Ar Redadeg

Ar Redadeg

Stand Ar Redadeg - Festival Yaouank 2015
Krouidigezh	Mae 2008
Padelezh	Mae 2008 - Bremañ
Sujidigezh	Redadeg
Doare	Aozadur digorvo
Ger-stur	Brezhoneg ha plijadur
Lec'h pennañ	Morzhell, Il-ha-Gwilen, Breizh
Bro	Breizh
Deiz-ha-bloaz	Miz Mae
Anvioù all	"Ar redadeg evit ar Brezhoneg" "Ar redadeg a di da di"
Lec'hienn internet	https://www.ar-redadeg.bzh/
kemmañ

Ar Redadeg zo ur redadeg hir, war droad, noz-deiz e-pad meur a zevezh, aozet a-hed hag a-dreuz Breizh evit dastum arc'hant evit ar brezhoneg hag ar gallaoueg. Bep eil bloaz e vez aozet en deizioù kentañ a Vae.

Aozet e oa bet ar Redadeg kentañ e 2008, gant Diwan evit lidañ he 30 vloaz.

Aozadur[kemmañ | kemmañ ar vammenn]

Aozet eo gant ar gevredigezh Ar Redadeg, diazezet e Morzhell, e Bro-Roazhon.

Korrika[kemmañ | kemmañ ar vammenn]

Savet eo war batrom Korrika Euskal Herria a zo bet krouet e 1980 hag a vez redet bremañ bep eil vloaz. Eno e vez redet war-dro 2 300 km dre an holl vroioù euskarek (Euskadi ha Nafarroa e Spagn, hag Iparralde e Bro-C'hall).

Doare ar Redadeg[kemmañ | kemmañ ar vammenn]

Ur redadeg a-eiladoù eo, 9 km a vez redet e pep eurvezh. Pep kilometr a vez redet gant un den er penn a-raok o tougen ur vazh-test kizellet e koad, ha neb a gar war e lerc'h. Evit dougen ar vazh-test war-hed ur c'hilometr eo ret paeañ 100 euro.
E kêrioù ha kêriadennoù e vez aozet un degemer d'an arvesterien ha d'ar rederien, predoù, sonadegoù.

Ar vazh-test[kemmañ | kemmañ ar vammenn]

Ar vazh-test zo ur vazhig koad, ennañ ur barzhoneg a vez lennet e dibenn ar redadeg. Arouez ar brezhoneg douget a zorn da zorn (hag "a di da di" hervez al lugan pennañ) eo.

Skeudennoù[kemmañ | kemmañ ar vammenn]

Bulad-Pestivien, o prientiñ Redadeg 2008.
Redadeg vihan e Gwengamp, 2008.
Redourion prest da adkregiñ e Plañvour, dirak ar greizenn Amzer Nevez, 2010.
E Kerne, 2014.

Redek ha kanañ: tonioù ha sonioù[kemmañ | kemmañ ar vammenn]

Kanaouennoù zo bet savet evit ar Redadeg, ha gallout a reer klevout anezho:

2008: kempennet ez eus bet gant EV ur ganaouenn gozh, Redadeg, a c'haller selaou amañ: [1] (You Tube);
2010: savet ez eus ur ganaouenn, Ar Redadeg, gant David ar Gall hag e skolidi e Skolaj Diwan Gwened, a glever amañ [2], hag a c'haller lenn amañ;
2012: savet ez eus ur ganaouenn gant Mark Kerrain, Redek a rin keit, a glever amañ: [3], hag a c'haller lenn amañ.
2014: gant Alambig Elektrik eo bet savet, a c'haller klevet amañ [4].

Bloavezh	Anv	Strollad
2008	Ar Redadeg	EV
2010	Ar Redadeg	David Ar Gall/ Skolaj Diwan Gwened
2012	Redek a rin keit	Mark Kerrain
2014	Alambadeg	Alambig Elektrik
2016	Huch 'ta ! Redadeg	Adaozik ha bugale Skolaj Diwan Gwened^[1]
2018	Betek an trec'h	Penn Salsardin^[2]
2020/1	Deus'ta mignon	Lies
2022	Redadeg 2022	Enora de Parscau