Treiñ ha troidigezh

Eus Wikipedia
Mont da : merdeiñ, klask
Rosetta Stone BW.jpeg

Treiñ diwar ur yezh d’ur yezh all, pe en ur yezh all, eo lakaat komzoù pe skridoù a zo en ur yezh orin en ur yezh estreget ar yezh orin.

Al labour treiñ komzoù pe skridoù, pe an treiñ hepmui, a vez graet gant un troer. Un troour a vez lavaret ivez eus an hini a ra al labour en un doare ampart pe micherel, goude ma n’eo ket ar memes tra na tost. En un doare strizh (kenañ) ne vez troet nemet ar skridoù: jubenniñ a vo lavaret eus an ober dre gomz ha gant ur jubennour e vo graet.

Kemm a lakaer ivez etre treiñ lennegezh, pe treiñ lennegel, ha treiñ kalvezouriezh, pe treiñ kalvezel. Da neuze e verker peseurt danvez a vo troet, penaos e ranker treiñ, ha gant piv e vo troet, rak disheñvel eo, a-hervez, labour ha barregezh an daou rumm troerien-se.

Un tamm istor[kemmañ]

Un ober hollvedel eo an treiñ, a zo bet ezhomm a-viskoazh etre pobloù disheñvel o yezh. Da gentañ e veze troet skridoù sakr, evel troidigezh an Testamant Kozh e gregach, goude troidigezh ar Bibl e latin (Vulgat), troidigezh ar Bibl en alamaneg gant Martin Luther pe e kembraeg gant William Morgan.

E brezhoneg ez eus un hengoun treiñ diazezet war treiñ ar skridoù relijiel, a-raok kregiñ gant ar skridoù politikel gant an Dispac'h gall.

Treiñ lennegezh an Henamzer, diwar gregach ha latin, zo bet a-bouez ivez en istor al lennegezh, en hini Bro-C'hall peurgetket. Da-heul treiñ ar skrivagnerien gozh e teuas c'hoant da sevel oberennoù pimpatrom-heñvel, evel re La Fontaine a gemere skouer diwar Ezop ha Fedr.

E Breizh e voe, diwezhatoc'h, diouzh ar c'hiz sevel fablennoù e doare Yann ar Feunteun, ken e skrivas Roparz Hemon komzoù garv ouzh ar marmouzerezh-se.

An droidigezh[kemmañ]

Ar c’homzoù pe ar skridoù troet a vez graet un droidigezh (pe troidigezhioù) anezho.

Aesoc’h eo d’ur brezhoneger a-vremañ lenn un droidigezh eus ar Bibl e brezhoneg eget ar skridoù orin a ya d’ober anezhañ, a zo en hebreeg, e gresianeg, pe e latin.

Ouzhpenn-se en defe mil boan o kavout ar skridoù orin-se.

Labour an treiñ[kemmañ]

Evit treiñ eo ret gouzout div yezh. Evit treiñ mat eo gwelloc'h o gouzout mat. Evit o gouzout mat eo ret o deskiñ mat, ober gante alies, ha gouzout ne vo ket echu deskiñ biken.

Setu perak eo gwelloc'h kregiñ da dreiñ abred, en yaouank, hep gortoz gouzout mat, met evit deskiñ mat, rak n'eus doare all ebet da zeskiñ: dre ober e vo desket, dre zeskiñ e vo gouezet ober.

Troerien vat n'eus ket anezho dre natur: troerien zo, treiñ a reont skridoù, fazioù a c'hallont ober, ha gwellaat a c'hallont evel ar gwin kozh. Un troer mat zo un den hag en deus desket treiñ dre ober, a zo kustum da dreiñ, hag a zo barrek da ziwall a ober fazioù a vije graet gant unan diampartoc'h.

Evit ober labour vat eo ret kaout binvioù mat, da lavarout eo ar gwellañ geriadurioù ha yezhadurioù.


Stummadur an droourien e Breizh[kemmañ]

Goude ma vez lakaet ar studierien d'ober troidigezhioù er skol-veur n'eus ket a wir stummadur evit danvez troourien.

Setu perak n'eus ket kalz a droidigezhioù embannet e brezhoneg, e-skoaz ar pezh a weler e Kembre pe e Katalonia en ur bloavezh.


Sellout ivez:[kemmañ]