Yezekael, roue Domnonea

Ur pennad Yezekael zo ivez.

Sant Yezekael en iliz abati Pempont Yezekael, pe Yudikael, ganet war-dro 590, marvet war-dro 658, a voe roue Domnonea er VIIvet kantved. Mont a reas da vanac'h, ha lakaet e voe da sant. E anv Henvrezhoneg Iudichael, eus iud "brezelour" + -ic + hael "nobl", "brokus". Paot eo an anv Yudikael e Breizh. Deuet eo da vezañ Yezek(a)el ha « Jézéquel » e Breizh-Izel, Jikel ha « Gicquel » e Breizh-Uhel. E vuhez Dindan an anv Iudichael eo meneget gant Gregor Teurgn en e Historia Francorum. Mab e oa da Judual pe Judhaël, roue Domnonea, ur rouantelezh vras e hanternoz Breizh, ha d'ar rouanez Pritelle, merc'h henañ Ausoche, kont Leon. Ur c'hoar en devoa, Onenn, ha pemzek breur yaouankoc'h, en o zouez ar sent Judog, Winog, ha Haelog. Hag eñ pennhêr e voe rediet da lezel ar galloud gant e vreur Haelog. Mont a reas da vanac'h da Wazel betek marv Haelog. Galvet e voe en-dro diwezhatoc'h da gemer krog e stur ar rouantelezh ha neuze e tapas ur vrud a furnez. Dagobert Judikael dirak Dagobert Iañ Delwenn da Yezekael e Pempont Marteze e voe trec'h war Dagobert Iañ, roue ar Franked. E 635, Dagobert a roas urzh da Yezekael da zont betek e balez e Clichy, e-kichen Pariz, evit adanzav e fealded d'ar roue, anez e vije aloubet Breizh. Asantiñ a reas ar roue brezhon, a erruas gant profoù, met nac'h a reas debriñ gant ar roue gall, ar pezh a voe gwelet evel ur gunujenn outañ. Manatioù E mare Yudikael eo e teuas sant Maloù da Vreizh da ziazezañ eskopti Sant-Maloù. Harpañ a reas savidigezh meur a vanati, hini Pempont savet diwar emziskouez ar Werc'hez a oa bet eno, sañset. E varv War-dro 640 e tilezas e garg a roue da vont da vanac'h adarre da Wazel, nepell diouzh manati Pempont, a oa bet diazezet gantañ, a-raok mervel evel ur sant. Goude e varv e voe beziet e-kichen an abad Meven, hag anvet da sant. Lidet e vez d'ar 16 a viz Kerzu. Levrlennadur (fr) Joseph Chardonnet : Le livre d'or des saints de Bretagne, Coop Breizh, 2011 (ISBN 978-2-84346-533-8) (en) Julia M. H. Smith : Province and Empire: Brittany and the Carolingians, Cambridge University Press, 2008 (ISBN 978-0-52103-030-4) Pennad kar An anv-badez Yezekael Liammoù Saint Judicaël, Roi de Bretagne La vie de Saint Judicaël ou Gicquel

Istor Breizh Bretoned kentañ -5000 kent JK Arvorig Marevezh galian Vvet kantved kt JK - -56 Marevezh roman -56 - IVe kantved Marevezh poblañ Arvorig ha savidigezh Breizh IVe - IXvet kantved Rouaned 845 - 913 845 - 851 Nevenoe 851 - 857 Erispoe 857 - 874 Salaun 874 - 876 Gurwant / Paskwezhen 876 - 888 Yezekael 888 - 907 Alan Iañ 908? - 913? Gourmaelon Reuziad an Normaned 913? - 931 Rögnvaldr Felecanus Inconus 931 - 937 Gwilherm Iañ Marevezh an Duged 937 - 1532 Tiegezh Naoned 937 - 952 Alan al Louarn 952 - 958 Drogon 958 - 981 Hoel Iañ 981 - 988 Gwereg Tiegezh Roazhon 970 - 992 Konan Iañ 992 - 1008 Jafrez Iañ 1008 - 1040 Alan III 1040 - 1066 Konan II Tiegezh Kernev 1066 - 1084 Hoel II 1084 - 1112 Alan IV Fergant 1112 - 1148 Konan III Tiegezh Pentevr 1148 - 1166 Konan IV 1166 - 1201 Konstanza Plantajened 1169 - 1186 Jafrez II 1196 - 1203 Arzhur Iañ Tiegezh Thouars 1203 - 1221 Alis Breizh Tiegezh Dreux 1213 - 1237 Pêr Iañ 1221 - 1286 Yann Iañ 1286 - 1305 Yann II 1305 - 1312 Arzhur II 1312 - 1341 Yann III Tiegezh Bleaz-Pentevr 1341 - 1364 Janed Pentevr ha Charlez Bleaz Tiegezh Moñforzh 1341 - 1345 Yann Moñforzh 1364 - 1399 Yann IV 1399 - 1442 Yann V 1442 - 1450 Frañsez Iañ 1450 - 1457 Pêr II 1457 - 1458 Arzhur III 1458 - 1488 Frañsez II 1488 - 1514 Anna Breizh 1514 - 1524 Klaoda Breizh 1524 - 1532 Frañsez III Marevezh ar Breujoù 1532 - 1789 Gouarn war-eeun Pariz 1789 - 1974 Rannvroeladur René Pleven 1974-1976 André Colin 1976-1978 Raymond Marcellin 1978-1986 Yvon Bourges 1986-1998 Josilin Roc'han 1998-2004 Jean-Yves an Drian 2004-2012 Pierrick Massiot 2012-2015 Jean-Yves Le Drian 2015-2017 Loïg Chesnais-Girard abaoe 2017