.30-06 Springfield
| .30-06 Springfield | |
|---|---|
 .308 Winchester - .30-06 Springfield - .300 Weatherby - .300 Winchester Magnum | |
| Perzhioù | |
| Kalibr | 7,62 mm |
| Bro orin |  Stadoù-Unanet Amerika
|
| Mare implij | Abaoe 1906 |
| Doare skeiñ | e-kreiz |
| Muzulioù | |
| Ø bannadell | 7,62 mm (0,308 meutad) |
| Hider an douilhez | 63,35 mm |
| Perzhioù all | |
| Pouez ar vannadell | Etre 10 ha 14,25 g |
| Tizh o vont e-maez V0 | 720 m/s |
| Energiezh ar vannadell | 2 756 J |
| Lezenn | |
| Rummad e Bro-C'hall | C |
An .30-06 Springfield pe 7,62 x 63 mm zo ur c'halibr armoù-tan deveret eus an .30-03 Springfield hag implijet gant arme ar Stadoù-Unanet abaoe 1906.
Implijet eo bet en armoù evel ar fuzuilhoù M1917 Enfield, Springfield M1903 ha BAR M1918 (er Brezel Bed Kentañ), hag en M1 Garand hag er vindrailherez Browning 1919 e-pad an Eil Brezel Bed. Kemeret eo bet e lec'h gant ar 7,62 x 51 mm evel munision standart AFNA e 1954, met implijet eo bet gant armeoù zo betek ar bloavezhioù 1970, da vare Brezel Vietnam da skouer. E hed-tenn efedus a zo war-dro 900 metr hervez hirder ar c'hanol.
Abaoe e vez implijet gant siviled dreist-holl. Ur c'halibr poblek eo gant chaseourien Norzhamerika evit al loened bras. Aotreet eo evit chaseal e Frañs abaoe 2013 ha berzh a ra er vro-mañ. Hervez ar broduerien munisionoù eo an .30-06 Springfield unan eus an tri munision implijetañ er c'harabinennoù gant ar 7,62 x 51 mm NATO hag ar 7,62 x 39 mm M43.
Ar c'halibroù .270 Winchester ha .35 Whelen zo deveret eus ar c'halibr-mañ.
Daveennoù[kemmañ | kemmañ ar vammenn]
- (fr) Taolenn an .30-06 Springfield war lodenn TDCC lec'hienn ar CIP
