7,62 × 51 mm NATO
| 7,62 × 51 NATO
.308 Winchester | |
|---|---|
 | |
| A gleiz da zehou : kalibroù 12,7 NATO, .300 Winchester Magnum, 7,62 x 51 NATO, 7,62 × 39 mm, 5,56 NATO, ha .22 LR. | |
| Doare | |
| Kalibr | .308 Winchester pe 7,62 × 51 mm |
| Doare douilhez | Kreuzenn |
| Doare skeiñ | e-kreiz |
| Bro orin |  Stadoù-Unanet
|
| Mentoù | |
| Ø bannadell | 7,82 mm |
| Ø kolier | 8,72 mm |
| Ø korf an douilhez | 11,96 - 11,53 mm |
| Ø strad | 12,01 mm |
| Hirder an douilhez | 51,18 mm |
| Hirder ar gartouchenn | 71,12 mm |
| Perzhioù all | |
| Pouez ar vannadell | 100 greunenn betek 220 greunenn
(6,5 g da 14 g) |
| Kargad poultr | Vihtavuori N140
(2,3 g - 2,9 g) |
| Tizh mont e-maez V0 | 600 da 1200 m/s |
| Gwask ar gazoù d'ar muiañ | Pmax = 4 150 bar |
| Energiezh ar vannadell | 2 000-3 850 J |
| Lezenn | |
| Rummad e Bro-C'hall | C |
An .308 Winchester pe 7,62 × 51 mm OTAN (hervez e anv ofisiel AFNA « 7.62 NATO ») a zo ur munision evit an armoù rizennet o c'hanolioù (karabinennoù ha fuzuilhoù) savet er bloavezhioù 1950 gant an embregerezh Winchester ha choazet da standard gant broioù AFNA evit an armoù bihan o c'halibr.
Istor[kemmañ | kemmañ ar vammenn]
Savet eo bet goude an Eil Brezel Bed da gemer plas ar munision standart .30-06 Springfield en arme Stadoù-Unanet Amerika. Hemañ a oa implijet abaoe 1906 met diamzeriet e oa deuet da vezañ abalamour dezhañ da vezañ re bonner, re vras ha re a argil gantañ da vezañ implijet en emgannoù. Ar 7,62 × 51 mm zo bihanoc'h ha skañvoc'h evit an .30-06, met ken kapabl evitañ pa denner etre 300 ha 600 metr.
Gwerzhet e voe evel munision sivil gant Winchester adalek 1952 ha lakaet da bourveziañ ar fuzuilh M14 e 1954 gant arme Stadoù-Unanet Amerika. Implijet e voe ivez en armoù arouezius deus ar Brezel Yen evel er fuzuilh-argad FN FAL, ar mindrailherezioù M60 hag FN MAG pe ar fuzuilh dam-aotomatek FN SCAR. Unan deus ar munisionoù implijetañ eo gant ar chaseourien er bed a-bezh, pe e vefe da chaseal bronneged bras (yourc'hed, kirvi, moc'h-gouez, kirvi-dour) pe da dennañ pell.
Ar 5,56 × 45 mm NATO en deus hiziv an deiz kemeret e blas evel munision diazez soudarded AFNA, hag eñ skañvoc'h hag aesoc'h da vestroniañ pa denner en ur mod aotomatek. Implijet e vez c'hoazh evit tennoù resis e-kichen munisionoù all evel ar 6,5 Creedmoor, a zo o kemer e blas tamm-ha-tamm abalamour dezhañ da vezañ resisoc'h pa denner pell.
Daveennoù[kemmañ | kemmañ ar vammenn]
- taolenn ar munision war lodenn TDCC lec'hienn ar CIP
