7,62 × 51 mm NATO
| 7,62 × 51 NATO .308 Winchester | |
|---|---|
 A gleiz da zehou : kalibroù 12,7 NATO, .300 Winchester Magnum, 7,62 x 51 NATO, 7,62 × 39 mm, 5,56 NATO, ha .22 LR
| |
| Doare | |
| Doare douilhez | kreuzenn |
| Doare skeiñ | e-kreiz |
| Bro orin |  Stadoù-Unanet Amerika
|
| Muzulioù | |
| Ø bannadell | 7,82 mm |
| Ø trogleuziñ | 7,62 mm |
| Ø kolier | 8,8 mm |
| Ø skoaz | 11,5 mm |
| Ø korf an douilhez | 11,9 mm |
| Ø strad | 12,01 mm |
| Tevder ar strad | 1,3 mm |
| Hirder an douilhez | 51,18 mm |
| Hirder ar gartouchenn | 71,12 mm |
| Perzhioù all | |
| Pouez ar vannadell | 10 - 11 g |
| Tizh mont e-maez V0 | 790 - 856 m/s |
| Gwask ar gazoù d'ar muiañ | 4.150 bar |
| Energiezh ar vannadell | 2.559 - 2.627 J |
| Lezenn | |
| Rummad e Bro-C'hall | C |
An .308 Winchester pe 7,62 × 51 mm OTAN (hervez e anv ofisiel AFNA « 7.62 NATO ») a zo ur munision evit an armoù rizennet o c'hanolioù (karabinennoù ha fuzuilhoù) savet er bloavezhioù 1950 gant an embregerezh Winchester ha choazet da standard gant broioù AFNA evit an armoù bihan o c'halibr.
Istor
[kemmañ | kemmañ ar vammenn]Savet e oa bet goude an Eil Brezel-bed da gemer plas ar munision standart .30-06 Springfield en arme Stadoù-Unanet Amerika. Hemañ a veze implijet abaoe 1906 met diamzeriet e oa deuet da vezañ abalamour dezhañ da vezañ re bonner, re vras ha re a argil gantañ da vezañ implijet en emgannoù. Ar 7,62 × 51 mm zo bihanoc'h ha skañvoc'h evit an .30-06, met ken kapabl evitañ pa denner etre 300 ha 600 metr.
Gwerzhet e voe evel munision sivil gant Winchester adalek 1952 ha lakaet da bourvezañ ar fuzuilh M14 e 1954 gant arme Stadoù-Unanet Amerika. Implijet e voe ivez en armoù arouezius deus ar Brezel Yen evel er fuzuilh-emgann FN FAL pe ar mindrailherezioù M60 hag FN MAG. Armoù modernoc'h evel ar fuzuilh-arsailh FN SCAR-H a ra gantañ ivez. Unan deus ar munisionoù implijetañ eo gant ar chaseourien er bed a-bezh, pe e vefe da chaseal bronneged bras (yourc'hed, kirvi, moc'h-gouez, kirvi-dour) pe da dennañ pell.
Ar 5,56 × 45 mm NATO en deus hiziv an deiz kemeret e blas evel munision diazez soudarded AFNA, ha eñ skañvoc'h hag aesoc'h da vestroniañ pa denner er mod aotomatek. Implijet e vez c'hoazh evit tennoù resis e-kichen munisionoù all evel ar 6,5 Creedmoor pe an .338 Lapua Magnum, a zo o kemer e blas tamm-ha-tamm abalamour dezhe da vezañ resisoc'h ha galloudusoc'h pa denner pell.[1]
Daveennoù
[kemmañ | kemmañ ar vammenn]- taolenn ar munision war lodenn TDCC lec'hienn ar CIP
- ↑ (fr) STENG E., Tir de précision militaire : les tendances actuelles, Cibles HS n°41, Nevez-amzer 2024, p. 6-14
