Inizi Kergelenn

Eus Wikipedia
Mont da : merdeiñ, klask
Inizi Kergelenn gwelet eus an egor.

Inizi Kergelenn a zo un enezeg e su Meurvor Indez. Unan eus Douaroù Aostral hag Antarktikel Frañs eo.

Dizoloet eo bet an inizi-se er XVIIIvet kantved gant ar moraer breton Yves Joseph de Kerguelen de Trémarec (Youenn Kergelenn).

Abaoe 1950 e talc'h ar Frañs un diazlec'h lojistikel, teknikel ha skiantel eno, e Port-aux-Français, gant tost da 100 den e-barzh.

An douaroù[kemmañ]

Kartenn eus an inizi
Ledenez Rallier du Baty

7 215 km² a ya d'ober an enezeg, anezhi un enezenn vras — an Douar Bras (Grande Terre e galleg) — ha 300 enezenn hag enezennig bennak, tost-kenañ diouti. Un dornad enezegoù all a zo pelloc'hik evel an Inizi Koabrennek (îles Nuageuses) hag Inizi Leygyes. Troc'h-diroc'h eo an aodoù gant baeoù (hini ar Mor-Bihan, hini ar Valumetaerien, hini Choiseul, hini Gwaien...) hag oufoù niverus, hag ivez fjordoù. Menez Ross, ur menez-tan, eo al lec'h uhelañ (1 850 m).

An Douar Bras a zo dindan 6 675 km², ar pezh a ra 92 % eus an hollad: 150 km a hed a zo dezhañ a reter da gornaoueg, ha 120 km a norzh da su.

Gwelet ivez[kemmañ]

Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.