Salaun (roue Breizh)
| Reizh pe jener | paotr  |
|---|---|
| Anv e yezh-vamm an den | Salaün |
| Anv-bihan | Salaün |
| Anv-familh | talvoud ebet |
| Titl noblañs | dug |
| Deiziad ganedigezh | 9. century, 830 |
| Lec'h ganedigezh | Arvorig, Rannvro Breizh |
| Deiziad ar marv | 28 Mezheven 874, 25 Mezheven 874 |
| Lec'h ar marv | Laoulan, Ar Merzher-Salaun |
| Tad | Rivelen |
| Bugel | Riwallon of Brittany, Prostlon |
| Micher | monark |
| Karg | roue Breizh, roue Breizh |
| Stad ar c'hanonizasion | sant |
| Gouel | 25 Mezheven |
| Brezel | Battle of Brissarthe |
| Anvet diwar | Süleyman |
Salaun (?-†874), mab da Riwalon, kont Poc'her, a zo bet roue Breizh etre 857 ha 874. Dont a ra e anv eus hini Salomon, roue an Hebreed. Salamun e oa ar stumm kozh, aet da Salavun ha Salaun. Ur sant eus an Iliz katolik eo ivez.
E 853 e savas ur manati, dediet da sant Masen e Masen-Skirieg (Il-ha-Gwilen).
Dont a reas da vezañ roue Breizh e 857 goude bezañ muntret ar roue Erispoe, mab da Nevenoe ha kenderv dezhañ. Ne blije ket dezhañ gwelout Breizh o tostaat ouzh Bro-C'hall dre un dimeziñ. Prest e oa Erispoe da eurediñ e verc'h gant Loeiz, mab da Karl Voal, ar roue frank, diwar ali Alkmar, eskob Naoned.
E 863, dre Emglev Entrammes (Mayenne), ez eas Maine hag ul lodenn eus Anjev gantañ, diwar-goust ar Franked. E 868, dre Emglev Compiègne e c'hounezas ar c'hotentin, Bro-Avrañch hag Inizi Mor Breizh. Evel-se e tizhas Breizh ar brasañ gorread he deus bet bizskoazh.
E 868 e yeas da vrezeliñ ouzh ar Vikinged staliet war ribl al Liger, ha trec'hiñ a reas anezho. Savet e oa bet taosoù gantañ e Poitiers evit kas e gefridi da benn. D'an 29 a viz Eost eus ar memes bloaz e voe anavezet eñ hag e ziskennidi, da roue Breizh gant Karl an Tev e-pad bodadenn Pîtres[1].
Klask a reas Salaun distagañ eskibien Breizh eus arc'heskob Teurgn ha goulenn a reas digant ar pab lakaat eskopti Dol da vezañ un arc'heskopti. War an entremar e chomo statud Dol o vezañ ma oa gwelet evel an arc'heskopti gant ar Vrezhoned. Un asant a roas ar pab e 1076 pa gasas ur pallium, arouez ar garg, d'an arc'heskob Even. Cheñch a reas an traoù gant ar pab Inosant III pa urzhias e 1199 adlakaat beli arc'heskob Teurgn war an eskibien e Breizh.
E dibenn e ren en em dennas en ur manati, er Merzher-Salaun pe e Lanwelan, evit goulenn pardon digant Doue eus muntr Erispoe. Eno e voe drouklazhet d'ar 25 a viz Mezheven 874 gant e zeuñv Paskwezhen harpet gant Gurwant, deuñv Erispoe : « Salaun a glaskas repu en iliz ur manati ma oa kemeret hag handeet gant ur gouezder bras-meurbet. Tennet e oa e zaoulagad gant kement a feulster ma varvas e-doug an noz »[2]).
Lakaet e voe ar roue da sant e 910 abalamour d'e verzherinti ha d'e vertuzioù (emañ Sant Salaun e roll merzherien an Iliz katolik war lec'hienn ar Vatikan[3]).
Notennoù
[kemmañ | kemmañ ar vammenn]- ↑ Jean-Christophe Cassard Les bretons de Nominoë Gwask Skol-veur Roazhon, 2003 (ISBN 978-2-86847-776-7)
- ↑ Alban Butler, Jean François Godescar, Vies des pères, martyrs et des autres principaux saints, Volume 4, Lyon, F.Guyot, 1844
- ↑ lec'hienn ar Vatikan
| En e raok: Erispoe |
Roue Breizh  |
War e lerc'h: Paskwezhen pe Gurwant |