Inizi Maloù

Eus Wikipedia
Mont da : merdeiñ, klask
Falkland Islands
Inizi Maloù
Banniel an Inizi Maloù Ardamezioù an Inizi Maloù
Banniel Inizi Maloù Ardamezioù
Ger-stur Desire the right
(Brezhoneg: "C'hoantaat ar Reizh")
Lec’hiadur Inizi Maloù
Yezhoù ofisiel Saozneg
Kêr-benn Stanley
Statud politikel Trevadenn eus ar Gurunenn (Arc'het gant Arc'hantina)
Rouanez' Rouanez Elizabeth II
Gouarner Colin Roberts
Gorread
-En holl
-% dour

12,173 km²
dister
Poblañs
- 2005 war-dro
- Stankter ar boblañs

3,060
0.25/km²
Moneiz Lur an Inizi Maloù (FKP)
Kan broadel God Save the Queen
("Ra saveteo Doue ar Rouanez")
Devezh ar vro
Kod war ar Genrouedad .fk
Kod pellgomz 500

Inizi Maloù (Falkland Islands d'ar saoznegerien hag Islas Malvinas d'ar spagnolegerien) a zo unan eus Tiriadoù Tramor Breizh-Veur, dezhañ Tiriadoù tramor Inizi Falkland (Overseas Territory of the Falkland Islands) da anv ofisiel. Stanley eo ar gêr-benn. Dindan 12 000 km² strewet etre meur a enezenn bras ha bihan ez eus 3 000 annezad o chom pell a-walc'h eus daou gevandir : Suamerika 480 km er c'hornôg hag Antarktika e 900 km er Su.

Istor[kemmañ]

Spurmantet e oa bet an inizi gant merdeerien Bro-Spagn e 1520 pa vez meneget inizi war ar c'hartennoù spagnat da-c'houde. Adkavet ez int bet un tamm gant Sebald de Weert, ur merdeer izelvroat e 1600 a embannas e kouezhe an inizi e kerzh e vro. Merdeerien Sant-Maloù a zeuas goude hep en em staliañ da vat eno. E 1690, ar merdeer saoz John Strong ne c'hellas ket tizhout aodoù Arc'hantina hag e tizoloas ar ganol-vor etre an div enez pennañ. An anv roet d'ar ganol-vor, Falkland, en enor ar 5vet Kont Falkland, hemañ arc'hantaer ar veaj, a voe roet ivez d'an enezeg a-bezh gant ar Saozon.

E 1764 e teuas ar merdeer gall Louis Antoine de Bougainville hag e stalias ur c'hamp anvet Port-Louis en enez pennañ er Reter. E penn ar bloaz 1765 e tizoloas ar moraer saoz John Byron lodennoù an enez kornôg hep gouzout tra eus staliadur ar C'hallaoued hag e embannas kerzh ar Roue saoz George III war an inizi. E 1766 e teuas ar Spagnoled evit skarzhañ ar 115 trevadenner gall kuit. Sevel a reas ar gouarner ur chapel dediet da Itron Varia an Digenvez (Soledad), met ne chomas ket trevadennerien spagnat goude 1811.
E 1816 e teuas da vezañ Arc'hantina ur stad dizalc'h hag e embannas e 1820 he gwirioù. Kas a reas trevadennerien e 1826, met distrujet e voe ar staliadur gant ar Stadoù-Unanet diwar abegoù o tennañ da chaseal ar reuniged. O vezañ m'he doa kaset Arc'hantina ur gouarner all e tistroas ar Saozon e 1833 hag e kemerjont an enezeg ken ne voe miret gant Arc'hantina nemet e-pad un prantad berr.
E 1914 e oa bet un emgann war vor etre morluioù saoz hag alaman.

E 1982 e tivizas diktatourien Arc'hantina adkemer an enezeg, met goude daou viz e voent trec'het gant morlu Breizh-Veur. Sellout ouzh Brezel an Inizi Maloù (1982).

E miz Meurzh 2013 e oa bet dalc'het ur referendom en enezeg evit gouzout hag-eñ e felle d'an dud chom gant ar statud tiriad tramor Breizh-Veur. 90,8% eus an dud o deus kemeret perzh er vot, 1 vot didalvoud a zo bet, 99,8% o deus votet ya, ha 0,2% nann (3 mouezh). N'eo ket bet degemeret an disoc'h gant Arc'hantina.

Iliz-Veur Stanley

Douaroniezh[kemmañ]

Politikerezh[kemmañ]