Kraozon

Kraozon
Kumun eus Breizh
Porzh Morgad
Melestradurezh
Bro istorel	Kerne
Departamant	Penn-ar-Bed
Arondisamant	Kastellin
Kanton	Kraozon (Pennlec'h)
Kod kumun	29042
Kod post	29160
Maer Amzer gefridi	Daniel Moysan 2008-2014
Etrekumuniezh	Kumuniezh kumunioù Gourenez Kraozon
Bro velestradurel	Bro Brest
Lec'hienn web	Ti-kêr
Poblañsouriezh
Poblañs	7 697 ann. (2009)
Stankter	96 ann./km²
Douaroniezh
Kenurzhiennoù	48° 14′ 45″ Norzh 4° 29′ 15″ Kornôg
Uhelderioù	krenn : 85 m bihanañ 0 m — brasañ 102 m
Gorread	80,37 km²
Kraozon

Kraozon (distaget Kraon er vro, ['krãõn] hervez an IPA ) zo ur gumun eus Breizh e Kerne, e ledenez Kraozon, ha pennlec'h kanton Kraozon. Ar gumun bennañ eus Gourenez Kraozon.

Brezhoneg

Ya d'ar brezhoneg

• D'an 29 a viz Mae 2009 e oa bet votet ar garta Ya d'ar brezhoneg gant Kuzul-kêr ar gumun.

Deskadurezh

• Ur skol divyezhek a zo eno abaoe 1989.
• E distro-skol 2009 e oa enskrivet er skol Diwan 4,0% eus bugale ar gumun evit a sell ouzh ar c'hentañ derez .
• E distro-skol 2010 e oa 27 skoliad enskrivet er skol Diwan (3,3% eus skolidi ar gumun evit a sell ouzh ar c'hentañ derez) .

Istor

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant ar person, Doixant e anv, Ha Meillard, kure .

XX^vet kantved

• Brezel-bed kentañ: ur c'hamp-bac'h a voe digoret en Enez-Hir er gumun e 1914 evit derc'hel ennañ 400 sujed alaman ha 250 sujed aostrian bet tapet e miz Gwengolo p'edont o veajiñ e bourzh ar mordreizher Nieuw Amsterdam .
• Eil Brezel-bed: d'an 9 a viz Genver 1942 e kouezhas ur c'harr-nij Manchester I marilhet L7322 ha kodet EM-Q eus ar 207th Squadron eus ar Royal Air Force (aerlu ar Rouantelezh-Unanet) en Enez-Hir; tri nijour a voe lazhet, beziet int e bered ar gumun; d'ar 1^añ a viz C'hwevrer 1942 e kouezhas un nijerez Manchester I marilhet L7472 ha kodet QR-? eus ar 61st Squadron eus ar Royal Air Force e Morgad; daou nijour a varvas, n'int ket bet kavet; ar c'hwec'h nijour all a voe tapet d'an Alamaned; d'ar 16 a viz C'hwevrer 1943 e kouezhas ur c'harr-nij B-17F-25-BO (anvet "Spook", marilhet 41-24541 ha kodet VK-B) eus aerlu SUA (United States Army Air Forces) er mor e-tal Ledenez Kraozon; diwar an dek milour eus e baread e voe tapet tri gant an Alamaned, ne voe ket adkavet ar re all ; d'an 18 a viz Even 1944 e kouezhas ur c'harr-nij Blenheim marilhet LJ878 eus ar Royal Air Force e Kraozon, lazhet e voe e dri nijour; d'ar 14 a viz Eost 1944 e kouezhas un nijerez Lancaster I marilhet PD222 ha kodet KM-U eus ar 44th Squadron eus ar Royal Air Force er mor e Kraozon; pemp nijour a varvas, tri anezhe a voe douaret e bered Kraozon ha daou all e Saint-Charles de Percy War Cemetery (Bro-C'hall), unan all a zeuas a-benn da achap hag ar seizhvet hini a voe adkavet gant ar Re Gevredet .

Tud brudet

Tud bet ganet eno

• Louis Jouvet, aktour gall 24 a viz Kerzu 1887.

Tud bet marvet eno

• Anna Vezmeur, leanez skrivagnerez vrezhonek 30 a viz Genver 1909.

Monumantoù ha traoù heverk

Bezioù ar C'hommonwealth e bered ar gumun

Bro	Niver a soudarded
Aostralia	3 (Aerlu)
Kanada	2 (Aerlu)
Rouantelezh-Unanet	4 (Aerlu)
Dianv	1
Hollad	10

Karrnijourion e oant holl. Mervel a rejont e-pad an Eil Brezel Bed .

Douaroniezh

Ar Bernioù Piz, e Beg Penn ar Roz

Kelc'hiet eo gant ar mor: en hanternoz dezhi emañ lenn-vor Brest, er c'hreisteiz Bae Douarnenez hag er c'hornog ar Meurvor Atlantel. Anavezet mat eo ivez al ledenez abalamour d'he geologiezh dibar. Gallout a reer kavout eno roudoù eus darvoudoù a-bouez e buhez an douar a ro tu da gompren penaos ez a fiñvadennoù ar douar en-dro. Kavet e vez e Kraozon ur pleg "anticlinal" mil anavezet (pleg an douar e stumm un A).

Luc'hskeudennoù

• 
• 

  Tour-tan Morgad

• 
• 
• 

  Chapel Sant Fiakr

• 

  Beg Din

• 

  Beg Din

• 

  Beg ar Gador

Emdroadur ar boblañs 1962-2006

Niver a annezidi

Liammoù diavaez

• (br) Kraozon war lec'hienn Geobreizh