Teurgn

Kumun Frañs
Teurgn
Skoed Teurgn
Rannvro	Centre
Departamant	Indre-et-Loire (pennlec'h)
Arondisamant	Arondisamant Tours (pennlec'h)
Etrekumuniezh
Bro 'Voynet'
Kanton	penn-kanton seizh kanton
Kod INSEE	37261
Kod post	37000, 37100, 37200
Maer Amzer gefridi	Jean Germain (Strollad Sokialour Gall) 2008-2014
Gorread	34,36 km²
Hed	00° 41' 21" Reter
Led	47° 23' 37" Norzh
Uhelder	bihanañ : 44 m. brasañ : 109 m. keitat : 118 m.
Poblañs hep kontoù doubl	135 218 ann. (2009)
Stankter	3 935,33 ann./km²

Iliz-Veur Sant-Gasian Teurgn

Teurgn (Tours e galleg) eo anv pennlec'h departamant gall an Indre-et-Loire, ha kêrbenn proviñs kozh Touren, savet a bep tu d'ar stêr Liger. 136 500 a dud zo o chom eno.

Kêr-benn Bro-C'hall e oa en amzer ar roue Loeiz XI a Vro-C'hall.

Eno emañ sez arc'heskob "Kornôg " Bro-C'hall, ha Breizh ennañ.

Kêr-benn un tolead pinvidik a-walc'h eo Teurgn, gant parkadoù legumaj, gwez-frouezh ha gwiniegi brudet.

Emañ ar gêr en ur c'hroashent kozh-tre, Norzh-Su e roud-avel, evit treuziñ aes al Liger hag ar Cher, e adstêr kazi kenstur er Su. Dre-se e veze liammet tolead Pariz, Chartrez, Poatev ha Bourdel en ur gejañ gant dezougerezh war vag Kornôg-Reter war ar stêr vras.

Istor [kemmañ]

E mare ar C'halianed e veze un treizh hag ur geoded anvet Civitas Turonorum gant ar Romaned. Dont a ra an anv eus anv ar meuriad, an Turones. Aze en IVvet kantved e vevas un den illur, Marzhin, ur milour, aet da vanac'h, ha diazezer un abati bras nepell diouzh ar geoded. E penniliz an abati ez eo bet deuet pirc'hirined da azeuliñ ur sant a zo bet roet e anv da veur a gêr ha gêriadenn en Europa a-bezh. Ouzhpenn-se emañ kêr Deurgn war hent pirc'hirinded Sant-Jalm a Gompostela etre Norzh Europa ha Spagn. Er VIvet kantved e voe anvet da eskob un den-iliz illur all, Gregor Teurgn, den politikour hag istorour ar Franked (kontañ a ra penaos e renent brezelioù enep ar Vretoned.
Kêr-benn ur gontelezh eo bet Turgn, hini an Touren, teuziet e diwezh an XIIIvet kantved en domani roueel ken e kave mat er Grennamzer roueed Bro-C'hall chom alies a-walc'h e kastellioù strewet a-hed al Liger. Unan anezho, Loeiz XI a vourre chom mizioù-pad e kastell ar C'henkiz, (kastell ar Montils e La Riche e bannlev kornôg hiziv).

Monumantoù ha traoù heverk [kemmañ]

Iliz-Veur Sant Gasian, Teurgn

Iliz-Veur Saint-Gatien, en anv Gatianus, ur sant eus an IIde pe IVre kantved.

Douaroniezh [kemmañ]

Lec'hiadurezh Teurgn

War ribl Su al Liger eo bet staliet ar gêr pa'z eus un uhelgompezenn izel a-walc'h e-lec'h tornaodoù raz kavet en ur sevel gant ar stêr pe war ar riblenn Norzh. Er XIXvet kantved eo bet poblet ar ribl-mañ p'eo bet kleuziet ar "Foz" evit lakaat hent Pariz da vont eeunoc'h betek ar pont.