Uthr Bendragon

Eus Wikipedia
Mont da : merdeiñ, klask

Uthr Bendragon, pe Wthyr Bendragon, a oa penn ar Vrezhoned ha tad ar roue Arzhur hervez ar mojennoù.

Gant Jafrez Menoe[kemmañ]

En Historia Regum Britanniae eo kontet e istor gant Jafrez Menoe war un dro gant hini Arzhur. Mab eo Uthr d'ar roue Cystennin II ha breur eo da Emrys Wledig. E Breizh eo bet maget evit e ziwall diouzh kasoni Gwrtheyrn.


El lennegezh kembraek[kemmañ]

Roud koshoc'h zo eus Uthr el lennegezh kembraek kozh.
Er varzhoneg Pa Gwr yw y Porthawr, e Levr Du Caerfyrddin ez eus kaoz eus Mabon fab Modron, gwaz da Uthr.

En ur varzhoneg all, Ymddiddan Arthur a'r eryr, ez eus anv eus un ni da Arzhur, anvet Eliwlad, a zo mab da Madog fab Uthr: breur da Arzhur eo Madog eta.

Meneg zo eus Uthr en unan eus Trioedd Ynys Prydain ivez, "Tair Prif Hud Ynys Prydain" (niv.28), ma lavarer dezhañ deskiñ da Venw fab Teirgwaedd (un den a zo kaoz anezhañ en danevell Culhwch ac Olwen) unan eus tri zra hud pennañ Preden.


Lennadurezh[kemmañ]