Enez Heard hag Inizi McDonald

Tiriad Enez Heard hag Inizi McDonald (e saozneg: Heard Island and McDonald Islands Territory; teskanv: HIMI) a zo un Tiriad diavaez eus Aostralia, ennañ inizi volkanek lec'hiet e su Meurvor Indez, war-dro an div drederenn eus an hent etre Madagaskar hag Antarktika, war-hed 4 100km diouzh mervent Aostralia. Diouzh un tu ez eus un enezeg vihan, Inizi McDonald, ha diouzh un tu all, un enezenn un hec'h-unan, Enez Heard, hag un toulladig kerreg (Sail Rock, Black Rock) hag inizigoù (Shag Islet, Morgan Islet). Didud eo an holl lec'hioù-se. Inizi Kergelenn eo an douaroù tostañ dezho.