuguesa

(Banniel Portugal) (Ardamezioù Portugal)
Kan broadel	A Portuguesa
Yezhoù ofisiel pe kenofisiel	Portugaleg
Kêr-benn	Lisbon
Gorread -En holl -% dour	92,391 km² <0.5%%
Poblañs -Hollad -Stankter ar boblañs	10,605,870 (2004) 114/km²
Prezidant	Aníbal Cavaco Silva
Kentañ ministr	Pedro Passos Coelho
Gouel broadel
Moneiz	Euro
Kod pellgomz	351
Kod war ar Genrouedad	.pt

Portugal, pe Republik Portugal (hervez an anv ofisiel portugalek, República Portuguesa [ʁɛ'puβlikɐ puɾtu'ɣezɐ] diouzh doare an IPA) a zo ur riez lec'hiet e mervent Europa, el Ledenez iberek, anezhañ ar vro a ya ar pellañ e kornog kevandir Europa. Harzoù en deus gant Spagn war-du an norzh hag ar reter ha riblet eo gant ar Meurvor Atlantel war-du ar su hag ar c'hornôg. Div enezeg en deus ivez er Mor Atlantel : Azorez ha Madeira. Emañ ar vro e-barzh Unaniezh Europa hag AFNA

Dont a ra anv Portugal diwar e anvadur orinel er IX^vet kantved, pa raed eus ar c'hentañ kontelezh en hanternoz Terra Portucalensis, da lavaret eo douar Portus Cale, diwar anv div c'hêr e beg ar stêr Douro, gant Portus (Porto a-vremañ) war he glann zehoù , ha Cale (Vila Nova de Gaia a-vremañ) war he glann gleiz.

E-kerzh ar XV^vet hag ar XVI^vet kantvedoù, gant e impalaerezh hollek, e oa unan eus galloudoù armerzhel, politikel ha sevenadurel pennañ er bed. Portugal a zo anezhañ ur vro diorroet, ezel eus Unaniezh Europa (abaoe 1986) hag eus ar Broadoù Unanet (abaoe 1955) ; kement hag un ezel diazezer eus Takad an Euro, an AEKD, an AFNA, hag ar CPLP (Comunidade dos Países de Língua Portuguesa — Kumuniezh ar Broioù Portugalek).