Plijidi

Plijidi
Maen-hir Kaelouan.
Anv gallek (ofisiel)	Plésidy
Bro istorel	Treger
Melestradurezh
Departamant	Aodoù-an-Arvor
Arondisamant	Gwengamp
Kanton	Boulvriag (betek 2015) Kallag (abaoe 2015)
Kod kumun	22189
Kod post	22720
Maer Amzer gefridi	Guy Gautier 2014-2020
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Gwengamp
Poblañsouriezh
Poblañs	613 ann. (2017)
Stankter	24 ann./km²
Douaroniezh
Daveennoù lec'hiañ	48° 26′ 54″ Norzh 3° 07′ 14″ Kornôg 48° 26′ 54″ Norzh 3° 07′ 14″ Kornôg
Uhelderioù	kreiz-kêr : 120 m bihanañ 95 m — brasañ 268 m
Gorread	25,79 km²
Plijidi

Plijidi zo ur gumun eus Breizh, e Bro-Dreger, e departamant Aodoù-an-Arvor.

Istor

Ragistor

• Tud a zo o chom e Plijidi abaoe meur a vilved.
• Peulvinier kozh-tre zo, en o zouez hini Kaelouan ha hini an Toull Du.

Henamzer

• Romaned zo bet amañ rak kavet ez eus bet restajoù ur c'hamp roman war dachenn ar gumun.

VI^vet kantved

• Er VI^vet kantved ez eo bet diazezet ar barrouz gant Sedi, ur manac'h breizhat dianavezet moarvat, hag en deus roet e anv d'ar vro. Plijidi a dalvez kement ha "ploue" pe parrouz an aotrou "Sedi" . Un anv eo hag a oa douget e Kembre gwechall-gozh ivez.

XIV^vet kantved

• E 1371, e oa anvet Plijidi, Ploesedi. Bet eo anvet Plijidi-Treger goude se ivez.

Dispac'h gall

• Aloubet e oa bet ar vro d’an 20 a viz C'hwevrer 1796 gant ar Chouanted.

XX^vet kantved

Brezel-bed kentañ

• 90 gwaz a gollas o buhez abalamour d'ar brezel hervez monumant ar re varv, d.le. 5,27 % ag ar boblañs hervez an niveradeg bet graet e 1911 .

Eil Brezel-bed

• Gant an arme alaman e voe aloubet ar gumun e-pad an Eil brezel-bed. Er savadur a zo ur skolaj bremañ e oa bet graet un ti-lojañ soudarded. E-pad ar brezel-se e oa kalz a dud eus ar vro o stourm a-enep dezhi, hag un emgann bras a zo bet nepell alese e Koad Malaouen.
• Kemeret e voe 12 002 Lur en ti-post, gant izili eus ar Rezistañs moarvat, d’ar 4 a viz Even 1944, hervez danevell sizhuniek Titouroù Hollek Sant-Brieg .
• Mervel a reas 21 den eus ar gumun abalamour d'ar brezel .

Trevadennoù

• Indez-Sina: ur soudard a varvas.

Monumantoù ha traoù heverk

Ar c'halvar hag ar chapel.

• Chapel ha kalvar Sant Erwan.
• Maen-hir Kaelouan.
• Monumant ar re varv.
• Kalvar Feunteun ar C'hlan
• Maner Toull ar Golled
• Chapel Sant Alor
• Chapel an Drinded

Douaroniezh

• Lec'hiet eo ur pemzek kilometr bennak er c'hreisteiz da Wengamp, ur seizh kilometr bennak eus Boulvriag hag a zo er c’hornôg. Ar parrezioù all e-kichen a zo Sant-Rien, Sant-Pever, Senven-Lehard, Sant-Konan ha Magor. Emañ Plijidi war harzoù Bro-Gerne er su ha Bro-Oueloù er reter.

• Lec'hiet eo Plijidi evel Gwengamp war bladenn Pentevr. He gorread a zo 2 579 ha. Treuzet eo gant an Trev, ur stêr a rae an disparti etre Plijidi-Treger, ar Plijidi a-vremañ, ha Plijidi-Goueloù, deuet da vezañ Senven. 250 m uhelder eo an dosenn uhelañ, hag ar bourk a zo en 207 m uhelder. 638 annezad a oa enni e 2006, 120 den ouzhpenn ma veze kontet tud Skolaj Diwan Bro-Dreger.

Emdroadur ar boblañs

Emdroadur poblañs Plijidi abaoe 1793

Buhez ar gumun

Div skol hag ur skolaj a zo e Plijidi: ur skol bublik gant tro-dro da 55 bugel enni, ur skol brevez (Sant-Jozef) gant war-dro 30 bugel ha Skolaj Diwan Plijidi gant 139 skolajiad (2008-2009) ha 202 e 2011-2012. E ti-kêr Plijidi ez eus 5 den o labourat.

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol .

Skolaj Diwan

• Ur skolaj Diwan a zo eno abaoe 1995. Ar skolaj nemetañ eo er gumun.
• E distro-skol 2019 e oa enskrivet 230 skolajiad e skolaj Diwan Plijidi.

Liammoù diavaez

• (br) Plijidi war lec'hienn Geobreizh