Konk-Kerne

Ar gêr gloz.

Anv gallek (ofisiel)

Concarneau

Bro istorel

Kernev

Melestradurezh

Penn-ar-Bed

Konk-Kerne (pennlec'h)

Kod kumun

29039

Kod post

29900

Maer
Amzer gefridi

Marc Bigot
2020-2026

Etrekumuniezh

Konk-Kerne Tolpad-kêrioù

Poblañsouriezh

20 632 ann. (2022)^[1]

Stankter

502 ann./km²

Douaroniezh

Daveennoù
lec'hiañ

47° 52′ 34″ Norzh
3° 55′ 04″ Kornôg / 47.876111, -3.917778

Uhelderioù

kreiz-kêr : 6 m
bihanañ 0 m — brasañ 106 m

Gorread

41,08 km²

Konk-Kerne

Konk-Kerne zo ur gumun e Breizh, war aod ar Meurvor Atlantel. Pennlec'h kanton Konk-Kerne eo. Brudet eo bet evel ur porzh-pesketaerien. Hiziv e vez gweladennet ar gêr gloz.

Ardamezioù

En erminoù e deir c'hadvouc'hal en gul, peuliet ha treustellet.

Diwar ardamezeg d'Hozier (1696).

Istor

Konk a oa un enezennig e parrez Beuzeg-Konk. Adalek an XIII^vet kantved e teuas Konk (Konk-Kerne) da vezañ ur porzh bras hag ur gêr vras, gant mogerioù-difenn en-dro dezhi. Un drev eus Beuzeg-Konk e oa koulskoude, ha ne zeuas da vezañ distag nemet goude an Dispac'h gall, e 1801. E 1793 e oa bet krouet div gumun distag, Beuzeg-Konk ha Konk-Kerne.

Dispac'h Gall

Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Kerdrain, kure^[2].

XX^vet kantved

Brezel-bed kentañ

Mervel a reas 298 gwaz eus ar gumun, eleze 4,10% eus ar boblañs e 1911,abalamour d'ar brezel^[3].

Korventenn

19-20 a viz Gwenholon 1930: mervel a ra 21 pesketour eus Konk-Kerne abalamour d'ar gorventenn^[4].

Eil brezel-bed

Mervel a reas 88 den ag ar gumun abalamour d'ar brezel^[5].
Tri gwaz eus ar gumun a voe fuzuilhet e miz Gouhere 1944 gant an Alamaned e Kerfani e Molan^[6].

Brezelioù didrevadennañ

Brezel Indez-Sina

Mervel a reas c’hwec’h vilour eus ar gumun^[7].

Brezel Aljeria

Mervel a reas tri milour eus ar gumun^[8].

Stagidigezh

E 1945 e oa bet staget kumun Beuzeg-Konk ouzh kumun Konk-Kerne.
E 1959 e oa bet staget kumun Lanrieg ouzh ar gumun.

Brezhoneg

Ar Brezoneg er Skol

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[9].

Ya d'ar brezhoneg

D'an 28 a viz Mezheven 2012 e oa bet votet ar garta Ya d'ar brezhoneg gant kuzul-kêr ar gumun.

Deskadurezh

Klasoù divyezhek a zo eno abaoe 1999.
E distro-skol 2024 e oa 102 skoliad enskrivet er c'hlasoù divyezhek (7,3 % eus skolidi ar gumun evit a sell ouzh ar c'hentañ derez)^[10]
Ar vagouri À La Rue Béole he deus sinet live 1 karta Divskouarn.

Monumantoù ha traoù heverk

Roet eo bet al label Kêrioù ha Broioù Arz hag Istor dezhi.

Kêr gloz
Horolaj hag horolaj-heol

Monumant ar re varv, luc’hskeudennoù ha kartenn-bost^[11]^,^[12]. E 1900 e voe dibabet e lec’h gant ar c’huzul-kêr; dioueliet e voe d’an 11 a viz Du 1920^[13].

Bezioù ar C'hommonwealth e bered ar gumun

Bro	Niver a soudarded
Kanada	1
Rouantelezh-Unanet	1
Zeland-Nevez	1
Hollad	3

Karrnijourion e oant holl. Marvet int e-pad an Eil Brezel-bed^[14].

Bez-brezel ar C'hommonwealth e bered Lanrieg

Bro	Niver a soudarded
Rouantelezh-Unanet	1 (Aerlu)
Hollad	1

Karrnijour e oa. Marvet eo d'an 29 a viz Gwengolo 1940, e-pad an Eil Brezel Bed^[15]. Mervel a reas pa gouezhas e garr-nij (Beaufort Mk I marilhet W6493 ha kodet N1149) er mor^[16].

Emdroadur ar boblañs abaoe 1962

Niver a annezidi

Tud

Ardamezeg ar familhoù

Lohéac

Senesal Konk-Kerne e 1696

En argant e vailhenn en sabel.

Gevelliñ

Sport

10 a viz Gouere 1982 : 7vet tennad-hent Tro Bro-C'hall etre Kankaven ha Konk-Kerne ; trec'h eo Pol Verschuere (Belgia).
11 a viz Gouere 1982 : 8vet tennad-hent Tro Bro-C'hall etre Konk-Kerne ha Kastellin ; trec'h eo Frank Hoste (Belgia).

Liammoù diavaez

Commons

Muioc'h a restroù diwar-benn