Plourae

Plourae zo ur gumun eus Breizh e kanton Gourin, met e Bro-Wened, hag e departamant ar Mor-Bihan, 12 kilometrad eus bourk Rostrenenn hag 50 kilometrad eus Pondivi. Er c'huzh-heol e tremen ar stêr Ele. Er c'hreisteiz ez eus torgennoù hag a ra an disparti etre red an Ele ha hini an Aer: 296 metr e-kichen Kerroc'h.

Douaroniezh

War lez ar stêr Ele emañ ar gumun.

Kumunioù amezek

Anv

Erwan Vallerie ː Ploerae, 1291; Ploerac et Meillonec, 1291; Ploure, 1296; Ploeroy, 1386; Plouray, 1387, 1516; Ploure, 1630; Plouvray ?, 1731

Gerdarzh

Diwar « plou » ha Gwray, sant brezhon^[2].

Ardamezioù

Istor

Dispac'h Gall

Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet e kanton Langoned; e Bann ar Faoued e oa; dilamet e voe kanton Langoned e 1801 ha lakaet ar gumun e kanton Gourin bet brasaet ha miret gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Plourae en Arondisamant Pondi bet krouet e 1800^[3]^,^[4].

XX^vet kantved

Brezel-bed kentañ

Mervel a reas 86 gwaz eus ar gumun abalamour d'ar brezel, da lâret eo 4,32 % eus he foblañs e 1911^[5].

Eil brezel-bed

Repuidi-brezel: d'an 10 a viz Even 1940 e oa 450 repuad e Plourae; 32 anezhe n'oant ket distroet d'ar gêr c'hoazh d'ar 1añ a viz Gwenholon 1940^[6].
D'ar 26 a viz Ebrel 1944 e voe tapet 24 150 Lur en ti-post gant tud eus ar Rezistañs, ha 595 Lur d'an 10 a viz Even 1944^[7].
Mervel a reas 22 zen ag ar gumun abalamour d'ar brezel, 18 milour ha meur a zen nann-soudard en o mesk: tri a voe lazhet gant bombezadegoù^[8] hag ur vaouez a varvas en Auschwitz^[9].
Strouezheg: fuzuilhet e voe gwazed ag ar Rezistañs d'ar 24 a viz Even 1944 e Rozkev e Lannejenn; barnet e oant bet d'ar marv gant lez-varn al Lu alaman Ar Faoued; 17 e oant, en o mesk c'hwec'h gwaz yaouank eus Blankenberge (Flandrez Belgia), Georges Sandelé, René Mestdagh, Camille De Corte,Raymond Marmenout, Louis Dehenauw ha Jean de Coninck, bet tapet gant an Alamaned p'o doa taget paotred ar strouezheg FTP e Plourae^[10]; unan anezhe, Jean de Coninck, gloazet hepken, a c'hell tec'hout. Kuzhet ha sognet e voe gant tud ar vro betek an Dieubidigezh. Daou gorf a zo chomet dianv.
Fuzuilhet e voe ur gwaz eus ar gumun e Landordu e Berne, d'ar 6 a viz Gouhere 1944 abalamour d'o ferzh er Rezistañs; barnet e oa bet d'ar marv gant lez-varn al Lu alaman Ar Faoued^[11].

Brezelioù didrevadenniñ

Ur milour a varvas e Brezel Indez-Sina hag unan all e Brezel Aljeria^[12].

XXI^vet kantved

2010: d'an 13 a viz Du 2010 e voe 2 000 den o vanifestiñ a-enep ar gompagnunezh GDE a fell dezhi douarañ lastez e pradoù ar gumun.

Monumantoù ha traoù heverk

Al liac'hven.

Ul liac'hven.

An iliz katolik.

Iliz katolik Sant Erwan.

Monumant ar re varv.

Monumant ar re varv e-tal an iliz katolik.
Plakenn ar re varv (1914-1918) en iliz katolik^[13].

Emdroadur ar boblañs abaoe 1793

Izelvroiz zo o tont da chom war o leve er vro^[14].

Melestradurezh

Mare		Anv	Strollad
Roll maered ar gumun
Meurzh 1989	→ bremañ	Michel Morvant	RPR-Unvaniezh evit ul Luskad Poblel
N'eo ket anavezet c'hoazh an holl fedoù.

Tud

Ganet eno

Michel Guillaume, kadoriad Kevredigezh Bretoned Bro Viêtnam.

Marvet eno

1997: Manu Kerjean, kaner.

Ardamezeg ar familhoù

	le Bahezre, aotrounez Kerleno ha Goullo	En argant e leon en gul, krabanet ha teodet en sabel
	du Bahuno, aotrounez Penguily	En sabel e vleiz tremenant en argant leinet gant ur greskenn ivez en argant

Gevelliñ

Liammoù diavaez

(br)Plourae war lec'hienn Geobreizh

Levrlennadur

(fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
(br)Erwan Vallerie : Diazezoù studi istorel an anvioù-parrez. Corpus. An Here. 1995

Daveoù ha notennoù

↑ Roadennoù ofisiel e lec'hienn an EBSSA
↑ (fr)Henri Guiriec, La Région de l'Ellé - bas et haut Ellé, e ti an aozer, h.d., (e galleg), pajenn 21
↑ (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 277
↑ (fr)Cassini - EHESS - Plourae - Fichenn ar gumun
↑ (fr)Monumant ar re varv
↑ (fr)Association Mémoire du canton du Faouët, 1939-1945 en Centre-Bretagne, Liv'Editions, Ar Faoued, 2004, levrenn I, pajenn 118
↑ (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 278
↑ (fr)Monumant ar re varv
↑ (fr)memorialgenweb - Monumant ar re varv
↑ (fr)Association Mémoire du canton du Faouët, 39-45 en Centre-Bretagne, pajennoù 219 ha 220, levrenn III, Éditions Liv éditions, Le Faouët, ISBN-10: 2844970966 hag ISBN-13: 978-2844970961 (e galleg)
↑ (fr)René Le Guénic, Morbihan - Mémorial de la Résistance, 1998, pajennoù 21 ha 22
↑ (fr)Monumant ar re varv
↑ (fr)Memorial Genweb
↑ Environnement-Info

[1] Roadennoù ofisiel e lec'hienn an EBSSA

[2] (fr)Henri Guiriec, La Région de l'Ellé - bas et haut Ellé, e ti an aozer, h.d., (e galleg), pajenn 21

[3] (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 277

[4] (fr)Cassini - EHESS - Plourae - Fichenn ar gumun

[5] (fr)Monumant ar re varv

[6] (fr)Association Mémoire du canton du Faouët, 1939-1945 en Centre-Bretagne, Liv'Editions, Ar Faoued, 2004, levrenn I, pajenn 118

[7] (fr)Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 278

[8] (fr)Monumant ar re varv

[9] (fr)memorialgenweb - Monumant ar re varv

[10] (fr)Association Mémoire du canton du Faouët, 39-45 en Centre-Bretagne, pajennoù 219 ha 220, levrenn III, Éditions Liv éditions, Le Faouët, ISBN-10: 2844970966 hag ISBN-13: 978-2844970961 (e galleg)

[11] (fr)René Le Guénic, Morbihan - Mémorial de la Résistance, 1998, pajennoù 21 ha 22

[12] (fr)Monumant ar re varv

[13] (fr)Memorial Genweb

[14] Environnement-Info

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]