Mont d’an endalc’had

Eskob

Eus Wikipedia
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ
Eskob
ecclesiastical occupation, Christian religious occupation, episcopal title
Rann eusclergy Kemmañ
Honorific prefixExcellency, Monsignor Kemmañ
Relijionkristeniezh Kemmañ
Organization directed by the office or positiondiosez, eparchy Kemmañ
Applies to jurisdictiondiosez, eparchy Kemmañ
Dezverket dreepiscopal lineage Kemmañ
Model itemeskob katolik, Oriental Orthodox bishop, Protestant bishop, eparch, western bishop Kemmañ
Category for eponymous categoriesQ59522495 Kemmañ
Un eskob alaman e 2012

Un eskob (liester : eskobed, eskeb, eskibien) a zo un den uhel en urzh en Iliz katolik roman, en Iliz Ortodoks, en Iliz anglikan hag e lod eus an Ilizoù protestant. E penn un eskopti e vez un eskob.
Ul lid a vez aozet gant un eskob all (pe meur a hini) evit e eskobiñ, da lavarout eo reiñ ar garg dezhañ.

Gerdarzh[kemmañ | kemmañ ar vammenn]

Eus al latin kristen episcopus diwar ar gresianeg επισκοποςe episkopos, "diwaller, evezhier" e teu ar ger eskob hag e zeveradennoù "eskobded", "eskobel", "eskobelezh", "eskobiezh", "eskobiñ", "eskopti" hag "eskoptiad".

Eskibien en Testamant Nevez[kemmañ | kemmañ ar vammenn]

Pemp gwech e kaver ar ger "eskob" en Testamant Nevez.

Petra bennak ma n'eo ket bet krouet ar garg-se gant Jezuz-Krist e seblant bezañ ur stad reizh e penn-kentañ diorroadur ar gristeniezh. Diaes eo ober un diforc'h gant hini ar presbyter (πρεσβυτερος), met an diagon a weler el Lizher da Zimoteos a seblant dindan beli an eskob.

En Oberoù an Ebestel e reer eus an eskob ur maesaer evit e dropell, ur skeudenn voutin implijet en amzer hiziv c'hoazh. El Lizher da Zimoteos e reer "pried ur wreg nemetken" anezhañ, met amsklaer eo ma 'z eus kaoz eus nac'hañ dezho an eildimeziñ pe eus al liespriedelezh ; n'eus roud ebet avat eus eskibien a vije difennet outo dimeziñ ha genel krouadurioù d'ar c'houlz-se.

An eskibien diwar skridoù an ebestel[kemmañ | kemmañ ar vammenn]

Diwar obererezh an ebestel e voe aozet an Iliz kristen nevez en un doare efedusoc'h ken ma 'z eas roll an eskibien war bouezusaat en IIvet kantved. Gwelet eo kement-se e skridoù Ignatius Antioch (c. 35c. 110), pa zisplegas en e Lizher d'ar Vagnesianed :

« Lakait an holl da zoujañ ouzh an diagoned koulz hag e tleont doujañ ouzh an eskob hag eñ skeudenn an Tad ha doujañ ouzh ar veleged ivez,
ken e toujer ouzh ar re-se evel kuzul Doue ha Strollad an Ebestel. »

Wikeriadur
Sellit ouzh ar ger Eskob er
wikeriadur, ar geriadur frank.